Kirchenslavica: [Kniga o věrě edinoj istinnoj pravoslavnoj] Kniga o věrě edinoj istinnoj pravoslavnoj i o svjatěj cerkvi vostočnoj

The database of Church Slavonic (old) prints of the SBB-PK offers an overview of the prints and the approximately 1000 pages obtained and proofread with Transkribus in "Ground Truth" quality. The full text search in the text corpus of the GT data can be carried out via this widget.

Page-Nr	Page-Content [31]
7	КНИ́ГА О ВѢ́РѢ Е҆ДИНОЙ ИСТИНОЙ ПРАВОСЛА́ВНОЙ и ѡ ст҃ѣй цр҃кви восто́чной. и ѡ҆ и҆зрѧ́днѣйшихъ правовѣ́рныхъ сложе́нїѧхъ, ѿ бж҃е́ственагѡ, писа́нїѧ въ кра́тцѣ и҆збрана̀. Гдⷭ҇и ѹ҆твердѝ на́съ вост҃ы́хъ за́повѣдехъ твои́хъ стоѧ́ти. И҆ ѿ восто́ка тебє̀ хрⷭ҇тѐ, къ за́падꙋ не ѿстꙋпа́ти. моли́тва. Вседержи́телю всѣ́хъ цр҃ю вѣкѡ́мъ без̾сме́ртне не пости́жиме без̾нача́лне всеси́лне непристѹ́пне нб҃сѝ и҆ землѝ. ви́димымъ же всѣ́мъ и҆ неви́димым тво́рче и҆ содѣ́телю, прⷭ҇носꙋ́щне прест҃ы́и сло́ве, пре́жде вѣ́къ рожде́нный іс҃е хрⷭ҇тѐ сн҃е бж҃їи : соу́щїи со ѻ҆ц҃е́мъ без̾нача́льнымъ, и҆ бжⷭ҇твеннымъ дх҃омъ, въ трⷪ҇цѣ сла́вимыи. и҆́же въ послѣ́днѧа лѣ́та за млⷭ҇рдїе не и҆зрече́нное смотре́нїѧ ра́ди, на землѝ во́ плоти ꙗ҆вле́исѧ, и҆ спасы́и ѿ тлѝ сме́ртныѧ ро́дъ чл҃ческїи . молю́сѧ многогрѣ́шныи, и҆ припа́даю твое́й бл҃гости, а а҃ \| [JPG]
8	помозѝ и҆ блгⷭ҇вѝ, не и҆з̾слѣ́дованнымъ млⷭ҇рдїемъ твои́мъ, ꙗ҆́же нѹ́жнаѧ и҆ поле́знаѧ ко сп҃се́нїю и҆ коꙋтверже́нїю правовѣ́рїѧ здѣ̀ собра́ти, и҆ не оу҆дали́тисѧ нижѐ по грѣши́ти в̾ за́повѣдехъ твои́хъ, да тобо́ю ѹ҆крѣпле́нъ ѡсе́мъ, сла́вꙋ, че́сть, бл҃агодаре́нїе, и҆ поклоне́нїе в̾ безконе́чныѧ вѣ́ки сподо́блюсѧ воз̾сыла́ти . аминь. Гдⷭ҇ь на́шъ і҆с҃ъ хрⷭ҇то́съ сп҃съ и҆ бг҃ъ во ст҃о́мъ є҆ѵⷢ҇а́лїи ре́клъ, а҆́зъ є҆́смь свѣ́тъ ми́рꙋ . ходѧ́и помнѣ̀ не и҆́мать ходи́ти вотмѣ̀, но и҆мѣ́ти и҆́мать свѣ́тъ живо́тныи. Гл҃ы, ꙗ҆́же а҆́зъ гл҃ю, дх҃ъ соу҄ть, и҆ живо́тъ, сѹ҄ть. Сло́во, є҆́же гл҃ахъ, то̀ соу́дитъ є҆моу̀ в̾ послѣ́днїи днь . Ст҃ы́и а҆пⷭ҇лъ пе́тръ, Гото́ви бѹ́дите прⷭ҇нѡ ко ѿвѣ́тꙋ всѧ́комꙋ во проша́ющемꙋ вы̀ сло́во, ѡ҆ва́шемъ ѹ҆пова́нїи, съ кро́тостїю и҆ стра́хомъ, со́вѣсть и҆ мѹ́ще бл҃гꙋ . Ст҃ы́и а҆пⷭ҇лъ па́велъ, Е҆́ди́нъ гдⷭ҇ь, є҆ди́на вѣ́ра, є҆ди́но кр҃ще́нїе, є҆ди́нъ бг҃ъ и҆ ѻ҆ц҃ъ всѣ́хъ .# а҆́ще по а҆пⷭ҇лꙋ є҆ди́нъ гдⷭ҇ь, є҆ди́на вѣ́ра . то̀ и҆ны́ѧ всѣ̀ не вѣ́ры, но є҆́реси и҆ раздо́ры . дх҃ъ ꙗ҆́в̾стиеннѣ гл҃етъ, ꙗ҆́кѡ в̾ послѣ́днѧа времена̀ ѿ стꙋ́пѧтъ нѣ́цїи ѿ вѣ́ры, в̾ не́млюще дꙋхово́мъ ле́стьчемъ и҆ ѹ҆че́нїемъ. Mолю̀ подвиза́тисѧ ѡ҆преда́ннѣй вѣ́рѣ ст҃ы́мъ є҆ди́ною. і҆ѡаⷩ҇ глⷡ҇а и҃ заⷱ҇ к҃ѳ глаⷡ҇ ѕ҃ глаⷡ҇ в҃і а҃ послаⷩ҇ глаⷡ҇ г҃ заⷱ҇ ѯ҃ е҆феⷭ҇ глаⷡ҇ д҃ заⷱ҇ ск҃д # а҃ тимоⷴ глаⷡ҇ д҃ заⷱ҇ сп҃д і҆ю́да глаⷡ҇ а҃ заⷱ҇ о҃з \| [JPG]
