[root][corphub]

Kirchenslawische Drucke (SBB-PK)

Die Datenbank der kirchenslawischen Drucke der SBB-PK bietet eine Übersicht über die Drucke und die ca. 1500 mit Transkribus erschlossenen und geprüften Seiten in "Ground Truth"-Qualität. Die Volltextsuche im Textkorpus der GT-Daten kann über dieses Widget durchgeführt werden.

• Zurück
• Übersicht

Page-Nr. 8 [URL der Seite]

Page-Content

зда́рꙋ собѣ̀ ѹ҆ꙁы́ченого ѿ Бг҃а мѣ́лъ, а҆́лбо и҆́ншимъ та́къ потре́бного до̀ збꙋдова́н꙽ѧ зоста́вилъ. Ничо́го и҆́ншого, ꙗ҆́къ роꙁꙋмѣ́ю, наⷣ ѡ҆́вые слова̀ гды̀ мо́виⷮ: Сꙋета̀ сꙋетства̀ и҆ всѐ сꙋета̀, то̀ єⷭⷮ: Маⷬ҇ноⷭⷮ наⷣ ма́рностѧми, и҆ всѐ ма́рноⷭⷮ. Вчоⷨ бы̀ заⷭ҇тꙋ́ю ви́дѣⷧ҇, широ́це и҆ выраⷥне ѡ҆ тоⷨ в꙽ Кни́ꙁѣ Є́клеꙁїѧ́ст꙽ наꙁва́ной дишкꙋрꙋ́етъ. Лю́бо те́ды в꙽ тоⷨ най¬ бо́лшꙋю свою̀ мꙋ́дрост꙽, наꙋча́ючи и҆ ѹ҆каꙁꙋючи и҆́ншимъ, ѡ҆каꙁа́лъ, жѐ є҆дна́къ ма́рности не ѿстꙋпиⷧ҇, та́ѧ наꙋ́ка є҆го̀ щасли́вого коⷩ҇ца̀ є҆мꙋ̀ не принесла̀. Ты́м꙽же спо́собомъ и҆ и҆́ншїе Мона́рхѡве того̀ свѣ́тѧ, а҆чко́лвек꙽ ѡ҆ доча́сности ре́чїй, и҆ поро́жности того̀ живота̀ до́бре зна́ли, а҆́ле жебы̀ кото́рый ѿ тое́и ма́рности мѣ́лъ ѿстꙋпи́ти, и҆ в꙽доскона́¬ лость цно́ты прїйтѝ, таки́х꙽ ма́ло. А҆́жъ гды̀ Кро́ль наⷣ Кро́л꙽ми, и҆ Па́нъ наⷣ Панꙋ́ючими на то́тъ падо́лъ пла́чꙋ зни́житисѧ зеⷥво́лилъ, и҆ са́мъ нето́лко преⷥ Боⷥскꙋю наꙋ́кꙋ свою̀, а҆́ле и҆ ст҃обли́вый при́кладъ жи́тїѧ свое́го, всѐ в꙽ до¬ скона́лость приве́лъ, и҆ го́йное жро́дло ла́ски и҆ до́броти свое́и в꙽ срⷣца вѣ́рныхъ выбра́ныхъ свои́хъ вылѧ́лъ, то́жъ мнѡ́гїе ѿ тое́и ма́рности ѿстꙋпа́ти почалѝ, и҆ ѡ҆́нꙋю не¬ нави́дѣти: и҆ послѣдꙋ́ючи Боⷥскимъ стопа́мъ є҆го̀, не¬ то́лко сла́вꙋ ро́скоⷲ҇, и҆ богаⷮство, а҆ле ро́дичѡвъ, бра́тїю, се́стры, жо́ны, и҆кроле́вства хꙋтли́ве ѡ҆пꙋска́ли, а нбⷭ҇ный живоⷮ