Kirchenslavica: Baronio, Cesare - [Dějanija cerkovnaja i graždanskaja] Dějanija Cerkovnaja i graždanskaja, Ot Roždestva Gospoda Našego Iisusa Christa ; Iz lětopisanij Kesarja Baronia Sobrannaja ; Prevedenaja s polskago jazyka na slavenskij, kromě javnych s cerkoviju pravoslavnoju vostočnoju protivnostej rimskich u Baronia i skargi obrětajuščichsja

The database of Church Slavonic (old) prints of the SBB-PK offers an overview of the prints and the approximately 1000 pages obtained and proofread with Transkribus in "Ground Truth" quality. The full text search in the text corpus of the GT data can be carried out via this widget.

Page-Nr	Page-Content [3]
7	ВѢ́КЪ СЕДМЫЙ сі́есть. СЕДМО́Е СТО̀ ЛѢ́ТЪ ѿ воплоще́нїѧ Гдⷭ҇нѧ. Лѣ́то Гдⷭ҇не, ше́сть сѡ́тъ пе́рвое. \| Григо́рїа, в҃і. Маѵри́кїа, ѕ҃і. Маѯїмїа́нъ и҆з̾ а҆ра́вїи є҆пⷭ҇кпъ, канди́да а҆́ввꙋ посла́лъ къ па́пѣ григо́рїю, просѧ̀ ѿ негѡ̀ моще́й ст҃ы́хъ: ꙗ҆̀же ѻ҆́нъ съ ра́достїю посла̀ є҆мꙋ̀, и҆ ѿписа̀, и҆ ѡ҆ свое́й болѣ́зни возвѣстѝ, кото́рꙋю ѹ҆же тре́тїе лѣ́то терпѧ́ше, ѡ҆ не́йже и҆ къ рꙋстикїа́нѣ сро́дницѣ свое́й въ кѡнстантїнопо́ль пи́шꙋщь гл҃етъ: ꙗ҆́кѡ болѣ́знь є҆го̀ и҆зсꙋши́ла, и҆ є҆два̀ когда̀ ѿ ѻ҆дра̀ воста́ти є҆мꙋ̀ попꙋска́етъ. Въ то́мъ посла́нїи скорби́тъ на ню̀, ꙗ҆́кѡ въ посла́нїи свое́мъ мно́гажды гл҃аше: ва́ша є҆́смь раба̀, ва́ша є҆́смь раба̀, просѧ́щь, да бы̀ к̾ немꙋ̀ та́кѡ не писа́ла, поне́же по воспрїѧ́тїи є҆пⷭ҇кпства а҆́зъ ( речѐ ) всѣ́хъ ра́бъ сотвори́хсѧ, а҆ пре́жде є҆пⷭ҇кпства бы́хъ ва́шъ сро́дникъ. Бл҃года́рствꙋетъ же є҆́й за да́ръ, ст҃о́мꙋ петрꙋ̀ на покрове́нїе гро́ба є҆гѡ̀ посла́нный, и҆ за млⷭ҇тню въ мнⷭ҇трь є҆гѡ̀, и҆́же бѣ̀ ст҃а́гѡ а҆́ндре́а, въ кото́ромъ какова́ѧ чꙋдеса̀ быва́хꙋ, ѡ҆писꙋетъ є҆́й. ч҃а ѹ҆стро́н ѱѳ҃і а҃ и҆ з̾ а҆ра́вїи по мо́щи посо́лъ, кни́га ѳ҃. є҆піⷭ҇: к҃з. кни́га ѳ҃: єпіⷭ҇: л҃и. рꙋⷭ҇тїкїа́на сро́дница па́пы григо́рїѧ. \| [JPG]
