Kirchenslavica: Ephraem [Syrus] - [Poučenija Knigi Svjatago Efrema (Paränesis)] Knigi Svjatago Efrema Glagolemyja Grečeskim jazykom, parenisis

Die Datenbank der kirchenslawischen Drucke der SBB-PK bietet eine Übersicht über die Drucke und die ca. 1500 mit Transkribus erschlossenen und geprüften Seiten in "Ground Truth"-Qualität. Die Volltextsuche im Textkorpus der GT-Daten kann über dieses Widget durchgeführt werden.

Page-Nr	Page-Content [48]
3	СЛОВо Ѡ҆ ЖИТЇЍ Ст҃А́ГѠ И҆ ПвⷣБНАГѠ Ѡ҆ц҃А НА́ШеГО є҆фре́ма си́рина, бл҃гословѝ ѻ҆́ч҃е. Се́й ѻ҆ц҃ъ на́шъ є҆фре́мъ прпⷣбныи, бѣ̀ ѿ восто́ка, си́ринъ ро́домъ. ѿ роди́телю бл҃гочести́вꙋ, роди́сѧ въ є҆де́сѣ. бы́въ въ лѣ́та конста́нти́на вели́кагѡ цр҃ѧ, и҆ пото́мъ црⷭ҇твовавшихъ. и ѿве́ргъсѧ всѣ́хъ проны́рливыхъ дѣ́лъ. роди́тели же є҆гѡ̀ є҆щѐ є҆мѹ̀ дѣ́тищꙋ сѹ́щꙋ, ви́дѣста со́нъ, ре́кше видѣ́нїе, ꙗ҆́кѡ в̾зы́де лоза̀ на ѧ҆зы́цѣ є҆фре́мовѣ, и҆ возра́стъ, и҆ и҆спо́лнивсю подънбⷭ҇нꙋю. и҆ прихождаа́хꙋ всѝ подънбⷭ҇ныѧ пти́цы, и҆ ꙗ҆дѧ́хꙋ ѿ плода̀ виннагѡ. и҆ єли́ко же ꙗ҆дѧ́ахꙋ, па́че множа́шесѧ. Се́й ѿ ю́ны версты̀ в̾сели́сѧ въ го́рꙋ. и҆ п꙼оꙋве꙼рз꙼е́нїѧ глꙋбинѹ̀ приѡ҆брѣ́тъ, є҆́ю́ же и҆ прїѧ́тъ бж҃е́ственꙋю бл҃года́ть ст҃а́гѡ дх҃а. ѡ҆не́мъ же нѣ́кто бг҃оно́сныхъ ѻ҆ц҃ь, во снѣ̀ ви́дѣ мѹ́жа стра́шна, держа́ща сви́токъ хартїа́нъ, и҆ вопрошаа́ше, кто̀ ꙋ҆́бѡ мо́жетъ прїа́ти и҆ сохрани́ти є҆го̀. И҆ бы́сть гла́съ к̾ томꙋ̀, и҆́нъ никто́ же, ра́звѣ є҆фре́ма ꙋ҆го́дника моего̀. ѹ҆м꙼иле́н꙼їѧ꙼ а҃ \| [JPG]
4	є҆мѹ́же предъстсѧ́щꙋ, и҆ ѿве́рзе ѹ҆́ста̀ є҆гѡ̀ дадѐ є҆мѹ̀. о҆́нъ же и҆зъѧдѐ є҆го̀, и҆ въско́.. и҆стечѐ рѣка̀ бг҃ото́чныхъ словє́съ, и҆спо́лнь поꙋ҆в꙼ерз꙼е́нїѧ и҆ покаѧ́нїѧ, и҆ и҆сповѣ́давъ стра́хъ сѹ́дныи, и҆ є҆́же съ сла́вою второ́е прише́ствїе, цр҃ѧ всѣ́хъ влⷣки і҆с҃а х҃а и҆́стиннагѡ бг҃а на́шегѡ, ꙗ҆́кѡ да возда́стъ комꙋждо подѣ́ломъ є҆гѡ̀. и҆ к̾си́мъ же и҆ бж҃е́ственыⷯ ѹ҆ста́въ пра́вило пи́смены положѝ. И҆́нъ же па́ки нѣ́кто ѿ ст҃ы́хъ ста́рєцъ, ви́дѣ воснѣ̀ а҆́гг҃льскїѧ си́лы съ нб҃сѐ сходѧ́щѧ, по повелѣ́нїю бж҃їю, и҆мѹ́щѧ въ рꙋкѹ̀ сви́токъ напи́санъ, и҆з̾внѹ́трь и҆ и҆з̾внѹ̀, и҆ гл҃ахꙋ дрѹ́гъ къ дрѹ́гꙋ, кто̀ се́й хо́щетъ прїѧ́ти; и҆ ѻ҆́вїи глаго́лахꙋ, о҆́нъ сі́и, дрꙋзі́и же дрꙋга́го; ѿвѣща́ша же и҆ні́и реко́ша, нѝ. пои́стинѣ ст҃и сѹ҄ть и҆ пра́ведни, но никто́ же ѿ тѣ́хъ мо́жетъ сего̀ прїѧ́ти, ра́звѣ є҆фре́ма кро́ткагѡ и҆ смире́нагѡ срⷣцемъ. и҆ ви́дѧше ста́рецъ, ꙗ҆́кѡ є҆фре́мꙋ преда́ша сви́токъ, и҆ въста́въ заѹ҆́тра, слы́ша ꙗ҆́кѡ и҆сто́чникъ кипѧ́щь и҆зѹ́стъ тогѡ̀, и҆ составлѧ́юшꙋ словєса̀ ѹ҆чи́тельнаѧ, всѧ́когѡ ꙋ҆тверже́нїѧ и҆ стра́ха бж҃їѧ по́лна сѹ́щѧ. и҆ ѹ҆вѣ́давъ ꙗ҆́кѡ ѿ ст҃а́гѡ дх҃а сѹ҄ть, и҆сходѧ́щаѧ и҆зѹ́стъ є҆гѡ̀, и҆ просла́ви бг҃а, даю́щаго таковꙋ́ю бл҃года́ть рабѡ́мъ свои́мъ; ѹ҆м꙼ил꙼е́нїѧ \| [JPG]
5	КНИ́ГИ Ст҃АГѠ Е҆ѲРЕ́МА Гл҃ЕМыꙖ ГРЕ́ЧЕСКИМъ ꙗ҆́зы́комъ парениси́съ. сказа́етъжесѧ парениси́съ, при́тча, ѹ҆тѣше́нїе, моле́нїе, поꙋче́нїе, наказа́нїѧ, разли́чна, поле́зна, бл҃гословѝ ѻ҆ч҃е. Бѣ̀ нѣ́кїи на восто́цѣ мѹ́жь, и҆́менеⷨ є҆фре́мъ, си́ринъ ро́доⷨ сы́и. се́й чл҃къ бл҃гочⷭ҇ти́въ бѣ̀, ѡ҆греба́ѧсѧ ѿ всѧ́кїѧ ѕлы́ѧ ве́щи. восхотѣ́ же ви́дѣти є҆де́съскїи гра́дъ, и҆ молѧ́шесѧ бг҃ꙋ гл҃ѧ, гдⷭ҇и і҆с҃е хрⷭ҇тѐ сподо́би мѧ ви́дѣти граⷣ то́й. и҆ в̾ходѧ́щꙋ ми во́нь, сподо́би мѧ такова̀ чл҃ка срѣ́сти, и҆́же поле́знѡ кни́гами стѧ́жетсѧ со мно́ю. прише́дшꙋ же є҆мѹ̀ намѣ́сто и҆ в̾ходѧ́щꙋ є҆мѹ̀ воврата̀ гра́днаѧ, срѣ́те є҆го̀ жена̀ блꙋдни́ца. и҆ ви́дѣвъ ю҆̀ ра́бъ бж҃їи, ста̀, печа́лꙋѧ и҆ гл҃ѧ в̾ себѣ̀, гдⷭ҇и презрѣ́лъ є҆сѝ моле́нїе раба̀ твоегѡ̀, е҃ \| [JPG]
