slavistik-portal
Портал славістики
The database of Church Slavonic (old) prints of the SBB-PK offers an overview of the prints and the approximately 1000 pages obtained and proofread with Transkribus in "Ground Truth" quality. The full text search in the text corpus of the GT data can be carried out via this widget.
| ID | 884734420 |
| Title | [Prolog] Soslovie imen svjatych, obrětajuščichsja v knizě sej, glagoleměj synaksarij, ili prosto rešči, prolozě šesti mesjacev mart-avgust |
| Jahr | [Sankt-Peterburg] - [Sinodalʹnaja Tip.] - 1890 - 76, 55, 72, 120, 64, 10 [i.e. 397] Bl. |
| Note | Date [ca. 1890]; +/- Titelangabe aus Register am Ende des Buches Titel, Seitenzählung und Zierleisten anders als in "Prolog, kniga vtoraja" der Ausgabe 1895-1896 Autopsie nach Ex. der SBB In kyrill. Schr., kirchenslaw. |
| Subjects | Prolog |
| Cat-URL | https://stabikat.de/DB=1/XMLPRS=N/PPN?PPN=884734420 |
| URL | http://resolver.staatsbibliothek-berlin.de/SBB0001FB8D00000000 |
| PURL | Citation link |
| Page-Nr | Page-Content [1] |
| 5 | Мцⷭ҇ъ ма́ртъ и҆мѣ́ѧй дні́й л҃а. Де́нь и҆́мать часѡ́въ двана́десѧть, и҆ но́щь двана́десѧть. Мцⷭ҇а ма́рта въ а҃ де́нь, ст҃ы́ѧ преподобпомꙋ́ченицы є҆ѵдокі́и. Та̀ бѧ́ше во вре́мѧ царѧ̀ траїа́на, ѿ самарі́и палесті́нскїѧ, во и҆лїꙋпо́лѣ, въ блꙋдѣ̀ пе́рвѣе живꙋ́щи, и҆ мнѡ́ги рачи́тели красото́ю лица̀ своегѡ̀ привле́кши, и҆ бога́тство мно́го собра́вши. Пото́мъ же прїйде ко хрⷭ҇тꙋ̀, ѿ нѣ́коегѡ ге́рмана мона́ха ѡ҆ бл҃гоче́стїи и҆ ѡ҆ покаѧ́нїи словеса̀ слы́шавши . И҆ крести́сѧ ѹ҆́бѡ ѳеодо́томъ є҆пі́скопомъ, бж҃е́ственнымъ ѿкрове́нїємъ повинꙋ́вшисѧ. И҆́бо во ѹ҆́жасѣ ви́дѣвши, а҆гг҃ломъ на нб҃о себѐ приведенꙋ̀, и҆ а҆́гг҃лы сра́дꙋющыѧсѧ ѡ҆ ѡ҆браще́нїи є҆́ѧ̀: и҆ нѣ́коего вельмѝ че́рна лице́мъ, рыда́юща и҆ пла́чꙋща ꙗ҆́кѡ ѡ҆би́дима. И҆ взе́мши своѐ бога́тство ни́щымъ разда́вши, и҆ ѿи́де въ монасты́рь, и҆ до́брѣ ше́ствїе по́стническое проходѧ́щи. И҆ нѣ́коего ѿ пе́рвыхъ и҆́менемъ фїлостра́та, прише́дша къ не́й на па́мѧть ѕлѣ́й по́хоти дїа́воли, претвори́вшасѧ въ черица̀, и҆ ѿ спаси́тельнагѡ пꙋтѝ ѿвестѝ ю҆̀: ѻ҆на́ же си́лою всѣ́хъ бг҃а дꙋнове́нїемъ свои́мъ ме́ртва показа̀. И҆ па́ки въ видѣ́нїи глаго́лавша гдⷭ҇а про́мысломъ, моли́твꙋ сотво́рши возста́ви є҆го̀, и҆ поꙋчѝ. И҆ приведена̀ бы́вши ко а҆ѵрилїа́нꙋ царю̀, ѡ҆клевета́на бы́вши свои́ми рачи́тельми. Чꙋдодѣ́йствовавши же, ꙗ҆́кѡ и҆ царе́ва ѻ҆́трочища ѹ҆ме́рша воздви́гши, и҆ ко хрⷭ҇то́вѣ, вѣ́рѣ царѧ̀ привлечѐ . Пото́мъ же мꙋ́чена бы́вши дїоге́номъ и҆ге́мѡномъ, и҆ та́мѡ чꙋдодѣ́йствоваюши пꙋщена̀ бы́сть. И҆ па́ки по си́хъ и҆ны́мъ воево́дою, вїке́нтїй и҆́менемъ, посѣ́чена бы́сть. Въ то́йже де́нь стра́сть ст҃ы́хъ мꙋ́чєникъ, не́стѡра и҆ трїві́мїа. Въ ца́рство нечести́вагѡ декі́а бѣ́ста ст҃і́и не́стѡръ и҆ трїві́мїй, ѿ гра́да пергі́а, ѿ страны̀ кѷпрїо́тски. И҆ поне́же хрїстїа́ны сꙋ́ще, и҆ хрⷭ҇та̀ проповѣ́даста не ѡ҆бинꙋ́ющесѧ, и҆ возвѣще́но бы́сть ѡ҆ ни́хъ ѿ і҆дѡлослꙋжи́тєль страны̀ тоѧ̀ кнѧ́зю. Ѻ҆́нъ же а҆́бїе посла̀ мно́жество вѡ́инъ, и҆ приведѐ ѧ҆̀ свѧ́заны: и҆ поста́ви ѧ҆̀ на сꙋди́щи и҆ предложѝ пред̾ ними всѧ̀ а҃ | [JPG] |