8	Лѣ́то Гдⷭ҇не, х҃а. \| Григо́рїа, в҃і. \| Маѵри́кїа, ѕ҃і. Ѹ҆стро́и та́кожде поко́й мнⷭ҇тре́мъ, и҆ рабѡ́мъ бж҃їимъ въ ни́хъ, созва́въ на собо́ръ до два́десѧти є҆пⷭ҇кпѡвъ, дадѐ и҆̀мъ свобожде́нїе ѿ є҆пⷭ҇кпѡвъ, да бы̀ до ни́хъ дѣ́ла не и҆мѣли, но нача́лники и҆́хъ пра́вили бы и҆ сꙋди́ли и҆̀хъ. Сегѡ̀ вѣ́ка ѕѣлѡ̀ ѹ҆мно́жилсѧ бы́ло грѣ́хъ свѧтокꙋ́пства, и҆ скве́рное лихои́мство дх҃о́вныхъ, и҆ сїмѡ́нїа. Ѡ҆ то́мъ ѕѣлѡ̀ скорбѧ̀ ст҃ы́й григо́рїй, ѹ҆вѣщава́етъ власте́й и҆ короле́й и҆ є҆пі́скопѡвъ, и҆ про́ситъ да бы̀ то́й грѣ́хъ и҆скоренѧ́ли, а҆ ка́зни бж҃їѧ боѧ́лисѧ. Наипа́че же въ га́ллїи се́й вре́дъ бѧ́ше, по ѕло́мꙋ правле́нїю ѻ҆́ныѧ брꙋнихи́лды, ста́рыѧ коро́левы, ꙗ҆́же короле́вствꙋ ѻ҆́номꙋ мно́гѡ препѧ́тїѧ к̾ до́бромꙋ творѧ́ше. Востѡ́чныѧ цр҃кви та́кожде си́мъ свѧтокꙋ́пствомъ сквернѧ́хꙋсѧ. є҆гда́ бо ко григо́рїю ст҃о́мꙋ, по сме́рти а҆мо́са, на і҆ерⷭ҇ли́мское є҆пⷭ҇кство наста̀ і҆си́хїй, и҆ по ѻ҆бы́чаю со и҆сповѣ́данїемъ вѣ́ры посла̀ ра́ди соѻбще́нїѧ цр҃ко́внагѡ: Ѹ҆вѣщава́етъ є҆го̀ ст҃ы́й григо́рїй, да бы̀ се́й грѣ́хъ собо́рнѡ наказа́лъ и҆ ѿдали́лъ. Сегѡ̀ лѣ́та а҆ѵгꙋсті́нъ а҆пⷭ҇лъ а҆́глинскїи ѿ а҆релаті́йскагѡ є҆пⷭ҇кпа на а҆́глинское є҆пⷭ҇кпство посвѧще́нъ бы́сть. Ѿѻнꙋ́дꙋже во а҆́нглїю возврати́всѧ, посла́лъ въ ри́мъ петра̀ и҆ лаѵре́нтїа мона́хѡвъ, просѧ̀ па́пꙋ григо́рїа, да по́слетъ є҆мꙋ̀ множа́е дѣ́лателей цр҃ко́вныхъ. Сїѐ съ ра́достїю сотворѝ па́па, междꙋ̀ по́сланными пе́рвѣйшїи бѧ́хꙋ, мелли́тъ, і҆ꙋ́стъ, рꙋффїа́нъ. и҆ с̾ ни́ми посла́лъ мно́гѡ ѹ҆́тварей цр҃ко́вныхъ, ри́зъ, поти́рѡвъ, кни́гъ, и҆ и҆́ныхъ на слꙋ́жбꙋ бж҃їю сосꙋ́дѡвъ и҆ ѹ҆краше́нїй. Пи́шетъ ко а҆ѵгꙋсті́нꙋ, да бы̀ чꙋдеса́ми, ꙗ҆̀же и҆̀мъ гдⷭ҇ь бг҃ъ творѧ́ше, не возноси́лсѧ. Писа̀ и҆ къ королю̀ є҆дилбе́ртꙋ, ра́дꙋѧсѧ ѡ҆ є҆гѡ̀ ѡ҆браще́нїи: и҆ потр҄ебнаѧ ѹ҆вѣща́нїѧ, и҆ поꙋче́нїѧ и҆ поѡщре́нїѧ даѧ̀, про́ситъ є҆го̀: да бы̀ вѣ́рꙋ ст҃ꙋ́ю разширѧ́лъ, є҆пⷭ҇кпа своегѡ̀ а҆ѵгꙋсті́на ѹ҆вѣща́нїѧ слꙋ́шалъ ка́пища пога́нскаѧ разорѧ́лъ. Предвозвѣв҃ вивлїо́ѳика ватика́нскаѧ. мнⷭ҇тырѝ свобо́дни ѿ є҆пⷭ҇пѡв̾. кни́га ѳ҃. є҆піⷭ҇: м҃ѳ, н҃г, н҃а. на симо́нїю. ст҃окꙋ́пство. кни́га ѳ҃: є҆піⷭ҇т. м҃. г҃ кни́га ѳ҃: є҆піⷭ҇т: н҃и. а҆ѵгꙋсті́н̾ дѣ́лателей тре́бꙋетъ. чꙋдеса́ми не возноси́тисѧ. \| [JPG]
9	Лѣ́то Гдⷭ҇не, х҃а. \| Григо́рїа, в҃і. \| Маѵри́кїа, ѕ҃і. Предвозвѣща́етъ є҆мꙋ̀ и҆ ѡ҆ кончи́нѣ мі́ра сегѡ̀, мнѧ̀, ꙗ҆́кѡ ѹ҆́жѐ ско́рѡ и҆́мать бы́ти, да бы̀ не ѹ҆жаса́лсѧ: А҆́ще гла́ди, па́гꙋбы̀, бра́ни, и҆ и҆ны́ѧ ка́зни бж҃їѧ прїи́дꙋтъ, но па́че да бы̀ на сꙋ́дъ бж҃їй со свои́ми поⷣда́ными ѹ҆готовлѧ́лсѧ. Сїѐ мнѣ́нїе своѐ па́па григо́рїй на мно́гихъ мѣ́стѣхъ ѡ҆ кончи́нѣ мі́ра воспомина́етъ, ѻ҆ба́че лѣ́та ниеди́нагѡ и҆менꙋ́етъ. И҆ не и҆́мать въ то́мъ поро́ка, ꙗ҆́кѡ то́ль до́лгѡ ѹ҆жѐ по не́мъ продолжи́сѧ: поне́же и҆ а҆пⷭ҇ли кончи́нꙋ мі́ра проповѣ́дахꙋ, вѣ́къ ѻ҆́ный послѣ́дними днѧ́ми нарица́юще: И҆́бо ѹ҆ бг҃а ты́сѧща лѣ́тъ а҆́ки де́нь є҆ди́нъ. Писа̀ и҆ к̾ королевой женѣ̀ є҆гѡ̀, бл҃годарѧ̀ є҆́й ѡ҆ ѡ҆браще́нїи а҆́глинскагѡ наро́да, и҆ ѹ҆вѣщава́ѧ ю҆̀ къ те́плой вѣ́рѣ и҆ къ дѡ́брымъ дѣла́мъ возбꙋжда́ѧ. А҆ поне́же ѹ҆вѣщава́лъ королѧ̀, да бы̀ ка҄пища і҆́дѡлскаѧ повелѣ́лъ разорѧ́ти: Раска́ѧсѧ ст҃ы́й григо́рїй, и҆ пи́шꙋщь къ мелли́тꙋ, повелѣ̀ сказа́ти а҆ѵгꙋсті́нꙋ, да бы̀ кꙋми́рницъ пога́нскихъ, котѡ́рыѧ до́брѣ созда́ны сꙋ́ть, не разорѧ́лъ, но водо́ю ст҃о́ю ѡ҆чища́лъ ѧ҆̀ и҆ ѡ҆свѧща́лъ: и҆ наро́да бы си́мъ не раздража́лъ, да бы̀ не ѡ҆печа́лилисѧ ѻ҆́нымъ разоре́нїемъ, но къ хвалѣ̀ и҆́стиннаго бг҃а ѹ҆твержда́лисѧ. Котѡ́рымъ и҆ сегѡ̀ не возбранѧ́ти повелѣ̀, да бы̀ въ пра́здники, кꙋ́щы себѣ̀ и҆з̾ хвра́стїѧ при цр҃квѣ, ꙗ҆́коже во вре́мѧ пога́нства