6	по́вѣсть ѡ҆прпⷣбнѣмъ ка́кѡ бо и҆́мать сїѧ̀ кни́жными словесы̀, стѧза́тисѧ сомно́ю. стоѧ́ше же блꙋдни́ца зрѧ́щи є҆го̀. гл҃а же к̾не́й ст҃ы́и є҆фре́мъ, рцы́ ми же́но, что̀ стои́ши зри́щи менѐ; ѿвѣща́вши же блꙋдни́ца гл҃а кнемѹ̀, зрю́ тебѐ ꙗ҆́кѡ а҆́зъ жена̀ ѿ мꙋжа взѧта̀ бы́х̾, ты́ же менѐ незрѝ, но зе́млю зрѝ, ѿнеѧ́ же взѧ́т̾ є҆сѝ. сїѧ̀ слы́шавъ ст҃ы́и є҆фре́мъ, почюди́сѧ и҆ просла́ви бг҃а, да́вшаго є҆́й толи́кꙋ премрⷣость, ꙗ҆́кѡ ѿвѣща̀ є҆мѹ̀ сїѧ̀. и҆ разꙋмѣ̀, ꙗ҆́кѡ непрезрѣ̀ гдⷭ҇ь моле́нїѧ є҆гѡ̀. и҆ в̾ше́дъ во́граⷣ и҆ ѡ҆бита̀ тѹ̀. По слѹ́чаю же, ѻ҆би́тели є҆гѡ̀ живѧ́ше дрꙋга́ѧ блꙋдни́ца, и҆ пребы́вшꙋ є҆мѹ̀ днѝ мно́ги во́градѣ то́мъ. и҆понꙋ́жена бы́сть ѿ непрїѧⷥни блꙋдни́ца, ꙗ҆́же живѧ́ше в̾ сосѣ́деⷯ є҆мѹ̀, ꙗ҆́кѡ да преⷣвари́вши ѡ҆скорби́тъ є҆го̀. и҆ ѿве́рзъши две́рца, ꙗ҆́же и҆мѣ́ѧше ме́ждѹ̀ стѣно́ю є҆гѡ̀ призрѣ̀ и҆ ви́дѣ ст҃аго стоѧ́ща, и҆ варѧ́ща ꙗ҆́дь, и҆ гл҃а кнемѹ̀, блгⷭ҇вѝ гдⷭ҇и. Возрѣ́въ же надве́рца, и҆ви́дѣвъ ю҆̀ зрѧ́щю, и҆ гл҃а є҆́й, гдⷭ҇ь блгⷭ҇ви́тъ тѧ. о҆на́ же ѿвѣща́вши гл҃а кнемѹ̀, что̀ є҆́сть недоста́тоⷦ҇ ꙗ҆́ди твоеѧ̀; ѿвѣща́въ же ст҃ы́и речѐ є҆́й, трѝ ка́мени и҆ ма́лѡ бре́нїѧ, да две́рца ты́ѧ заградѧ́тсѧ, ѿнѹ́дꙋже призира́еши. о҆на́ же ѿвѣща́вши гл҃а кнемѹ̀, поне́же пе́рвое воⷥгл҃ахъ и҆ воспрети́ ми, а҆ а҆́зъ лещѝ хощю̀ с̾тобо́ю, а҆ ты̀ высо́киⷨ сло́воⷨ ѿме́щешисѧ менѐ. ѿвѣща́в̾же ра́бъ бж҃іїи гл҃а к̾не́й, \| [JPG]
7	є҆фре́мѣ а҆́ще хо́щеши лещѝ сомно́ю. то̀ и҆дѣ́ же гл҃ю тѝ прїи́ди, и҆ лѧ́жемъ въ кѹ́пѣ; ѿвѣща́вши же блꙋдни́ца глаго́ла к̾немѹ̀, на рцы̀ мѣ́сто и҆прии҆дѹ̀; ѿвѣща́въ же ст҃ы́и є҆фре́мъ гл҃а к̾не́й, а҆́ще хо́щеши лещѝ сомно́ю, на и҆но́мъ мѣ́стѣ немо́жеши лещѝ, но то́кмѡ посредѣ̀ гра́да; о҆на́ же ѿвѣща́вши глаго́ла кнемѹ̀, то̀ нестыди́мълисѧ чл҃къ; ѿвѣща́въ же ст҃ы́и є҆фре́мъ речѐ, а҆́ще человѣ́къ стыди́мсѧ, то̀ кольмѝ па́че стыдѣ́тисѧ подоба́етъ, кѹ́пно же и҆ боѧ́тисѧ бг҃а, свѣ́дꙋщагѡ та́йны чл҃чи, ꙗ҆́кѡ то́й є҆́сть хотѧ́и сꙋди́ти всемѹ̀ ми́рꙋ, и҆ ѿ вѣ́тъ да́ти комꙋ́ждо подѣ́ломъ є҆гѡ̀. и҆ сїѧ̀ слы́шавъши блꙋдни́ца, ѹ҆мили́сѧ ѡ҆ словесѣ́хъ є҆гѡ̀, и҆ ше́дши припаде къ нога́мъ є҆гѡ̀, пла́чющи и҆ глаго́лющи, ра́бе бж҃їи наста́вимѧ на пѹ҄ть сп҃се́нїѧ, ꙗ҆́кѡ даи҆з̾бѹ́дꙋ ѿ мно́гихъ ѕлы́хъ мои́хъ дѣѧ́нїи. ст҃ы́и же є҆фре́мъ мнѡ́го наказа́въ ю҆̀ ѿ ст҃ы́хъ писа́нїи, и҆ ѹ҆тверди́въ є҆ѧ̀ въ покаѧ́нїе, и҆ въ дадѐ ю҆̀ въ монастырь, и҆ спасѐ дш҃ю є҆ѧ̀, ѿ скве́рныхъ без̾зако́нїи є҆ѧ̀. и҆ и҆з̾ше́дъ и҆́зъграда тогѡ̀, и҆ прии́де въ кесарі́ю каппадокі́йскꙋю, и҆ прише́дъ въ цр҃ковь, ѡ҆брѣ́те ст҃и́тельнаго васи́лїѧ гл҃юща лю́дємъ и҆ нача́тъ ст҃ы́и є҆фре́мъ велїимъ гла́сомъ сла́вити є҆го̀. Глаго́лахꙋ же нѣ́цыи ѿ наро́да, ѕ҃ \| [JPG]