9	Предисло́вїе чита́телю. Бл҃гочести́вомꙋ и҆ в̾ писа́нїихъ люботща́тельномꙋ, ѡ҆́гдⷭ҇ѣ ра́довлтисѧ, з̾ дра́в̾ствовати, и҆ оу҆мꙋдрѧ́тисѧ. Бы́сть гла́дъ крѣ́покъ на странѣ̀ то́й. съ бжⷭ҇твенымъ же прⷪ҇ркомъ і҆єремі́емъ къ пла́чꙋ приклони́всѧ, сїѧ̀ словеса̀ привожю̀ . Кто̀ да́стъ главѣ̀ мо́ей во́дꙋ, и҆ ѻ҆чи́ма мои́ма и҆сто́чникъ слє́зъ, да пла́чю де́нь и҆ но́щь побї́еныхъ дще́рїй люде́й бж҃їихъ, Си́рѣчь дш҃ъ кр҃ще́ныхъ, и҆ храмо́въ хрⷭ҇тоно́сныхъ низ̾ложе́нїе, и҆ погꙋбле́нїе, ꙗ҆́же в̾ здѣ́шней странѣ̀ [по́ гл҃сꙋ гдⷭ҇ню] всѧ́кїи мо́жетъ оу҆ви́дѣти. По́сланъ гла́дъ на́ землю, не гла́дъ хлѣ́ба, ни жа́жда воды̀, но гла́дъ не слы́шанїѧ сло́ва бж҃їѧ, ю҆́же далеча́йше тѧжча́йшїи па́че тѣле́снагѡ, и҆́мже ѿ и҆́стиннагѡ позна́нїѧ оу҆далѧ́емсѧ. ѡ҆не́мже хрⷭ҇то́съ гдⷭ҇ь речѐ, Вни́дꙋтъ во́лци тѧ́жци в̾ ва́съ, нещадѧ́ще ста́да. и҆ сконча́сѧ є҆ди́нъ, воста̀ дрꙋгі́и, набѣ̀дны́хъ и҆́ноковъ виноу̀ полага́ѧ, ꙗ҆́кѡ раз̾враща́ютъ . ре́вностїю бл҃гоче́стїѧ, подви́гсѧ, раз̾смотрѣ́въ ꙗ҆́кѡ ѿ́ гдⷭ҇а преста́ршихъ здѣ̀ по́слани є҆смы̀ на дѣ́ло спа́сеное па́че си́лы моеѧ̀ дер̾зноу́хъ, воспомѧноу́въ пи́санное, вре́мѧ всѧ́кой ве́щи, вре́мѧ терпѣ́нїѧ, вре́мѧ ѿ вѣ́та. И҆ ст҃а́гѡ і҆ꙍа́нна златоꙋ́стагѡ гл҃юща, Про́повѣди ра́ди а в҃ лꙋⷦ҇ глⷡ҇ е҃і заⷱ҇ о҃ѳ глⷡ҇а ѳ҃ а҆моⷭ҇ глⷡ҇а и҃ дѣѧ҇ⷩ глⷡ҇а к҃ заⷱ҇ м҃д колаⷭ҇ бесѣⷣ а҃ в҃ \| [JPG]
10	благоче́стїѧ то́чїю да боу́детъ ти бра́нь. и҆ па́ки всѧ̀ творѝ, кромѣ̀ є҆́же повреди́тисѧ благоче́стїю. въ се́мъ хотѧ̀ подви́гнꙋтисѧ с̾ болѣ́зновахъ, ꙗ҆́кѡ ве́щи вели́цѣй оу҆ма̀ нището́ю ѡ҆держимь каса́юсѧ. нижѐ ритори́ки навы́къ, ни фїлосо́фїи оу҆чивсѧ когда̀, но на є҆ди́наго всемогꙋ́щаго бг҃а наде́ждꙋ возложи́въ, могꙋ́щаго и҆ немоудрыѧ оу҆мꙋдри́ти помина́ѧ ре́кшаго, ꙗ҆́кѡ благоволѝ бг҃ъ боуйством проповѣ́данїѧ спастѝ вѣ́рꙋющыѧ. и҆ боу́еє бж҃їе премоу́дрѣе человѣ́къ є҆́сть. и҆ боу́ѧа ми́ра и҆збра̀ бг҃ъ. ѿ си́хъ причи́нъ благоволи́хъ, малѣ́йшꙋю ча́сть ѡ҆ бл҃гочⷭ҇тїи и҆ правовѣ́рїи книжицꙋ сїю̀ написа́ти: прегрѣше́нїй бо ра́ди мои́хъ, и҆́же въ школа́хъ лати́н̾скихъ ѿ є҆зꙋи́товъ в҆ ма́лѣ непрелще́нъ быхъ: ꙗ҆́кѡ да сїѐ ма́лымъ си́мъ трꙋдо́мъ и҆спра́влю, є҆ще́ же и҆ бра́тїи ра́ди сомно́ю пребыва́ющихъ. воспомѧноу́въ ст҃а́гѡ іѡа́нна списа́телѧ лѣ́ствицы, в̾ сло́вѣ к̾ па́стырю, Вѣ́ры без̾стра́стныѧ, и҆ велѣ́нїи благочести́выхъ, пре́жде всѣ́хъ наслѣ́дїе сновѡ́мъ ѡ҆ста́влѧй, ꙗ҆́кѡ да пꙋте́мъ правoсла́вїѧ приведе́ши и҆́хъ гдⷭ҇ви. но не диви́сѧ возлю́ бленне дер̾зноу́тїю, и҆ незави́ди молю̀ писано бо є҆́сть, ꙗ҆́кѡ за́висть не вѣ́сть пред̾почита́ти поле́знаѧ. во и҆з̾гна́нїи всѧ́кїи попече́нїе и҆́мать, въ поко́иже не тре́ба. а҃ коⷬ҇ заⷱ҇ рк҃е оу҆чи́лищахъ среⷣ вели \| [JPG]