творѧ́хꙋ, поставлѧ́ли: и҆ въ ни́хъ со бл҃гоговѣ́нїемъ бесѣ́довали, ꙗ҆дꙋ́ще мѧса̀, ꙗ҆̀же пре́жде дїа́волѡмъ жрѧ́хꙋ, и҆ пїю́ще без̾ козлогласова́нїѧ, хва́лѧще же и҆́стиннаго бг҃а, є҆го́же позна́ша. Поне́же ( речѐ ) ѹ҆ жесто́кихъ серде́цъ, и҆ дре́внихъ ѻ҆бы́чаєвъ, неꙋдо́бнѡ а҆́бїе всѧ̀ ѿѧ́ти. Ѹ҆́не є҆́сть и҆̀мъ ма́лѡ внѣ́шнїѧ ра́дости ѡ҆ста́вити, да къ дх҃о́вной поѡщрѧ́ютсѧ. На го́рꙋ вели́кꙋ, нꙋ́жда є҆́сть по ма́лꙋ по степе́нѧмъ восходи́ти, а҆ не преска́ковати. Та́кѡ ѱ҃к д҃ ѡ҆ коⷩ҇чи́нѣ мі́ра мнѣ́нїе григо́рїа бе́да кни́га а҃: глава̀ к҃з. і҆сто́рїй. григо́рїй кни́га ѳ҃, є҆піⷭ҇тоⷧ҇ ѯ҃. є҃ кни́га ѳ҃, є҆піⷭ҇т н҃ѳ. ка́пища пога́нскаѧ разорѧ́ти не велѣ́лъ ꙗ҆зы́чеⷭ҇каѧ праⷥднеⷩ҇тва попꙋстѝ ст҃ы́й григо́рїй. \| [JPG]

ID	1039871844
Author(s)	Baronio, Cesare
Title	[Dějanija cerkovnaja i graždanskaja] Dějanija Cerkovnaja i graždanskaja, Ot Roždestva Gospoda Našego Iisusa Christa ; Iz lětopisanij Kesarja Baronia Sobrannaja ; Prevedenaja s polskago jazyka na slavenskij, kromě javnych s cerkoviju pravoslavnoju vostočnoju protivnostej rimskich u Baronia i skargi obrětajuščichsja
Jahr	Moskva - [Pečatnyj Dvor] - 1719 - 8, 7, 1443, 22 Bl. 2°
Note	In kyrill. Schr., kirchenslaw.; +/- Autopsie nach Exemplar der SBB Vorlageform des Erscheinungsvermerks: Napecatanaja v carstvujuščem gradě Moksvě Paginierung des Exemplars: Bl. 1 (Titelbl.), 1-8, 1-7, 1, 8-229, 229-718, 1 (Titelbl.), 719-1099, 1200-1443, 1-22, 1-2 Zernova, A. Svodnyj katalog russkoj knigi, Nr. 139
Subjects	Dějanija cerkovnaja Kirchengeschichte Theologie
Cat-URL	https://stabikat.de/DB=1/XMLPRS=N/PPN?PPN=1039871844
URL	http://resolver.staatsbibliothek-berlin.de/SBB00024F9700000000
PURL	Citation link

Page-Nr	Page-Content [3]