8	по́вѣсть ѡ҆прпⷣбнѣмъ кто̀ се́й стра́нныи; ꙗ҆́кѡ с̾вели́кимъ гла́сомъ похвалѧ́еть є҆пкⷭ҇па, на и҆па́че же ласка́етсѧ є҆мѹ̀, да да́стъ є҆мѹ̀ нѣ́что; и҆ посконча́нїи бесѣ́днѣⷨ, гл҃а ст҃ыи васи́лїи, призови́те ми чл҃ка, и҆́же пребы́сть хвалѧ́ мѧ. прише́дшꙋже є҆мѹ̀, гл҃а є҆мѹ̀, что̀ та́кѡ пребываа́ше гл҃ѧ и҆ хвалѧ́ мѧ, и҆ мл҃твꙋ творѧ̀, ѿвѣща́ же ст҃ы́и є҆фре́мъ, и҆ речѐ сегѡ̀ ра́ди пребыхъ вопїѧ̀, и҆ хвалѧ́ тѧ, ꙗ҆́кѡ ви́дѣхъ го́лꙋбь бѣ́лъ сѣдѧ́щь надеснѣ́мъ ти ра́мѣ, н҆ во ꙋ҆́хо гл҃ющь, и҆ та́кѡ лю́дємъ гл҃аше. и҆ и҆спо́лнисѧ дх҃а ст҃а ст҃ы́и васи́лїи, позна̀ є҆го̀ и҆ речѐ є҆мѹ̀ ты́ ли є҆сѝ є҆фре́мъ си́ринъ; пои́стинѣ ꙗ҆́кѡ слы́шаⷯ, та́кѡ и҆ ви́дѣхъ ѡ҆ тебѣ̀, желѣ́твениче молча́нїѧ, и҆ пꙋсты́нныи жи́телю. пи́шетъ босѧ нѣ́гдѣ въ прⷪ҇ро́чествѣ дв҃довѣ, є҆фре́мъ держа́ва главы̀ моеѧ̀. кро́тость бо твоѧ̀ и҆ про́стость твоѧ̀ ꙗ҆́вѣ є҆́сть, ꙗ҆́кѡ свѣ́тъ сїѧ́ѧ всѣ́мъ. И҆ и҆ногда̀ па́ки ми́мѡ и҆дѹ́щꙋ ст҃о́мꙋ є҆фре́мꙋ, и҆ ѿ поважде́нїѧ сатанина̀ прїи́де нѣ́каѧ скве́рница, льстѧ́щи того̀ прїитѝ насмѣше́нїе блѹ́дное. а҆́щели же нѝ, то̀ понѐ разгнѣваетъ є҆го̀, ꙗ҆́кѡ ни кто́ же ни коли́ же ви́дѣ є҆го̀ гнѣ́вающасѧ. и҆ глаго́ла к̾то́й, воз̾слѣ́дꙋй ми. прибли́живъжесѧ къ мѣ́стꙋ нѣ́коемꙋ много́наро́днꙋ, и҆ речѐ є҆́й, на мѣ́стѣ се́мъ хощꙋ̀, ꙗ҆́коже речѐ \| [JPG]
9	є҆фре́мѣ сотвори́мъ. ѻ҆на́ же ви́дѣвъши наро́дъ, речѐ є҆моу̀, ка́кѡ мо́жема здѣ̀ сотвори́ти, а҆ толи́кꙋ наро́дꙋ сѹ́щꙋ, стыди́мсѧ ѹ҆́бѡ. гл҃а к̾не́й, а҆́ще человѣ́къ срамлѧ́ешисѧ, коли́кѡ па́че до́лжни є҆смы̀ бг҃а срамлѧ́тисѧ, и҆́же серде́чныѧ та́йны свѣ́дꙋщагѡ. сїѧ́ же ѡ҆срами́вшисѧ ѿи́де безъ о҆рꙋ́дїѧ, не возмо́гши, ни понѐ нагнѣ́въ подви́гнꙋти є҆го̀. сїѧ̀ стрⷭ҇ти вели́кагѡ є҆фре́ма. мѹ́жъ бо бѧ́ше безъѕло́бы, кро́токъ, безъ ѕло́бивъ, въ ра́зꙋмѣ бж҃е́ственѣмъ, про́стъ по писа́нїю, посꙋ́пленъ, смире́нъ, покори́въ чрезъ є҆стество̀. ꙗ҆́коже и҆ молча́щꙋ є҆мѹ̀ наказа́тиеѧ ѿ взо́ра ви́дѧщимъ є҆го̀, ве́сь смы́сленъ сы́и на мл҃твꙋ бж҃їю. Се́й ѹ҆́бѡ прпⷣбныи ѻ҆ц҃ъ на́шъ є҆фре́мъ воз̾держа́въсѧ до́брѣ, и҆ ѻ҆́бразъ добро́ты. ꙗ҆́же къ бг҃ꙋ прїи́мъ, и҆ п꙼оꙋв꙼ерз꙼е́нїѧ бы́въ прича́стникъ, словеса́ же мно́жайша и҆ ѹ҆че́нїѧ сказа̀ всѣ́мъ. проꙋвѣ́дѣвъ же своѐ сконча́нїе, соста́ви завѣ́тъ ѹ҆чн҃кѡ́мъ свои́мъ, и҆ ковсѣ́мъ мни́хѡмъ и҆ ѡ҆бѹ́дꙋщихъ и҆сповѣ́давъ тѣ́мъ. и҆та́кѡ ма́лѡ поболѣ́въ, съ ми́ромъ ѹ҆́спе, сно́мъ вѣ́чнымъ. и҆ погребе́сѧ ѿ воздержа́шихъсѧ в̾ то́й же горѣ̀. мл҃твами ѹ҆́бѡ и҆ моле́нїемъ є҆гѡ̀, хрⷭ҇то́съ бг҃ъ на́шъ да сподо́битъ на́съ, подража́телєⷨ бы́ти тогѡ̀ бжⷭ҇твенагѡ житїѧ̀. ѹ҆м꙼ил꙼е́нїѧ꙼ з҃ \| [JPG]
10	и҆ просты́ню поїѧ́ти согрѣше́ныⷯ на́ми грѣхѡ́въ. ꙗ҆́кѡ томꙋ̀ хрⷭ҇тѹ̀ бг҃ꙋ на́шемꙋ, подоба́етъ сла́ва, и҆ нн҃ѣ и҆ при́снѡ и҆ во́ вѣки вѣкѡ́мъ; тогѡ́ же ст҃а́гѡ ѻ҆ц҃а на́шегѡ є҆фре́ма поꙋче́нїе, и҆ наказа́нїе поле́зно. А҆́зъ є҆фре́мъ грѣ́шныи и҆ неразѹ́мныи, прⷭ҇нѡ́сла́быи и҆ ѹ҆ны́лыи на подвиза́нїе дх҃о́вное, гл҃ю ва́мъ, подвиза́йтесѧ хрⷭ҇толю́бнаѧ бра́тїѧ, и҆́мъ же побѣжде́нъ быва́хъ повсѧ̀ часы̀, сла́бостьствомъ своегѡ̀ по́мысла, хощꙋ̀ и҆ ва́мъ сказа́ти воз̾лю́бленнїи, стра́хъ вели́къ и҆ тре́петъ дꙋшѝ моеѧ̀, є҆́же бы́сть ми въ де́нь є҆ди́нъ нечести́вомꙋ, несмире́нномꙋ, и҆ неприлѣ́жномꙋ. Сѣдѧ́хъ є҆ди́нъ намѣ́стѣ беⷥмо́лвнѣ, и҆ ти́сѣ, и҆ высо́цѣ, и҆ помышлѧ́хъ в̾себѣ̀ ѡ҆ житїѝ сѹ́етныѧ печа́ли, молвѹ̀, и҆ смꙋще́нїе и҆ сле́зы, и҆ поꙋча́хсѧ в̾себѣ̀, ка́кѡ житїѐ сѐ, ꙗ҆́кѡ сѣ́нь прехо́диⷮ, и҆ ꙗ҆́кѡ ко́нь ско́ръ ми́мѡ тече́тъ, и҆ ꙗ́кѡ цвѣ́тъ в̾ те́рнїи ѹ҆вѧда́етъ. и҆ гл҃ахъ печа́лꙋѧ и҆ рыда́ѧ, ка́кѡ тече́тъ вѣ́къ се́й; несвѣ́мы, и҆́м̾ же є҆смы̀ привѧ́зани сла́бостїю, вещьмѝ, и҆ помы́слы неподо́бными. сїѧ̀ всѧ̀ помышлѧ́ющꙋ ми в̾себѣ̀, в̾незаа́пꙋ воздви́гъ ѻ҆́чи на нб҃о, и҆ бы́хъ а҆́бїе ꙗ҆́кѡ во ꙋ́жасѣ, и҆ ви́дѣхъ ѻ҆чи́ма срⷣца моегѡ̀, бг҃а со сла́вою сѣдѧ́ща, и҆ гл҃юща къ дш҃ѝ мое́й та́кѡ, почто̀ дш҃е слⷡ҇о а҃ \| [JPG]