11	приносѧ́ше бѣ́съ тщесла́вїе: но а҆́зъ на свою̀ хва́лоу̀ и҆ горды́ню а҆наѳе́мꙋ полага́ю . ˟ и҆звѣ́стнѡ вѣ́даѧ ꙗ҆́кѡ вре́мѧ послѣ́днеє, а҆нти́христово ца́рство распространѧ́етсѧ, и҆ са́мъ ско́рѡ ꙗ҆ви́тсѧ . ☼ и҆ нн҃ѣ оу҆́же пост҃о́мꙋ а҆́пⷭ҇лꙋ і҆ѡа́ннꙋ, мно́зи а҆нти́христи соу҄ть. а҆ и҆́же по ст҃о́мꙋ вели́комꙋ васи́лїю, Всѧ́ческихъ оу҆́бѡ страстє́й ѕло́ба, ра́ди є҆́же ѡ҆бз҃ѣ невѣ́дѣнїѧ, не и҆скоу́сенъ ра́зꙋмъ влага́етъ. И҆ по златоꙋ́стꙋ, и҆ по свѧто́мꙋ ни́конꙋ, ѿ є҆́же не вѣ́дѣти на́мъ бжⷭ҇твенаѧ писа́нїѧ, в̾па́даемъ в̾ сѣ́ти дїа́воли, и҆ поги́бели предани быва́ємъ; но не є҆́же оу҆вѣ́дѣти то́кмѡ подобле́тъ, но и҆ соблюстѝ и҆ сотвори́ти слы́шанное. ѿ пра́з̾днагѡ бо слышанїѧ ника́ѧже по́лза. и҆ є҆ре¬ тици́ бо и҆ бѣ́си слы́шатъ, но раз̾враще́ннѡ. мно́зи же и҆ ѿ на́шихъ го́рдостїю превозне́с̾шесѧ ꙗ҆зы́комъ слове́нскимъ гнꙋша́ютсѧ, вне́мъ же крⷭ҇ти́шасѧ, и҆ сподо́бишасѧ бл҃агода́ти бж҃їѧ, и҆́же широ́къ є҆́сть и҆ великосла́венъ, совокꙋпи́теленъ и҆ оу҆миле́нъ и҆ соверше́нъ, па́че проста́гѡ и҆ лѧ́тскагѡ ѡ҆брѣта́етсѧ. и҆ и҆мѣ́етъ в̾ себѣ̀ ве́лїю̀ похвалоу̀, не то́кмѡ ѿ писа́нїй бг҃осло́вскихъ, и҆ пѣ́сней цр҃ко́вныхъ з̾ гре́ческагѡ и҆́мъ переведе́ныхъ, но и҆ ѿ бжⷭ҇твеныѧ литꙋргі́и, и҆ и҆́ныхъ та́инъ, и҆́же бг҃оꙋго́днымъ тѣ́мъ зри˟ іѡаⷩ҇ ☼ ҂ах҃ѯѕ . годе. заⷱ҇ о҃а въ а҃ м̾ сло́вѣ г҃ \| [JPG]
12	ꙗ҆зы́комъ в̾ вели́кой и҆ ма́лой рꙋсі́и, в̾ се́рбѣхъ и҆ бо́лгарѣхъ и҆ по и҆ны́мъ с̾трана́мъ дѣ́йствꙋютсѧ . ˟ и҆ мно́зи нн҃ѣ сво́й хлѣ́бъ и҆ сокро́вища дх҃овнаѧ во чте́нїи и҆ прꙋче́нїи и҆зъ ѡби́льныхъ кни̑гъ слове́н̾скихъ ѡ҆ста́вивше,˟за чюжі́и и҆́же смертоно́снымъ ꙗ҆́домъ оу҆стро́еныи хлѣ́бъ хапа́ютсѧ, а҆ запреще́нїѧ седма́гѡ собо́ра непомина́ютъ, си́це запреща́ющагѡ . А҆́ще є҆пⷭ҇кпъ, и҆лѝ презви́те́ръ и҆лѝ дїа́конъ, и҆ всѧ́къ ѿ цр҃ко́внагѡ чи́на, ѡ҆брѧ́щетсѧ чты́и є҆рети́чєскїѧ кни́ги, и҆́же съ противлѧ́ютсѧ и҆́стинѣ, сщ҃е́нници да и҆зве́ргꙋтсѧ, мир̾сті́и же да ѿлꙋча́тсѧ. Та́коже и҆ ѿ патерика̀, и҆лѝ ѿ про́лога, всѧ́къ позна́ти мо́жетъ, и҆́же двои́хъ ра́ди сло́въ є҆рети́ческиⷯ, пречⷭ҇таѧ бцⷣа не вни҄де в̾ хра́минꙋ кирї́ака презви́тера. и҆́же пото́мъ речѐ, не и҆мѣ́хъ бо по́лзы никоеѧ̀ ѿ ни́хъ, то́кмѡ поги́бель приѡбрѣто́хъ. Тѣ́мже