7	ВѢ́КЪ СЕДМЫЙ сі́есть. СЕДМО́Е СТО̀ ЛѢ́ТЪ ѿ воплоще́нїѧ Гдⷭ҇нѧ. Лѣ́то Гдⷭ҇не, ше́сть сѡ́тъ пе́рвое. \| Григо́рїа, в҃і. Маѵри́кїа, ѕ҃і. Маѯїмїа́нъ и҆з̾ а҆ра́вїи є҆пⷭ҇кпъ, канди́да а҆́ввꙋ посла́лъ къ па́пѣ григо́рїю, просѧ̀ ѿ негѡ̀ моще́й ст҃ы́хъ: ꙗ҆̀же ѻ҆́нъ съ ра́достїю посла̀ є҆мꙋ̀, и҆ ѿписа̀, и҆ ѡ҆ свое́й болѣ́зни возвѣстѝ, кото́рꙋю ѹ҆же тре́тїе лѣ́то терпѧ́ше, ѡ҆ не́йже и҆ къ рꙋстикїа́нѣ сро́дницѣ свое́й въ кѡнстантїнопо́ль пи́шꙋщь гл҃етъ: ꙗ҆́кѡ болѣ́знь є҆го̀ и҆зсꙋши́ла, и҆ є҆два̀ когда̀ ѿ ѻ҆дра̀ воста́ти є҆мꙋ̀ попꙋска́етъ. Въ то́мъ посла́нїи скорби́тъ на ню̀, ꙗ҆́кѡ въ посла́нїи свое́мъ мно́гажды гл҃аше: ва́ша є҆́смь раба̀, ва́ша є҆́смь раба̀, просѧ́щь, да бы̀ к̾ немꙋ̀ та́кѡ не писа́ла, поне́же по воспрїѧ́тїи є҆пⷭ҇кпства а҆́зъ ( речѐ ) всѣ́хъ ра́бъ сотвори́хсѧ, а҆ пре́жде є҆пⷭ҇кпства бы́хъ ва́шъ сро́дникъ. Бл҃года́рствꙋетъ же є҆́й за да́ръ, ст҃о́мꙋ петрꙋ̀ на покрове́нїе гро́ба є҆гѡ̀ посла́нный, и҆ за млⷭ҇тню въ мнⷭ҇трь є҆гѡ̀, и҆́же бѣ̀ ст҃а́гѡ а҆́ндре́а, въ кото́ромъ какова́ѧ чꙋдеса̀ быва́хꙋ, ѡ҆писꙋетъ є҆́й. ч҃а ѹ҆стро́н ѱѳ҃і а҃ и҆ з̾ а҆ра́вїи по мо́щи посо́лъ, кни́га ѳ҃. є҆піⷭ҇: к҃з. кни́га ѳ҃: єпіⷭ҇: л҃и. рꙋⷭ҇тїкїа́на сро́дница па́пы григо́рїѧ. \| [JPG]
8	Лѣ́то Гдⷭ҇не, х҃а. \| Григо́рїа, в҃і. \| Маѵри́кїа, ѕ҃і. Ѹ҆стро́и та́кожде поко́й мнⷭ҇тре́мъ, и҆ рабѡ́мъ бж҃їимъ въ ни́хъ, созва́въ на собо́ръ до два́десѧти є҆пⷭ҇кпѡвъ, дадѐ и҆̀мъ свобожде́нїе ѿ є҆пⷭ҇кпѡвъ, да бы̀ до ни́хъ дѣ́ла не и҆мѣли, но нача́лники и҆́хъ пра́вили бы и҆ сꙋди́ли и҆̀хъ. Сегѡ̀ вѣ́ка ѕѣлѡ̀ ѹ҆мно́жилсѧ бы́ло грѣ́хъ свѧтокꙋ́пства, и҆ скве́рное лихои́мство дх҃о́вныхъ, и҆ сїмѡ́нїа. Ѡ҆ то́мъ ѕѣлѡ̀ скорбѧ̀ ст҃ы́й григо́рїй, ѹ҆вѣщава́етъ власте́й и҆ короле́й и҆ є҆пі́скопѡвъ, и҆ про́ситъ да бы̀ то́й грѣ́хъ и҆скоренѧ́ли, а҆ ка́зни бж҃їѧ боѧ́лисѧ. Наипа́че же въ га́ллїи се́й вре́дъ бѧ́ше, по ѕло́мꙋ правле́нїю ѻ҆́ныѧ брꙋнихи́лды, ста́рыѧ коро́левы, ꙗ҆́же короле́вствꙋ ѻ҆́номꙋ мно́гѡ препѧ́тїѧ к̾ до́бромꙋ творѧ́ше. Востѡ́чныѧ цр҃кви та́кожде си́мъ свѧтокꙋ́пствомъ сквернѧ́хꙋсѧ. є҆гда́ бо ко григо́рїю ст҃о́мꙋ, по сме́рти а҆мо́са, на і҆ерⷭ҇ли́мское є҆пⷭ҇кство наста̀ і҆си́хїй, и҆ по ѻ҆бы́чаю со и҆сповѣ́данїемъ вѣ́ры посла̀ ра́ди соѻбще́нїѧ цр҃ко́внагѡ: Ѹ҆вѣщава́етъ є҆го̀ ст҃ы́й григо́рїй, да бы̀ се́й грѣ́хъ собо́рнѡ наказа́лъ и҆ ѿдали́лъ. Сегѡ̀ лѣ́та а҆ѵгꙋсті́нъ а҆пⷭ҇лъ а҆́глинскїи ѿ а҆релаті́йскагѡ є҆пⷭ҇кпа на а҆́глинское є҆пⷭ҇кпство посвѧще́нъ бы́сть. Ѿѻнꙋ́дꙋже во а҆́нглїю возврати́всѧ, посла́лъ въ ри́мъ петра̀ и҆ лаѵре́нтїа мона́хѡвъ, просѧ̀ па́пꙋ григо́рїа, да по́слетъ є҆мꙋ̀ множа́е дѣ́лателей цр҃ко́вныхъ. Сїѐ съ ра́достїю сотворѝ па́па, междꙋ̀ по́сланными пе́рвѣйшїи бѧ́хꙋ, мелли́тъ, і҆ꙋ́стъ, рꙋффїа́нъ. и҆ с̾ ни́ми посла́лъ мно́гѡ ѹ҆́тварей цр҃ко́вныхъ, ри́зъ, поти́рѡвъ, кни́гъ, и҆ и҆́ныхъ на слꙋ́жбꙋ бж҃їю сосꙋ́дѡвъ и҆ ѹ҆краше́нїй. Пи́шетъ ко а҆ѵгꙋсті́нꙋ, да бы̀ чꙋдеса́ми, ꙗ҆̀же и҆̀мъ гдⷭ҇ь бг҃ъ творѧ́ше, не возноси́лсѧ. Писа̀ и҆ къ королю̀ є҆дилбе́ртꙋ, ра́дꙋѧсѧ ѡ҆ є҆гѡ̀ ѡ҆браще́нїи: и҆ потр҄ебнаѧ ѹ҆вѣща́нїѧ, и҆ поꙋче́нїѧ и҆ поѡщре́нїѧ даѧ̀, про́ситъ є҆го̀: да бы̀ вѣ́рꙋ ст҃ꙋ́ю разширѧ́лъ, є҆пⷭ҇кпа своегѡ̀ а҆ѵгꙋсті́на ѹ҆вѣща́нїѧ слꙋ́шалъ ка́пища пога́нскаѧ разорѧ́лъ. Предвозвѣв҃ вивлїо́ѳика ватика́нскаѧ. мнⷭ҇тырѝ свобо́дни ѿ є҆пⷭ҇пѡв̾. кни́га ѳ҃. є҆піⷭ҇: м҃ѳ, н҃г, н҃а. на симо́нїю. ст҃окꙋ́пство. кни́га ѳ҃: є҆піⷭ҇т. м҃. г҃ кни́га ѳ҃: є҆піⷭ҇т: н҃и. а҆ѵгꙋсті́н̾ дѣ́лателей тре́бꙋетъ. чꙋдеса́ми не возноси́тисѧ. \| [JPG]
9	Лѣ́то Гдⷭ҇не, х҃а. \| Григо́рїа, в҃і. \| Маѵри́кїа, ѕ҃і. Предвозвѣща́етъ є҆мꙋ̀ и҆ ѡ҆ кончи́нѣ мі́ра сегѡ̀, мнѧ̀, ꙗ҆́кѡ ѹ҆́жѐ ско́рѡ и҆́мать бы́ти, да бы̀ не ѹ҆жаса́лсѧ: А҆́ще гла́ди, па́гꙋбы̀, бра́ни, и҆ и҆ны́ѧ ка́зни бж҃їѧ прїи́дꙋтъ, но па́че да бы̀ на сꙋ́дъ бж҃їй со свои́ми поⷣда́ными ѹ҆готовлѧ́лсѧ. Сїѐ мнѣ́нїе