11	презрѣ́ла є҆сѝ сла́вꙋ мою̀. почто̀ дꙋшѐ менѐ нбⷭ҇наго и҆спо́лнь свѣ́та и҆ живота̀, воⷥненави́дѣла є҆сѝ жениха̀ беⷥсме́ртнаго и҆ чи́стаго почто̀ дꙋшѐ возненави́дѣла є҆сѝ бл҃га́ѧ, ꙗ҆́же а҆́зъ ѹ҆гото́ваⷯ ти; почто̀ дꙋшѐ бы́сть ми чюжда̀, по́мыслы и҆ дѣлесы̀ неподо́бными; почто̀ дꙋшѐ непотщи́шисѧ ѡ҆брѣсти́сѧ ра́дꙋющисѧ въ прише́ствїе моѐ; почто̀ дꙋшѐ неи҆́маши свѣщю̀ въ во́пль хотѧ́щїи бы́ти; сѐ прїи́де жени́хъ, и҆зы́дѣте въсрѣ́тенїе є҆мѹ̀ с̾ ра́достїю. почто̀ дꙋшѐ невосхотѣ̀ ѹ́гото́вати, о҆дѣѧ́ні́ѧ досто́йна на́ браки; почто̀ дꙋше нев̾ни́деши в̾ черто́гъ нбⷭ҇ныи ст҃ы́и; почто́ дꙋшѐ возненави́дѣла мѧ̀ є҆сѝ бл҃га́го, и҆зба́вльшаго живо́тъ тво́й ѿ сме́рти. а҆́зъ дꙋшѐ сме́рти в̾кꙋси́хъ тебѐ ра́ди, да невѣ́стꙋ тѧ нарекѹ̀ себѣ̀. а҆́зъ дꙋшѐ и҆ црⷭ҇тво нбⷭ҇ное незави́димое да́хъ ти. а҆́зъ дꙋшѐ себѣ̀ невѣ́стꙋ содѣ́лахъ тѧ ꙗ҆́кѡ цр҃ь. а҆́зъ дꙋшѐ тебѐ ра́ди человѣ́къ бы́хъ, хотѧ̀ и҆зба́вити тѧ̀ ѿ тлѝ. а҆́зъ дꙋшѐ па́че всѣ́хь дѣ́лъ мои́хъ почто́хъ живо́тъ тво́й, и҆ воⷥнесо́хъ тѧ. а҆́зъ черто́гъ нбⷭ҇ныи ѹ҆гото́вахъ ти, и҆ а҆́гг҃лы слꙋжи́ти предътобо́ю въ черто́зѣ. сїѧ̀ а҆́зъ ѹ҆гото́вахъ, на в̾ше́ствїе твоѐ съ ра́достїю. ты́ же дꙋшѐ воз̾ненави́дѣла є҆сѝ жениха̀ съ ше́дшаго во а҆́дъ тебѐ ра́ди. воз̾ненави́дѣла є҆сѝ жениха̀ небе́снаго. и҆ бл҃га́ѧ є҆гѡ̀ в҃ и҃ \| [JPG]
12	сло́во а҃ не и҆зрече́ннаѧ. и҆ кто̀ ꙋ҆́бѡ любѧ́и па́че менѐ, да́ющемꙋ живо́тъ всѣ́мъ млⷭ҇рдїемъ; и҆лѝ кто̀ є҆́сть ѹ҆́бѡ милости́въ па́че менѐ, спаса́юшемꙋ всю̀ тва́рь щедро́тами; кото́рыи ѻ҆ц҃ъ люби́тъ сн҃а па́че менѐ; кото́рыи ѻ҆ц҃ъ дае́тъ живо́тъ ꙗ҆́ко же а҆́зъ; ꙗ҆́кѡ ѡ҆ста́вила мѧ є҆сѝ дꙋшѐ тща̀, и҆ возлюби́ла є҆сѝ тꙋжда́ѧ и҆ ме́рз̾скаѧ. и҆ ѹ҆боѧ́хъсѧ бра́тїє боѧ́знїю вели́кою, поразꙋмѣ́лъ ѻ҆чи́ма, гдⷭ҇ни гл҃ы стра́шныѧ, и҆ дꙋше́вною не́мощїю вельмѝ ѹ҆боѧ́хсѧ и҆ ѹ҆жасо́хсѧ, и҆ и҆счезо́хъ ѿ́ страха и҆ ѿстꙋда̀ вели́кагѡ. и҆ помышлѧ́ѧ стѹ́дъ поноше́нїѧ, гл҃ахъ, прїйдѣ́те го́ры покры́ите мѧ о҆каѧ́ннаго, и҆ грѣ́шнаго и҆ нечести́ваго. и҆ вознесо́хъ гла́съ мо́й и҆ пла́кахсѧ, и҆ прекло́нь главѹ̀ до́лꙋ стыдѧ́хсѧ. и҆ пла́кавсѧ, са́мъ себѣ̀ рѣхъ та́кѡ, почто̀ а҆́зъ и҆́з̾чрева ма́тере мое́ѧ роди́хсѧ, да раз̾гнѣ́ваю гдⷭ҇а, ст҃а́го бл҃гаго и҆ млⷭ҇рдаго; и҆з̾ве́рженъ бы́хъ и҆з̾ чрева зача́тїемъ, и҆ в̾нѣ̀ воспита́нїе тѣле́сное сотвори́хъ, и҆ ѿве́рженъ бы́хъ нбⷭ҇ныѧ бл҃года́ти. о҆ба́че пла́часѧ припадо́хъ, и҆ моли́хсѧ съ рыда́нїемъ и҆ не́мощїю се́рдца. возопи́хъ пла́чемъ, глаго́лѧ та́кѡ, ѹ҆слы́ши влⷣко пла́чь мо́й, и҆ прїимѝ глаго́лы моле́бныѧ, ꙗ҆́же поино́ситъ грѣ́шныи стыдѧ́сѧ, долготерпѧ́и млⷭ҇тивыи и҆ ще́дрыи, \| [JPG]

ID	1010922017
Autor	Ephraem [Syrus]
Titel	[Poučenija Knigi Svjatago Efrema (Paränesis)] Knigi Svjatago Efrema Glagolemyja Grečeskim jazykom, parenisis
Jahr	Moskva - [Pečatnyj Dvor] - 1647 - 4, 351 Bl. 2°
Anmerkung	Date 7155 [1647]; +/- Titelangaben vom Bl. 5 Autopsie nach Exemplar der SBB Paginierung: 1-4, 1-183, 183, 184-351 Zernova, A. Knigi kirillovskoj pečati, Nr. 198 In kyrill. Schr., kirchenslaw.