а҆́ще бы правосла́внїи сїѐ воспомина́ли, нетре́бова́ли бы є҆рети́ческихъ кни҄гъ. лакомѧтъбосѧ наоу҆пестре́нꙋю пре́лесть, чесогѡ̀ дѣ́лѧ мно́зи и҆ погибо́ша . и҆ молю̀ да неоу҄кори́ши засїє̀ ; мꙋдрова́нїе бо плотско́є [по а҆пⷭ҇лꙋ] вражда̀ на́ бг҃а. И҆ ст҃ы́и ни́лъ гл҃етъ, Нѣ́сть оу҆̀бѡ добро̀ є҆́же всѣ́мъ человѣ́кѡмъ хотѣ́ти оу҆го́днꙋ бы́ти . Пи́сано бо є҆́сть, го́ре, є҆гда̀ до́брѣ рекоу́тъ ва́мъ всѝ человѣ́ци. зри ˟ ноеⷨбрїа ві҃ лꙋка̀ к҃е \| [JPG]
13	Прⷪ҇рци бо ѡ҆ и҆́стинѣ ѹ҆мираа́хꙋ, а҆ло́жнїи проро́ци, ꙗ҆́же насла́бость глаго́лахꙋ чл҃кѡмъ, лювими бѧ́хꙋ; є҆́же хо́щеши оу҆́бѡ и҆зберѝ; и҆лѝ ѡ҆ и҆́стиннѣ пещи́сѧ, и҆ ѹ҆мрети є҆ѧ̀ ра́ди, да жи́въ боꙋ́деши во́вѣки; и҆лѝ ꙗ҆̀же соу҄ть на оу҆гожде́нїе чл҃кѡмъ твори́ти, и҆ люби́мꙋ бы́ти и҆́ми, бг҃ꙋ же не нави́димь бы́ти. Ксе́моꙋ́же в̾ кра́тцѣ ѡ҆по́льзѣ писа́нїѧ сегѡ̀ воспюмѧноу̀. ˟ Всѧ́комꙋ достои́тъ вѣ́дати, коли́кѡ ѡ҆се́мъ тща́нїе пока́звати подоба́етъ, є҆́же позна́ти и҆́стиннꙋю правсла́внꙋю вѣ́рꙋ, ꙗ҆́же є҆́сть позлатоꙋ́стꙋ всѣ́хъ бл҃ги́хъ мт҃и, и҆ всѣ́хъ дободѣ́телей красота̀. ˟ вѣ́рою пра́вою кто̀ сїѧ́етъ; вои́стиннꙋ се́й сла́венъ є҆́сть. и҆ что̀ кое́ждо кто̀ на ѡ҆снова́нїи вѣ́ры созида́етъ, вѣ́чнѡ ѿ трꙋдѡ́въ свои́хъ ѹ҆тѣша́тисѧ боꙋ́детъ. зна́ти бг҃а, є҆́сть вѣ́ровати в̾ бг҃а, а҆ ѿвѣ́ры сн҃омь бж҃їимь бы́въ, на слѣ́дникомъ црⷭ҇тва небе́снагѡ бы́ти: нѣ́сть бо мо́щнѡ кромѣ̀ пра́выѧ вѣ́ры сплсти́сѧ .] По а҆́ще вѣ́ра сїѧ̀ живо̀ю є҆́сть, а҆ не ме́ртвою, ѿ дѣ́лъ и҆ плодѡ́въ познава́етсѧ. ка́ѧ по́лза є҆́сть сло́вомъ в̾ бг҃а вѣ̀ровати, дѣ́лы же ѿ мета́тисѧ є҆гѡ̀, и҆ бг҃ꙋ и҆ ми́рꙋ хотѣ́ти оу҆годи́ти. и҆ послѣ́дꙋетъ семꙋ̀ оу҆̀бѡ стра́шныи ѻ҆́ныи ѿвѣ́тъ бж҃їи. г҃ црⷭ҇твъ глⷡ҇а г҃ зри ˟ ри́млѧⷩ҇ нраꙋ҇ⷱ в҃ зл꙯а ри́млѧⷩ҇ коне бесѣ́да и҃ д҃ \| [JPG]
14	Ни те́плъ ни стꙋде́нъ є҆сѝ, и҆зблева́ти тѧ̀ и҆́мамъ ѿ оу́стъ мои́хъ. не привлачи́мъ оу҆́бѡ насебѐ такова́гѡ ѿ вѣ́та, оу҆бѣжи́мъ же є҆гѡ̀ па́че, всѧ́ко тща́нїе съ прилѣ́жными мл҃твами и҆ оу҆се́рдїемъ пока́зовати потщи́мсѧ. Но да не оу҆мно́¬ жю в̾ малоꙋ́мїи мо́емъ словє́съ, поне́же предисло́вное сказа́нїе не ѻ҆бы́че до́лгихъ и҆звожде́нїй в̾ мѣща́ти, сегѡ̀ ра́ди в̾ кра́тцѣ съ жа́лостїю предложи́сѧ, ꙗ҆́кѡ в̾ настоѧ́щаѧ сїѧ времена̀ послѣ́днѧа, погрѣхо́мъ не радѣ́нїѧ на́шегѡ, вели́къ пла́мень ѕлохи́треныхъ, и҆ многогла́вныхъ є҆ресе́й разгорѣ́сѧ. Ѿ сего́же мно́зи ѿ правовѣ́рїѧ въ ѕловѣ́рїе оу҆клонѧ́ютсѧ, ви́дѧще толи́кꙋю боу́рю ѡ҆блежа́щꙋю на на́съ, рꙋга́телей разли́чныхъ, многохꙋ́лныхъ сꙋпоста́товъ. и҆ сїѐ и҆́мъ дерзнове́нїе ѿ не и҆скоу́с̾ства на́шегѡ и҆ не оу҆тверже́нїѧ, ꙗ҆́кѡ негото́въ и҆́мамы ме́чь дх҃овныи [по а҆пⷭ҇тлꙋ] є҆́же є҆́сть гл҃ъ бж҃їи. и҆ не поꙋча́емсѧ ни тщи́мсѧ по верхо́вномꙋ гото́вы бы́ти приснѡ къ ѿвѣ́тꙋ вопраша́ющемꙋ на́съ. и҆ не то́кмѡ ко ѿвѣ́тꙋ, но и҆ нѣ́цїи не свѣ́дѧтъ в̾ че́мъ правосла́внїи ѿ ѿ па́дшихъ ра́зньствꙋемъ. Си́хъ ра́ди ви҄нъ а҆́зъ мні́и, ꙗ҆́же воз̾мнѣ́хъ нꙋжнѣйшаѧ ѡ҆вѣ́рѣ правосла́вной, ѡ҆ цр҃кви восто́чной, и҆ ѡ҆ и҆зрѧ́днѣйшихъ веще́хъ правовѣ́рїѧ на́шегѡ, е҆феⷭ҇ сл҃г а҃ пеⷮ ѯ҃ а҃ \| [JPG]
15	къ си́мже и҆ ѿ ѿстꙋпле́нїи проти́вныхъ въ три́десѧти глави́знахъ въ кра́тцѣ и҆зъ ѡбрази́ти, не ѿ своегѡ̀ ꙋ҆мышленїѧ, но ѿ бжⷭ҇твеныхъ писа́нїи. воспомѧноу́въ ст҃а́го петра̀ дамаскина̀ гл҃ющаго, Ꙗ҆́кѡ ве́лїе безоу́мїе є҆́сть ѡ҆ста́вити глаго́лы гото́вы, и҆ гл҃ати моѧ̀. ☼про́чеє и҆ ѿ бл҃же́нныѧ па́мѧти заха́рїи кописте́нскогѡ, а҆рхи́мандрита кїевопече́рскагѡ : ревни́телѧ и҆ побо́рника по бл҃агоче́стїи, глави́знъ с̾ де́сѧть с̾ писа́хъ : и҆́х̾же сꙋди́хъ поле́знѣйшихъ къ наказа́нїю ꙗ҆́же въ пра́вдꙋ. и҆ въ нѣ́коихъ мѣ́стѣхъ ꙗ҆́кѡ въ нача́тцѣхъ ма́лѡ ѡ҆блегчи́хъ, да не ковраждѣ̀ нижѐ къ сва́ромъ с̾ кланѧ́емсѧ, но ко и҆справле́нїю. а҆́пⷭ҇лꙋ наказоу́ющꙋ. Ꙗ҆́кѡ рабоу̀ гдⷭ҇ню не подоба́етъ свари́тисѧ, но ти́хꙋ и҆ не ѕло́бивꙋ бы́ти, съ кро́тостїю наказоу́ющꙋ проти́вныѧ . блюсти́жесѧ досто́итъ ѿтворѧ́щихъ распрѝ и҆ раздо́ры, и҆ бесѣ́дъ ѕлы́хъ во все́мъ храни́тисѧ досто́итъ, поне́же тлѧ́тъ ѻ҆бы́чаи бл҃аги . боѧ́щесѧ пи́саннагѡ, проклѧти оу҆клонѧ́ющїисѧ ѿ заповѣдє́й гдⷭ҇нихъ. про́чеє возлю́бленнїи, Е҆ли́ка по а҆́пⷭ҇лꙋ соу҄ть и҆́стинна и҆ че́стна и҆ пра́ведна, сїѧ̀ помышлѧ́йте и҆́мже наꙋчи́стесѧ, и҆ прїѧ́сте и҆ слы́шасте, и҆ ви́дѣсте во мнѣ̀, сїѧ̀ твори́те и҆ бг҃ъ ми́ра да боу́детъ свами, а҆ми́нь; зри☼ в҃ тиⷨ сч҃д риⷨ рк҃а ѱлориі филиⷫ см҃з б є \| [JPG]
16	Ѡ҆проще́нїи въ погрѣше́нїихъ приконцѣ̀ кни́ги сеѧ̀ и҆́мамъ моли́ти гдⷭ҇нихъ и҆́стинныхъ рабо́въ, не досто́йнагѡ не́бꙋ и҆ землѝ и҆́мѧ не поле́знѡ писа́ти, то́чїю многогрѣ́шныи ѡ҆каѧ́нныи и҆ страстны́и \| [JPG]

ID	862980976
Title	[Kniga o věrě edinoj istinnoj pravoslavnoj] Kniga o věrě edinoj istinnoj pravoslavnoj i o svjatěj cerkvi vostočnoj
Jahr	Grodno - E.K.V. Grodenskaja - 1785 - 289 Bl. 2°
Note	Russischer Frühdruck über Orthodoxie; +/- Neudruck der Ausgabe Moskva, 1648 Autopsie nach Exemplar der SBB Vorlage des Erscheinungsvermerks: Izdana v tipografii E.K.V. Grodenskoj ... Voznesenskij, Kirilličeskie izdanija staroobrjadčeskich tipografij XVII - XIX veka, Nr. 241 In kyrill. Schr., kirchenslaw.
