[root][corphub]

Kirchenslawische Drucke (SBB-PK)

Die Datenbank der kirchenslawischen Drucke der SBB-PK bietet eine Übersicht über die Drucke und die ca. 1500 mit Transkribus erschlossenen und geprüften Seiten in "Ground Truth"-Qualität. Die Volltextsuche im Textkorpus der GT-Daten kann über dieses Widget durchgeführt werden.

• Zurück
• Übersicht

Page-Nr. 10 [URL der Seite]

Page-Content

свѣтѣ кролю́ютъ, тиранове и҆мꙋчи́телѣ мнѡ́гїи сᲄра́ны и҆нарѡ́ды держаⷮ, и҆сама̀ прм҃дросᲄь мо́витъ ꙗ҆ко ѹ҆прави́ци мое́й сла́ва вѣчънаѧ, а҆в꙽лѣви́ци бога́тесᲄво и҆заи҆́сте всѐ че́сное и҆дорого́е свѣта сего̀ неє҆́стъ є́й ро́вно. В꙽ спо́мни ты́жъ и҆наприходѧ́щїѝ ре́чи моⷭ҇цѣвый Пн҃е жетѧ̀ бг҃ъ пренесе́тъ змалыⷯ лѣтъ тво́ихъ дети́нныⷯ досъверше́н̾ного в꙽зростꙋ мꙋжа, и҆щасли́вого пано¬ ванѧ, тако́вꙋю надѣю ма́емо в̾ бг҃ѹ н҆ѡ҆то про́сиⷨ є҆го̀, а҆бы̀ то̀ дарова́лъ тебѣ̀, и҆наймил̾шимъ ро́дичомъ тво́имъ, и҆на́мъ бг҃омо́л̾цꙋмъ. Ѹ҆мѣ́й тогд҄а ѹ҆ва́жити тꙋю преза́цнꙋю кни́гꙋ, зерца́ло бг҃осло́вѣи, змало́и пра́цѣ мое́и дх҃ов̾нои сѣ́а́твы; тебѣ̀ ѡ҆фѣрꙋю в̾малы́хъ лѣтехъ тво́ихъ, вели́кїй ска́рбъ та́инъ бж҃ихъ, ꙗ҆ко пред꙽тымъ да¬ рова́но є҆го̀ моⷭ҇цѣ крѫле́вичови по́л̾скомꙋ Владысла́во¬ ви, в̾тако́выхъ лѣтехъ малы́хъ, тако́вый пода́¬ ро́къ ꙗ҆ко ѧ҆̀ тебѣ̀ нн҃ѣ дарѹ́ю, прїйми зав̾дѧ́чне а҆хова́й е҆го̀ спи́лъностю ꙗ҆ко є҆ди́нъ клейнот꙽ накоⷲ҇то¬ в̾нѣйшїй, и҆ завла́сны̏ тестаме́н̾тъ, дощасли́во в̾зро́стꙋ лѣ́тъ тво́и҆хъ. Та̀ бо҄вѣмъ кни́га бг҃ови́днои бг҃осло́віи наѹ́читъ тебѐ, в̾пе́рвыхъ пе́внои вѣдомости ѡ҆полв̾ мꙑ бг҃ꙋ, наѹ́чит꙽ тѧ̀ премꙋдрости нбⷭ҇...