Schlagwörter	Paränesis Theologie
Kat-URL	https://stabikat.de/DB=1/XMLPRS=N/PPN?PPN=1010922017
URL	http://resolver.staatsbibliothek-berlin.de/SBB000218D500000000
PURL	Citation link

Page-Nr	Page-Content [48]
3	СЛОВо Ѡ҆ ЖИТЇЍ Ст҃А́ГѠ И҆ ПвⷣБНАГѠ Ѡ҆ц҃А НА́ШеГО є҆фре́ма си́рина, бл҃гословѝ ѻ҆́ч҃е. Се́й ѻ҆ц҃ъ на́шъ є҆фре́мъ прпⷣбныи, бѣ̀ ѿ восто́ка, си́ринъ ро́домъ. ѿ роди́телю бл҃гочести́вꙋ, роди́сѧ въ є҆де́сѣ. бы́въ въ лѣ́та конста́нти́на вели́кагѡ цр҃ѧ, и҆ пото́мъ црⷭ҇твовавшихъ. и ѿве́ргъсѧ всѣ́хъ проны́рливыхъ дѣ́лъ. роди́тели же є҆гѡ̀ є҆щѐ є҆мѹ̀ дѣ́тищꙋ сѹ́щꙋ, ви́дѣста со́нъ, ре́кше видѣ́нїе, ꙗ҆́кѡ в̾зы́де лоза̀ на ѧ҆зы́цѣ є҆фре́мовѣ, и҆ возра́стъ, и҆ и҆спо́лнивсю подънбⷭ҇нꙋю. и҆ прихождаа́хꙋ всѝ подънбⷭ҇ныѧ пти́цы, и҆ ꙗ҆дѧ́хꙋ ѿ плода̀ виннагѡ. и҆ єли́ко же ꙗ҆дѧ́ахꙋ, па́че множа́шесѧ. Се́й ѿ ю́ны версты̀ в̾сели́сѧ въ го́рꙋ. и҆ п꙼оꙋве꙼рз꙼е́нїѧ глꙋбинѹ̀ приѡ҆брѣ́тъ, є҆́ю́ же и҆ прїѧ́тъ бж҃е́ственꙋю бл҃года́ть ст҃а́гѡ дх҃а. ѡ҆не́мъ же нѣ́кто бг҃оно́сныхъ ѻ҆ц҃ь, во снѣ̀ ви́дѣ мѹ́жа стра́шна, держа́ща сви́токъ хартїа́нъ, и҆ вопрошаа́ше, кто̀ ꙋ҆́бѡ мо́жетъ прїа́ти и҆ сохрани́ти є҆го̀. И҆ бы́сть гла́съ к̾ томꙋ̀, и҆́нъ никто́ же, ра́звѣ є҆фре́ма ꙋ҆го́дника моего̀. ѹ҆м꙼иле́н꙼їѧ꙼ а҃ \| [JPG]
4	є҆мѹ́же предъстсѧ́щꙋ, и҆ ѿве́рзе ѹ҆́ста̀ є҆гѡ̀ дадѐ є҆мѹ̀. о҆́нъ же и҆зъѧдѐ є҆го̀, и҆ въско́.. и҆стечѐ рѣка̀ бг҃ото́чныхъ словє́съ, и҆спо́лнь поꙋ҆в꙼ерз꙼е́нїѧ и҆ покаѧ́нїѧ, и҆ и҆сповѣ́давъ стра́хъ сѹ́дныи, и҆ є҆́же съ сла́вою второ́е прише́ствїе, цр҃ѧ всѣ́хъ влⷣки і҆с҃а х҃а и҆́стиннагѡ бг҃а на́шегѡ, ꙗ҆́кѡ да возда́стъ комꙋждо подѣ́ломъ є҆гѡ̀. и҆ к̾си́мъ же и҆ бж҃е́ственыⷯ ѹ҆ста́въ пра́вило пи́смены положѝ. И҆́нъ же па́ки нѣ́кто ѿ ст҃ы́хъ ста́рєцъ, ви́дѣ воснѣ̀ а҆́гг҃льскїѧ си́лы съ нб҃сѐ сходѧ́щѧ, по повелѣ́нїю бж҃їю, и҆мѹ́щѧ въ рꙋкѹ̀ сви́токъ напи́санъ, и҆з̾внѹ́трь и҆ и҆з̾внѹ̀, и҆ гл҃ахꙋ дрѹ́гъ къ дрѹ́гꙋ, кто̀ се́й хо́щетъ прїѧ́ти; и҆ ѻ҆́вїи глаго́лахꙋ, о҆́нъ сі́и, дрꙋзі́и же дрꙋга́го; ѿвѣща́ша же и҆ні́и реко́ша, нѝ. пои́стинѣ ст҃и сѹ҄ть и҆ пра́ведни, но никто́ же ѿ тѣ́хъ мо́жетъ сего̀ прїѧ́ти, ра́звѣ є҆фре́ма кро́ткагѡ и҆ смире́нагѡ срⷣцемъ. и҆ ви́дѧше ста́рецъ, ꙗ҆́кѡ є҆фре́мꙋ преда́ша сви́токъ, и҆ въста́въ заѹ҆́тра, слы́ша ꙗ҆́кѡ и҆сто́чникъ кипѧ́щь и҆зѹ́стъ тогѡ̀, и҆ составлѧ́юшꙋ словєса̀ ѹ҆чи́тельнаѧ, всѧ́когѡ ꙋ҆тверже́нїѧ и҆ стра́ха бж҃їѧ по́лна сѹ́щѧ. и҆ ѹ҆вѣ́давъ ꙗ҆́кѡ ѿ ст҃а́гѡ дх҃а сѹ҄ть, и҆сходѧ́щаѧ и҆зѹ́стъ є҆гѡ̀, и҆ просла́ви бг҃а, даю́щаго таковꙋ́ю бл҃года́ть рабѡ́мъ свои́мъ; ѹ҆м꙼ил꙼е́нїѧ \| [JPG]
5	КНИ́ГИ Ст҃АГѠ Е҆ѲРЕ́МА Гл҃ЕМыꙖ ГРЕ́ЧЕСКИМъ ꙗ҆́зы́комъ парениси́съ. сказа́етъжесѧ парениси́съ, при́тча, ѹ҆тѣше́нїе, моле́нїе, поꙋче́нїе, наказа́нїѧ, разли́чна, поле́зна, бл҃гословѝ ѻ҆ч҃е. Бѣ̀ нѣ́кїи на восто́цѣ мѹ́жь, и҆́менеⷨ є҆фре́мъ, си́ринъ ро́доⷨ сы́и. се́й чл҃къ бл҃гочⷭ҇ти́въ бѣ̀, ѡ҆греба́ѧсѧ ѿ всѧ́кїѧ ѕлы́ѧ ве́щи. восхотѣ́ же ви́дѣти є҆де́съскїи гра́дъ, и҆ молѧ́шесѧ бг҃ꙋ гл҃ѧ, гдⷭ҇и і҆с҃е хрⷭ҇тѐ сподо́би мѧ ви́дѣти граⷣ то́й. и҆ в̾ходѧ́щꙋ ми во́нь, сподо́би мѧ такова̀ чл҃ка срѣ́сти, и҆́же поле́знѡ кни́гами стѧ́жетсѧ со мно́ю. прише́дшꙋ же є҆мѹ̀ намѣ́сто и҆ в̾ходѧ́щꙋ є҆мѹ̀ воврата̀ гра́днаѧ, срѣ́те є҆го̀ жена̀ блꙋдни́ца. и҆ ви́дѣвъ ю҆̀ ра́бъ бж҃їи, ста̀, печа́лꙋѧ и҆ гл҃ѧ в̾ себѣ̀, гдⷭ҇и презрѣ́лъ є҆сѝ моле́нїе раба̀ твоегѡ̀, е҃ \| [JPG]