Subjects	Kniga o věrě
Cat-URL	https://stabikat.de/DB=1/XMLPRS=N/PPN?PPN=862980976
URL	http://resolver.staatsbibliothek-berlin.de/SBB0001D8A000000000
PURL	Citation link

Page-Nr	Page-Content [31]
7	КНИ́ГА О ВѢ́РѢ Е҆ДИНОЙ ИСТИНОЙ ПРАВОСЛА́ВНОЙ и ѡ ст҃ѣй цр҃кви восто́чной. и ѡ҆ и҆зрѧ́днѣйшихъ правовѣ́рныхъ сложе́нїѧхъ, ѿ бж҃е́ственагѡ, писа́нїѧ въ кра́тцѣ и҆збрана̀. Гдⷭ҇и ѹ҆твердѝ на́съ вост҃ы́хъ за́повѣдехъ твои́хъ стоѧ́ти. И҆ ѿ восто́ка тебє̀ хрⷭ҇тѐ, къ за́падꙋ не ѿстꙋпа́ти. моли́тва. Вседержи́телю всѣ́хъ цр҃ю вѣкѡ́мъ без̾сме́ртне не пости́жиме без̾нача́лне всеси́лне непристѹ́пне нб҃сѝ и҆ землѝ. ви́димымъ же всѣ́мъ и҆ неви́димым тво́рче и҆ содѣ́телю, прⷭ҇носꙋ́щне прест҃ы́и сло́ве, пре́жде вѣ́къ рожде́нный іс҃е хрⷭ҇тѐ сн҃е бж҃їи : соу́щїи со ѻ҆ц҃е́мъ без̾нача́льнымъ, и҆ бжⷭ҇твеннымъ дх҃омъ, въ трⷪ҇цѣ сла́вимыи. и҆́же въ послѣ́днѧа лѣ́та за млⷭ҇рдїе не и҆зрече́нное смотре́нїѧ ра́ди, на землѝ во́ плоти ꙗ҆вле́исѧ, и҆ спасы́и ѿ тлѝ сме́ртныѧ ро́дъ чл҃ческїи . молю́сѧ многогрѣ́шныи, и҆ припа́даю твое́й бл҃гости, а а҃ \| [JPG]
8	помозѝ и҆ блгⷭ҇вѝ, не и҆з̾слѣ́дованнымъ млⷭ҇рдїемъ твои́мъ, ꙗ҆́же нѹ́жнаѧ и҆ поле́знаѧ ко сп҃се́нїю и҆ коꙋтверже́нїю правовѣ́рїѧ здѣ̀ собра́ти, и҆ не оу҆дали́тисѧ нижѐ по грѣши́ти в̾ за́повѣдехъ твои́хъ, да тобо́ю ѹ҆крѣпле́нъ ѡсе́мъ, сла́вꙋ, че́сть, бл҃агодаре́нїе, и҆ поклоне́нїе в̾ безконе́чныѧ вѣ́ки сподо́блюсѧ воз̾сыла́ти . аминь. Гдⷭ҇ь на́шъ і҆с҃ъ хрⷭ҇то́съ сп҃съ и҆ бг҃ъ во ст҃о́мъ є҆ѵⷢ҇а́лїи ре́клъ, а҆́зъ є҆́смь свѣ́тъ ми́рꙋ . ходѧ́и помнѣ̀ не и҆́мать ходи́ти вотмѣ̀, но и҆мѣ́ти и҆́мать свѣ́тъ живо́тныи. Гл҃ы, ꙗ҆́же а҆́зъ гл҃ю, дх҃ъ соу҄ть, и҆ живо́тъ, сѹ҄ть. Сло́во, є҆́же гл҃ахъ, то̀ соу́дитъ є҆моу̀ в̾ послѣ́днїи днь . Ст҃ы́и а҆пⷭ҇лъ пе́тръ, Гото́ви бѹ́дите прⷭ҇нѡ ко ѿвѣ́тꙋ всѧ́комꙋ во проша́ющемꙋ вы̀ сло́во, ѡ҆ва́шемъ ѹ҆пова́нїи, съ кро́тостїю и҆ стра́хомъ, со́вѣсть и҆ мѹ́ще бл҃гꙋ . Ст҃ы́и а҆пⷭ҇лъ па́велъ, Е҆́ди́нъ гдⷭ҇ь, є҆ди́на вѣ́ра, є҆ди́но кр҃ще́нїе, є҆ди́нъ бг҃ъ и҆ ѻ҆ц҃ъ всѣ́хъ .# а҆́ще по а҆пⷭ҇лꙋ є҆ди́нъ гдⷭ҇ь, є҆ди́на вѣ́ра . то̀ и҆ны́ѧ всѣ̀ не вѣ́ры, но є҆́реси и҆ раздо́ры . дх҃ъ ꙗ҆́в̾стиеннѣ гл҃етъ, ꙗ҆́кѡ в̾ послѣ́днѧа времена̀ ѿ стꙋ́пѧтъ нѣ́цїи ѿ вѣ́ры, в̾ не́млюще дꙋхово́мъ ле́стьчемъ и҆ ѹ҆че́нїемъ. Mолю̀ подвиза́тисѧ ѡ҆преда́ннѣй вѣ́рѣ ст҃ы́мъ є҆ди́ною. і҆ѡаⷩ҇ глⷡ҇а и҃ заⷱ҇ к҃ѳ глаⷡ҇ ѕ҃ глаⷡ҇ в҃і а҃ послаⷩ҇ глаⷡ҇ г҃ заⷱ҇ ѯ҃ е҆феⷭ҇ глаⷡ҇ д҃ заⷱ҇ ск҃д # а҃ тимоⷴ глаⷡ҇ д҃ заⷱ҇ сп҃д і҆ю́да глаⷡ҇ а҃ заⷱ҇ о҃з \| [JPG]