своѐ па́па григо́рїй на мно́гихъ мѣ́стѣхъ ѡ҆ кончи́нѣ мі́ра воспомина́етъ, ѻ҆ба́че лѣ́та ниеди́нагѡ и҆менꙋ́етъ. И҆ не и҆́мать въ то́мъ поро́ка, ꙗ҆́кѡ то́ль до́лгѡ ѹ҆жѐ по не́мъ продолжи́сѧ: поне́же и҆ а҆пⷭ҇ли кончи́нꙋ мі́ра проповѣ́дахꙋ, вѣ́къ ѻ҆́ный послѣ́дними днѧ́ми нарица́юще: И҆́бо ѹ҆ бг҃а ты́сѧща лѣ́тъ а҆́ки де́нь є҆ди́нъ. Писа̀ и҆ к̾ королевой женѣ̀ є҆гѡ̀, бл҃годарѧ̀ є҆́й ѡ҆ ѡ҆браще́нїи а҆́глинскагѡ наро́да, и҆ ѹ҆вѣщава́ѧ ю҆̀ къ те́плой вѣ́рѣ и҆ къ дѡ́брымъ дѣла́мъ возбꙋжда́ѧ. А҆ поне́же ѹ҆вѣщава́лъ королѧ̀, да бы̀ ка҄пища і҆́дѡлскаѧ повелѣ́лъ разорѧ́ти: Раска́ѧсѧ ст҃ы́й григо́рїй, и҆ пи́шꙋщь къ мелли́тꙋ, повелѣ̀ сказа́ти а҆ѵгꙋсті́нꙋ, да бы̀ кꙋми́рницъ пога́нскихъ, котѡ́рыѧ до́брѣ созда́ны сꙋ́ть, не разорѧ́лъ, но водо́ю ст҃о́ю ѡ҆чища́лъ ѧ҆̀ и҆ ѡ҆свѧща́лъ: и҆ наро́да бы си́мъ не раздража́лъ, да бы̀ не ѡ҆печа́лилисѧ ѻ҆́нымъ разоре́нїемъ, но къ хвалѣ̀ и҆́стиннаго бг҃а ѹ҆твержда́лисѧ. Котѡ́рымъ и҆ сегѡ̀ не возбранѧ́ти повелѣ̀, да бы̀ въ пра́здники, кꙋ́щы себѣ̀ и҆з̾ хвра́стїѧ при цр҃квѣ, ꙗ҆́коже во вре́мѧ пога́нства творѧ́хꙋ, поставлѧ́ли: и҆ въ ни́хъ со бл҃гоговѣ́нїемъ бесѣ́довали, ꙗ҆дꙋ́ще мѧса̀, ꙗ҆̀же пре́жде дїа́волѡмъ жрѧ́хꙋ, и҆ пїю́ще без̾ козлогласова́нїѧ, хва́лѧще же и҆́стиннаго бг҃а, є҆го́же позна́ша. Поне́же ( речѐ ) ѹ҆ жесто́кихъ серде́цъ, и҆ дре́внихъ ѻ҆бы́чаєвъ, неꙋдо́бнѡ а҆́бїе всѧ̀ ѿѧ́ти. Ѹ҆́не є҆́сть и҆̀мъ ма́лѡ внѣ́шнїѧ ра́дости ѡ҆ста́вити, да къ дх҃о́вной поѡщрѧ́ютсѧ. На го́рꙋ вели́кꙋ, нꙋ́жда є҆́сть по ма́лꙋ по степе́нѧмъ восходи́ти, а҆ не преска́ковати. Та́кѡ ѱ҃к д҃ ѡ҆ коⷩ҇чи́нѣ мі́ра мнѣ́нїе григо́рїа бе́да кни́га а҃: глава̀ к҃з. і҆сто́рїй. григо́рїй кни́га ѳ҃, є҆піⷭ҇тоⷧ҇ ѯ҃. є҃ кни́га ѳ҃, є҆піⷭ҇т н҃ѳ. ка́пища пога́нскаѧ разорѧ́ти не велѣ́лъ ꙗ҆зы́чеⷭ҇каѧ праⷥднеⷩ҇тва попꙋстѝ ст҃ы́й григо́рїй. \| [JPG]

Church Slavonic Old Prints