6	по́вѣсть ѡ҆прпⷣбнѣмъ ка́кѡ бо и҆́мать сїѧ̀ кни́жными словесы̀, стѧза́тисѧ сомно́ю. стоѧ́ше же блꙋдни́ца зрѧ́щи є҆го̀. гл҃а же к̾не́й ст҃ы́и є҆фре́мъ, рцы́ ми же́но, что̀ стои́ши зри́щи менѐ; ѿвѣща́вши же блꙋдни́ца гл҃а кнемѹ̀, зрю́ тебѐ ꙗ҆́кѡ а҆́зъ жена̀ ѿ мꙋжа взѧта̀ бы́х̾, ты́ же менѐ незрѝ, но зе́млю зрѝ, ѿнеѧ́ же взѧ́т̾ є҆сѝ. сїѧ̀ слы́шавъ ст҃ы́и є҆фре́мъ, почюди́сѧ и҆ просла́ви бг҃а, да́вшаго є҆́й толи́кꙋ премрⷣость, ꙗ҆́кѡ ѿвѣща̀ є҆мѹ̀ сїѧ̀. и҆ разꙋмѣ̀, ꙗ҆́кѡ непрезрѣ̀ гдⷭ҇ь моле́нїѧ є҆гѡ̀. и҆ в̾ше́дъ во́граⷣ и҆ ѡ҆бита̀ тѹ̀. По слѹ́чаю же, ѻ҆би́тели є҆гѡ̀ живѧ́ше дрꙋга́ѧ блꙋдни́ца, и҆ пребы́вшꙋ є҆мѹ̀ днѝ мно́ги во́градѣ то́мъ. и҆понꙋ́жена бы́сть ѿ непрїѧⷥни блꙋдни́ца, ꙗ҆́же живѧ́ше в̾ сосѣ́деⷯ є҆мѹ̀, ꙗ҆́кѡ да преⷣвари́вши ѡ҆скорби́тъ є҆го̀. и҆ ѿве́рзъши две́рца, ꙗ҆́же и҆мѣ́ѧше ме́ждѹ̀ стѣно́ю є҆гѡ̀ призрѣ̀ и҆ ви́дѣ ст҃аго стоѧ́ща, и҆ варѧ́ща ꙗ҆́дь, и҆ гл҃а кнемѹ̀, блгⷭ҇вѝ гдⷭ҇и. Возрѣ́въ же надве́рца, и҆ви́дѣвъ ю҆̀ зрѧ́щю, и҆ гл҃а є҆́й, гдⷭ҇ь блгⷭ҇ви́тъ тѧ. о҆на́ же ѿвѣща́вши гл҃а кнемѹ̀, что̀ є҆́сть недоста́тоⷦ҇ ꙗ҆́ди твоеѧ̀; ѿвѣща́въ же ст҃ы́и речѐ є҆́й, трѝ ка́мени и҆ ма́лѡ бре́нїѧ, да две́рца ты́ѧ заградѧ́тсѧ, ѿнѹ́дꙋже призира́еши. о҆на́ же ѿвѣща́вши гл҃а кнемѹ̀, поне́же пе́рвое воⷥгл҃ахъ и҆ воспрети́ ми, а҆ а҆́зъ лещѝ хощю̀ с̾тобо́ю, а҆ ты̀ высо́киⷨ сло́воⷨ ѿме́щешисѧ менѐ. ѿвѣща́в̾же ра́бъ бж҃іїи гл҃а к̾не́й, \| [JPG]
7	є҆фре́мѣ а҆́ще хо́щеши лещѝ сомно́ю. то̀ и҆дѣ́ же гл҃ю тѝ прїи́ди, и҆ лѧ́жемъ въ кѹ́пѣ; ѿвѣща́вши же блꙋдни́ца глаго́ла к̾немѹ̀, на рцы̀ мѣ́сто и҆прии҆дѹ̀; ѿвѣща́въ же ст҃ы́и є҆фре́мъ гл҃а к̾не́й, а҆́ще хо́щеши лещѝ сомно́ю, на и҆но́мъ мѣ́стѣ немо́жеши лещѝ, но то́кмѡ посредѣ̀ гра́да; о҆на́ же ѿвѣща́вши глаго́ла кнемѹ̀, то̀ нестыди́мълисѧ чл҃къ; ѿвѣща́въ же ст҃ы́и є҆фре́мъ речѐ, а҆́ще человѣ́къ стыди́мсѧ, то̀ кольмѝ па́че стыдѣ́тисѧ подоба́етъ, кѹ́пно же и҆ боѧ́тисѧ бг҃а, свѣ́дꙋщагѡ та́йны чл҃чи, ꙗ҆́кѡ то́й є҆́сть хотѧ́и сꙋди́ти всемѹ̀ ми́рꙋ, и҆ ѿ вѣ́тъ да́ти комꙋ́ждо подѣ́ломъ є҆гѡ̀. и҆ сїѧ̀ слы́шавъши блꙋдни́ца, ѹ҆мили́сѧ ѡ҆ словесѣ́хъ є҆гѡ̀, и҆ ше́дши припаде къ нога́мъ є҆гѡ̀, пла́чющи и҆ глаго́лющи, ра́бе бж҃їи наста́вимѧ на пѹ҄ть сп҃се́нїѧ, ꙗ҆́кѡ даи҆з̾бѹ́дꙋ ѿ мно́гихъ ѕлы́хъ мои́хъ дѣѧ́нїи. ст҃ы́и же є҆фре́мъ мнѡ́го наказа́въ ю҆̀ ѿ ст҃ы́хъ писа́нїи, и҆ ѹ҆тверди́въ є҆ѧ̀ въ покаѧ́нїе, и҆ въ дадѐ ю҆̀ въ монастырь, и҆ спасѐ дш҃ю є҆ѧ̀, ѿ скве́рныхъ без̾зако́нїи є҆ѧ̀. и҆ и҆з̾ше́дъ и҆́зъграда тогѡ̀, и҆ прии́де въ кесарі́ю каппадокі́йскꙋю, и҆ прише́дъ въ цр҃ковь, ѡ҆брѣ́те ст҃и́тельнаго васи́лїѧ гл҃юща лю́дємъ и҆ нача́тъ ст҃ы́и є҆фре́мъ велїимъ гла́сомъ сла́вити є҆го̀. Глаго́лахꙋ же нѣ́цыи ѿ наро́да, ѕ҃ \| [JPG]