9	Предисло́вїе чита́телю. Бл҃гочести́вомꙋ и҆ в̾ писа́нїихъ люботща́тельномꙋ, ѡ҆́гдⷭ҇ѣ ра́довлтисѧ, з̾ дра́в̾ствовати, и҆ оу҆мꙋдрѧ́тисѧ. Бы́сть гла́дъ крѣ́покъ на странѣ̀ то́й. съ бжⷭ҇твенымъ же прⷪ҇ркомъ і҆єремі́емъ къ пла́чꙋ приклони́всѧ, сїѧ̀ словеса̀ привожю̀ . Кто̀ да́стъ главѣ̀ мо́ей во́дꙋ, и҆ ѻ҆чи́ма мои́ма и҆сто́чникъ слє́зъ, да пла́чю де́нь и҆ но́щь побї́еныхъ дще́рїй люде́й бж҃їихъ, Си́рѣчь дш҃ъ кр҃ще́ныхъ, и҆ храмо́въ хрⷭ҇тоно́сныхъ низ̾ложе́нїе, и҆ погꙋбле́нїе, ꙗ҆́же в̾ здѣ́шней странѣ̀ [по́ гл҃сꙋ гдⷭ҇ню] всѧ́кїи мо́жетъ оу҆ви́дѣти. По́сланъ гла́дъ на́ землю, не гла́дъ хлѣ́ба, ни жа́жда воды̀, но гла́дъ не слы́шанїѧ сло́ва бж҃їѧ, ю҆́же далеча́йше тѧжча́йшїи па́че тѣле́снагѡ, и҆́мже ѿ и҆́стиннагѡ позна́нїѧ оу҆далѧ́емсѧ. ѡ҆не́мже хрⷭ҇то́съ гдⷭ҇ь речѐ, Вни́дꙋтъ во́лци тѧ́жци в̾ ва́съ, нещадѧ́ще ста́да. и҆ сконча́сѧ є҆ди́нъ, воста̀ дрꙋгі́и, набѣ̀дны́хъ и҆́ноковъ виноу̀ полага́ѧ, ꙗ҆́кѡ раз̾враща́ютъ . ре́вностїю бл҃гоче́стїѧ, подви́гсѧ, раз̾смотрѣ́въ ꙗ҆́кѡ ѿ́ гдⷭ҇а преста́ршихъ здѣ̀ по́слани є҆смы̀ на дѣ́ло спа́сеное па́че си́лы моеѧ̀ дер̾зноу́хъ, воспомѧноу́въ пи́санное, вре́мѧ всѧ́кой ве́щи, вре́мѧ терпѣ́нїѧ, вре́мѧ ѿ вѣ́та. И҆ ст҃а́гѡ і҆ꙍа́нна златоꙋ́стагѡ гл҃юща, Про́повѣди ра́ди а в҃ лꙋⷦ҇ глⷡ҇ е҃і заⷱ҇ о҃ѳ глⷡ҇а ѳ҃ а҆моⷭ҇ глⷡ҇а и҃ дѣѧ҇ⷩ глⷡ҇а к҃ заⷱ҇ м҃д колаⷭ҇ бесѣⷣ а҃ в҃ \| [JPG]
10	благоче́стїѧ то́чїю да боу́детъ ти бра́нь. и҆ па́ки всѧ̀ творѝ, кромѣ̀ є҆́же повреди́тисѧ благоче́стїю. въ се́мъ хотѧ̀ подви́гнꙋтисѧ с̾ болѣ́зновахъ, ꙗ҆́кѡ ве́щи вели́цѣй оу҆ма̀ нището́ю ѡ҆держимь каса́юсѧ. нижѐ ритори́ки навы́къ, ни фїлосо́фїи оу҆чивсѧ когда̀, но на є҆ди́наго всемогꙋ́щаго бг҃а наде́ждꙋ возложи́въ, могꙋ́щаго и҆ немоудрыѧ оу҆мꙋдри́ти помина́ѧ ре́кшаго, ꙗ҆́кѡ благоволѝ бг҃ъ боуйством проповѣ́данїѧ спастѝ вѣ́рꙋющыѧ. и҆ боу́еє бж҃їе премоу́дрѣе человѣ́къ є҆́сть. и҆ боу́ѧа ми́ра и҆збра̀ бг҃ъ. ѿ си́хъ причи́нъ благоволи́хъ, малѣ́йшꙋю ча́сть ѡ҆ бл҃гочⷭ҇тїи и҆ правовѣ́рїи книжицꙋ сїю̀ написа́ти: прегрѣше́нїй бо ра́ди мои́хъ, и҆́же въ школа́хъ лати́н̾скихъ ѿ є҆зꙋи́товъ в҆ ма́лѣ непрелще́нъ быхъ: ꙗ҆́кѡ да сїѐ ма́лымъ си́мъ трꙋдо́мъ и҆спра́влю, є҆ще́ же и҆ бра́тїи ра́ди сомно́ю пребыва́ющихъ. воспомѧноу́въ ст҃а́гѡ іѡа́нна списа́телѧ лѣ́ствицы, в̾ сло́вѣ к̾ па́стырю, Вѣ́ры без̾стра́стныѧ, и҆ велѣ́нїи благочести́выхъ, пре́жде всѣ́хъ наслѣ́дїе сновѡ́мъ ѡ҆ста́влѧй, ꙗ҆́кѡ да пꙋте́мъ правoсла́вїѧ приведе́ши и҆́хъ гдⷭ҇ви. но не диви́сѧ возлю́ бленне дер̾зноу́тїю, и҆ незави́ди молю̀ писано бо є҆́сть, ꙗ҆́кѡ за́висть не вѣ́сть пред̾почита́ти поле́знаѧ. во и҆з̾гна́нїи всѧ́кїи попече́нїе и҆́мать, въ поко́иже не тре́ба. а҃ коⷬ҇ заⷱ҇ рк҃е оу҆чи́лищахъ среⷣ вели \| [JPG]