8	по́вѣсть ѡ҆прпⷣбнѣмъ кто̀ се́й стра́нныи; ꙗ҆́кѡ с̾вели́кимъ гла́сомъ похвалѧ́еть є҆пкⷭ҇па, на и҆па́че же ласка́етсѧ є҆мѹ̀, да да́стъ є҆мѹ̀ нѣ́что; и҆ посконча́нїи бесѣ́днѣⷨ, гл҃а ст҃ыи васи́лїи, призови́те ми чл҃ка, и҆́же пребы́сть хвалѧ́ мѧ. прише́дшꙋже є҆мѹ̀, гл҃а є҆мѹ̀, что̀ та́кѡ пребываа́ше гл҃ѧ и҆ хвалѧ́ мѧ, и҆ мл҃твꙋ творѧ̀, ѿвѣща́ же ст҃ы́и є҆фре́мъ, и҆ речѐ сегѡ̀ ра́ди пребыхъ вопїѧ̀, и҆ хвалѧ́ тѧ, ꙗ҆́кѡ ви́дѣхъ го́лꙋбь бѣ́лъ сѣдѧ́щь надеснѣ́мъ ти ра́мѣ, н҆ во ꙋ҆́хо гл҃ющь, и҆ та́кѡ лю́дємъ гл҃аше. и҆ и҆спо́лнисѧ дх҃а ст҃а ст҃ы́и васи́лїи, позна̀ є҆го̀ и҆ речѐ є҆мѹ̀ ты́ ли є҆сѝ є҆фре́мъ си́ринъ; пои́стинѣ ꙗ҆́кѡ слы́шаⷯ, та́кѡ и҆ ви́дѣхъ ѡ҆ тебѣ̀, желѣ́твениче молча́нїѧ, и҆ пꙋсты́нныи жи́телю. пи́шетъ босѧ нѣ́гдѣ въ прⷪ҇ро́чествѣ дв҃довѣ, є҆фре́мъ держа́ва главы̀ моеѧ̀. кро́тость бо твоѧ̀ и҆ про́стость твоѧ̀ ꙗ҆́вѣ є҆́сть, ꙗ҆́кѡ свѣ́тъ сїѧ́ѧ всѣ́мъ. И҆ и҆ногда̀ па́ки ми́мѡ и҆дѹ́щꙋ ст҃о́мꙋ є҆фре́мꙋ, и҆ ѿ поважде́нїѧ сатанина̀ прїи́де нѣ́каѧ скве́рница, льстѧ́щи того̀ прїитѝ насмѣше́нїе блѹ́дное. а҆́щели же нѝ, то̀ понѐ разгнѣваетъ є҆го̀, ꙗ҆́кѡ ни кто́ же ни коли́ же ви́дѣ є҆го̀ гнѣ́вающасѧ. и҆ глаго́ла к̾то́й, воз̾слѣ́дꙋй ми. прибли́живъжесѧ къ мѣ́стꙋ нѣ́коемꙋ много́наро́днꙋ, и҆ речѐ є҆́й, на мѣ́стѣ се́мъ хощꙋ̀, ꙗ҆́коже речѐ \| [JPG]
9	є҆фре́мѣ сотвори́мъ. ѻ҆на́ же ви́дѣвъши наро́дъ, речѐ є҆моу̀, ка́кѡ мо́жема здѣ̀ сотвори́ти, а҆ толи́кꙋ наро́дꙋ сѹ́щꙋ, стыди́мсѧ ѹ҆́бѡ. гл҃а к̾не́й, а҆́ще человѣ́къ срамлѧ́ешисѧ, коли́кѡ па́че до́лжни є҆смы̀ бг҃а срамлѧ́тисѧ, и҆́же серде́чныѧ та́йны свѣ́дꙋщагѡ. сїѧ́ же ѡ҆срами́вшисѧ ѿи́де безъ о҆рꙋ́дїѧ, не возмо́гши, ни понѐ нагнѣ́въ подви́гнꙋти є҆го̀. сїѧ̀ стрⷭ҇ти вели́кагѡ є҆фре́ма. мѹ́жъ бо бѧ́ше безъѕло́бы, кро́токъ, безъ ѕло́бивъ, въ ра́зꙋмѣ бж҃е́ственѣмъ, про́стъ по писа́нїю, посꙋ́пленъ, смире́нъ, покори́въ чрезъ є҆стество̀. ꙗ҆́коже и҆ молча́щꙋ є҆мѹ̀ наказа́тиеѧ ѿ взо́ра ви́дѧщимъ є҆го̀, ве́сь смы́сленъ сы́и на мл҃твꙋ бж҃їю. Се́й ѹ҆́бѡ прпⷣбныи ѻ҆ц҃ъ на́шъ є҆фре́мъ воз̾держа́въсѧ до́брѣ, и҆ ѻ҆́бразъ добро́ты. ꙗ҆́же къ бг҃ꙋ прїи́мъ, и҆ п꙼оꙋв꙼ерз꙼е́нїѧ бы́въ прича́стникъ, словеса́ же мно́жайша и҆ ѹ҆че́нїѧ сказа̀ всѣ́мъ. проꙋвѣ́дѣвъ же своѐ сконча́нїе, соста́ви завѣ́тъ ѹ҆чн҃кѡ́мъ свои́мъ, и҆ ковсѣ́мъ мни́хѡмъ и҆ ѡ҆бѹ́дꙋщихъ и҆сповѣ́давъ тѣ́мъ. и҆та́кѡ ма́лѡ поболѣ́въ, съ ми́ромъ ѹ҆́спе, сно́мъ вѣ́чнымъ. и҆ погребе́сѧ ѿ воздержа́шихъсѧ в̾ то́й же горѣ̀. мл҃твами ѹ҆́бѡ и҆ моле́нїемъ є҆гѡ̀, хрⷭ҇то́съ бг҃ъ на́шъ да сподо́битъ на́съ, подража́телєⷨ бы́ти тогѡ̀ бжⷭ҇твенагѡ житїѧ̀. ѹ҆м꙼ил꙼е́нїѧ꙼ з҃ \| [JPG]
10	и҆ просты́ню поїѧ́ти согрѣше́ныⷯ на́ми грѣхѡ́въ. ꙗ҆́кѡ томꙋ̀ хрⷭ҇тѹ̀ бг҃ꙋ на́шемꙋ, подоба́етъ сла́ва, и҆ нн҃ѣ и҆ при́снѡ и҆ во́ вѣки вѣкѡ́мъ; тогѡ́ же ст҃а́гѡ ѻ҆ц҃а на́шегѡ є҆фре́ма поꙋче́нїе, и҆ наказа́нїе поле́зно. А҆́зъ є҆фре́мъ грѣ́шныи и҆ неразѹ́мныи, прⷭ҇нѡ́сла́быи и҆ ѹ҆ны́лыи на подвиза́нїе дх҃о́вное, гл҃ю ва́мъ, подвиза́йтесѧ хрⷭ҇толю́бнаѧ бра́тїѧ, и҆́мъ же побѣжде́нъ быва́хъ повсѧ̀ часы̀, сла́бостьствомъ своегѡ̀ по́мысла, хощꙋ̀ и҆ ва́мъ сказа́ти воз̾лю́бленнїи, стра́хъ вели́къ и҆ тре́петъ дꙋшѝ моеѧ̀, є҆́же бы́сть ми въ де́нь є҆ди́нъ нечести́вомꙋ, несмире́нномꙋ, и҆ неприлѣ́жномꙋ. Сѣдѧ́хъ є҆ди́нъ намѣ́стѣ беⷥмо́лвнѣ, и҆ ти́сѣ, и҆ высо́цѣ, и҆ помышлѧ́хъ в̾себѣ̀ ѡ҆ житїѝ сѹ́етныѧ печа́ли, молвѹ̀, и҆ смꙋще́нїе и҆ сле́зы, и҆ поꙋча́хсѧ в̾себѣ̀, ка́кѡ житїѐ сѐ, ꙗ҆́кѡ сѣ́нь прехо́диⷮ, и҆ ꙗ҆́кѡ ко́нь ско́ръ ми́мѡ тече́тъ, и҆ ꙗ́кѡ цвѣ́тъ в̾ те́рнїи ѹ҆вѧда́етъ. и҆ гл҃ахъ печа́лꙋѧ и҆ рыда́ѧ, ка́кѡ тече́тъ вѣ́къ се́й; несвѣ́мы, и҆́м̾ же є҆смы̀ привѧ́зани сла́бостїю, вещьмѝ, и҆ помы́слы неподо́бными. сїѧ̀ всѧ̀ помышлѧ́ющꙋ ми в̾себѣ̀, в̾незаа́пꙋ воздви́гъ ѻ҆́чи на нб҃о, и҆ бы́хъ а҆́бїе ꙗ҆́кѡ во ꙋ́жасѣ, и҆ ви́дѣхъ ѻ҆чи́ма срⷣца моегѡ̀, бг҃а со сла́вою сѣдѧ́ща, и҆ гл҃юща къ дш҃ѝ мое́й та́кѡ, почто̀ дш҃е слⷡ҇о а҃ \| [JPG]
11	презрѣ́ла є҆сѝ сла́вꙋ мою̀. почто̀ дꙋшѐ менѐ нбⷭ҇наго и҆спо́лнь свѣ́та и҆ живота̀, воⷥненави́дѣла є҆сѝ жениха̀ беⷥсме́ртнаго и҆ чи́стаго почто̀ дꙋшѐ возненави́дѣла є҆сѝ бл҃га́ѧ, ꙗ҆́же а҆́зъ ѹ҆гото́ваⷯ ти; почто̀ дꙋшѐ бы́сть ми чюжда̀, по́мыслы и҆ дѣлесы̀ неподо́бными; почто̀ дꙋшѐ непотщи́шисѧ ѡ҆брѣсти́сѧ ра́дꙋющисѧ въ прише́ствїе моѐ; почто̀ дꙋшѐ неи҆́маши свѣщю̀ въ во́пль хотѧ́щїи бы́ти; сѐ прїи́де жени́хъ, и҆зы́дѣте въсрѣ́тенїе є҆мѹ̀ с̾ ра́достїю. почто̀ дꙋшѐ невосхотѣ̀ ѹ́гото́вати, о҆дѣѧ́ні́ѧ досто́йна на́ браки; почто̀ дꙋше нев̾ни́деши в̾ черто́гъ нбⷭ҇ныи ст҃ы́и; почто́ дꙋшѐ возненави́дѣла мѧ̀ є҆сѝ бл҃га́го, и҆зба́вльшаго живо́тъ тво́й ѿ сме́рти. а҆́зъ дꙋшѐ сме́рти в̾кꙋси́хъ тебѐ ра́ди, да невѣ́стꙋ тѧ нарекѹ̀ себѣ̀. а҆́зъ дꙋшѐ и҆ црⷭ҇тво нбⷭ҇ное незави́димое да́хъ ти. а҆́зъ дꙋшѐ себѣ̀ невѣ́стꙋ содѣ́лахъ тѧ ꙗ҆́кѡ цр҃ь. а҆́зъ дꙋшѐ тебѐ ра́ди человѣ́къ бы́хъ, хотѧ̀ и҆зба́вити тѧ̀ ѿ тлѝ. а҆́зъ дꙋшѐ па́че всѣ́хь дѣ́лъ мои́хъ почто́хъ живо́тъ тво́й, и҆ воⷥнесо́хъ тѧ. а҆́зъ черто́гъ нбⷭ҇ныи ѹ҆гото́вахъ ти, и҆ а҆́гг҃лы слꙋжи́ти предътобо́ю въ черто́зѣ. сїѧ̀ а҆́зъ ѹ҆гото́вахъ, на в̾ше́ствїе твоѐ съ ра́достїю. ты́ же дꙋшѐ воз̾ненави́дѣла є҆сѝ жениха̀ съ ше́дшаго во а҆́дъ тебѐ ра́ди. воз̾ненави́дѣла є҆сѝ жениха̀ небе́снаго. и҆ бл҃га́ѧ є҆гѡ̀ в҃ и҃ \| [JPG]
12	сло́во а҃ не и҆зрече́ннаѧ. и҆ кто̀ ꙋ҆́бѡ любѧ́и па́че менѐ, да́ющемꙋ живо́тъ всѣ́мъ млⷭ҇рдїемъ; и҆лѝ кто̀ є҆́сть ѹ҆́бѡ милости́въ па́че менѐ, спаса́юшемꙋ всю̀ тва́рь щедро́тами; кото́рыи ѻ҆ц҃ъ люби́тъ сн҃а па́че менѐ; кото́рыи ѻ҆ц҃ъ дае́тъ живо́тъ ꙗ҆́ко же а҆́зъ; ꙗ҆́кѡ ѡ҆ста́вила мѧ є҆сѝ дꙋшѐ тща̀, и҆ возлюби́ла є҆сѝ тꙋжда́ѧ и҆ ме́рз̾скаѧ. и҆ ѹ҆боѧ́хъсѧ бра́тїє боѧ́знїю вели́кою, поразꙋмѣ́лъ ѻ҆чи́ма, гдⷭ҇ни гл҃ы стра́шныѧ, и҆ дꙋше́вною не́мощїю вельмѝ ѹ҆боѧ́хсѧ и҆ ѹ҆жасо́хсѧ, и҆ и҆счезо́хъ ѿ́ страха и҆ ѿстꙋда̀ вели́кагѡ. и҆ помышлѧ́ѧ стѹ́дъ поноше́нїѧ, гл҃ахъ, прїйдѣ́те го́ры покры́ите мѧ о҆каѧ́ннаго, и҆ грѣ́шнаго и҆ нечести́ваго. и҆ вознесо́хъ гла́съ мо́й и҆ пла́кахсѧ, и҆ прекло́нь главѹ̀ до́лꙋ стыдѧ́хсѧ. и҆ пла́кавсѧ, са́мъ себѣ̀ рѣхъ та́кѡ, почто̀ а҆́зъ и҆́з̾чрева ма́тере мое́ѧ роди́хсѧ, да раз̾гнѣ́ваю гдⷭ҇а, ст҃а́го бл҃гаго и҆ млⷭ҇рдаго; и҆з̾ве́рженъ бы́хъ и҆з̾ чрева зача́тїемъ, и҆ в̾нѣ̀ воспита́нїе тѣле́сное сотвори́хъ, и҆ ѿве́рженъ бы́хъ нбⷭ҇ныѧ бл҃года́ти. о҆ба́че пла́часѧ припадо́хъ, и҆ моли́хсѧ съ рыда́нїемъ и҆ не́мощїю се́рдца. возопи́хъ пла́чемъ, глаго́лѧ та́кѡ, ѹ҆слы́ши влⷣко пла́чь мо́й, и҆ прїимѝ глаго́лы моле́бныѧ, ꙗ҆́же поино́ситъ грѣ́шныи стыдѧ́сѧ, долготерпѧ́и млⷭ҇тивыи и҆ ще́дрыи, \| [JPG]

Kirchenslawische Drucke (SBB-PK)

[Poučenija Knigi Svjatago Efrema (Paränesis)] Knigi Svjatago Efrema Glagolemyja Grečeskim jazykom, parenisis