11	приносѧ́ше бѣ́съ тщесла́вїе: но а҆́зъ на свою̀ хва́лоу̀ и҆ горды́ню а҆наѳе́мꙋ полага́ю . ˟ и҆звѣ́стнѡ вѣ́даѧ ꙗ҆́кѡ вре́мѧ послѣ́днеє, а҆нти́христово ца́рство распространѧ́етсѧ, и҆ са́мъ ско́рѡ ꙗ҆ви́тсѧ . ☼ и҆ нн҃ѣ оу҆́же пост҃о́мꙋ а҆́пⷭ҇лꙋ і҆ѡа́ннꙋ, мно́зи а҆нти́христи соу҄ть. а҆ и҆́же по ст҃о́мꙋ вели́комꙋ васи́лїю, Всѧ́ческихъ оу҆́бѡ страстє́й ѕло́ба, ра́ди є҆́же ѡ҆бз҃ѣ невѣ́дѣнїѧ, не и҆скоу́сенъ ра́зꙋмъ влага́етъ. И҆ по златоꙋ́стꙋ, и҆ по свѧто́мꙋ ни́конꙋ, ѿ є҆́же не вѣ́дѣти на́мъ бжⷭ҇твенаѧ писа́нїѧ, в̾па́даемъ в̾ сѣ́ти дїа́воли, и҆ поги́бели предани быва́ємъ; но не є҆́же оу҆вѣ́дѣти то́кмѡ подобле́тъ, но и҆ соблюстѝ и҆ сотвори́ти слы́шанное. ѿ пра́з̾днагѡ бо слышанїѧ ника́ѧже по́лза. и҆ є҆ре¬ тици́ бо и҆ бѣ́си слы́шатъ, но раз̾враще́ннѡ. мно́зи же и҆ ѿ на́шихъ го́рдостїю превозне́с̾шесѧ ꙗ҆зы́комъ слове́нскимъ гнꙋша́ютсѧ, вне́мъ же крⷭ҇ти́шасѧ, и҆ сподо́бишасѧ бл҃агода́ти бж҃їѧ, и҆́же широ́къ є҆́сть и҆ великосла́венъ, совокꙋпи́теленъ и҆ оу҆миле́нъ и҆ соверше́нъ, па́че проста́гѡ и҆ лѧ́тскагѡ ѡ҆брѣта́етсѧ. и҆ и҆мѣ́етъ в̾ себѣ̀ ве́лїю̀ похвалоу̀, не то́кмѡ ѿ писа́нїй бг҃осло́вскихъ, и҆ пѣ́сней цр҃ко́вныхъ з̾ гре́ческагѡ и҆́мъ переведе́ныхъ, но и҆ ѿ бжⷭ҇твеныѧ литꙋргі́и, и҆ и҆́ныхъ та́инъ, и҆́же бг҃оꙋго́днымъ тѣ́мъ зри˟ іѡаⷩ҇ ☼ ҂ах҃ѯѕ . годе. заⷱ҇ о҃а въ а҃ м̾ сло́вѣ г҃ \| [JPG]
12	ꙗ҆зы́комъ в̾ вели́кой и҆ ма́лой рꙋсі́и, в̾ се́рбѣхъ и҆ бо́лгарѣхъ и҆ по и҆ны́мъ с̾трана́мъ дѣ́йствꙋютсѧ . ˟ и҆ мно́зи нн҃ѣ сво́й хлѣ́бъ и҆ сокро́вища дх҃овнаѧ во чте́нїи и҆ прꙋче́нїи и҆зъ ѡби́льныхъ кни̑гъ слове́н̾скихъ ѡ҆ста́вивше,˟за чюжі́и и҆́же смертоно́снымъ ꙗ҆́домъ оу҆стро́еныи хлѣ́бъ хапа́ютсѧ, а҆ запреще́нїѧ седма́гѡ собо́ра непомина́ютъ, си́це запреща́ющагѡ . А҆́ще є҆пⷭ҇кпъ, и҆лѝ презви́те́ръ и҆лѝ дїа́конъ, и҆ всѧ́къ ѿ цр҃ко́внагѡ чи́на, ѡ҆брѧ́щетсѧ чты́и є҆рети́чєскїѧ кни́ги, и҆́же съ противлѧ́ютсѧ и҆́стинѣ, сщ҃е́нници да и҆зве́ргꙋтсѧ, мир̾сті́и же да ѿлꙋча́тсѧ. Та́коже и҆ ѿ патерика̀, и҆лѝ ѿ про́лога, всѧ́къ позна́ти мо́жетъ, и҆́же двои́хъ ра́ди сло́въ є҆рети́ческиⷯ, пречⷭ҇таѧ бцⷣа не вни҄де в̾ хра́минꙋ кирї́ака презви́тера. и҆́же пото́мъ речѐ, не и҆мѣ́хъ бо по́лзы никоеѧ̀ ѿ ни́хъ, то́кмѡ поги́бель приѡбрѣто́хъ. Тѣ́мже а҆́ще бы правосла́внїи сїѐ воспомина́ли, нетре́бова́ли бы є҆рети́ческихъ кни҄гъ. лакомѧтъбосѧ наоу҆пестре́нꙋю пре́лесть, чесогѡ̀ дѣ́лѧ мно́зи и҆ погибо́ша . и҆ молю̀ да неоу҄кори́ши засїє̀ ; мꙋдрова́нїе бо плотско́є [по а҆пⷭ҇лꙋ] вражда̀ на́ бг҃а. И҆ ст҃ы́и ни́лъ гл҃етъ, Нѣ́сть оу҆̀бѡ добро̀ є҆́же всѣ́мъ человѣ́кѡмъ хотѣ́ти оу҆го́днꙋ бы́ти . Пи́сано бо є҆́сть, го́ре, є҆гда̀ до́брѣ рекоу́тъ ва́мъ всѝ человѣ́ци. зри ˟ ноеⷨбрїа ві҃ лꙋка̀ к҃е \| [JPG]
13	Прⷪ҇рци бо ѡ҆ и҆́стинѣ ѹ҆мираа́хꙋ, а҆ло́жнїи проро́ци, ꙗ҆́же насла́бость глаго́лахꙋ чл҃кѡмъ, лювими бѧ́хꙋ; є҆́же хо́щеши оу҆́бѡ и҆зберѝ; и҆лѝ ѡ҆ и҆́стиннѣ пещи́сѧ, и҆ ѹ҆мрети є҆ѧ̀ ра́ди, да жи́въ боꙋ́деши во́вѣки; и҆лѝ ꙗ҆̀же соу҄ть на оу҆гожде́нїе чл҃кѡмъ твори́ти, и҆ люби́мꙋ бы́ти и҆́ми, бг҃ꙋ же не нави́димь бы́ти. Ксе́моꙋ́же в̾ кра́тцѣ ѡ҆по́льзѣ писа́нїѧ сегѡ̀ воспюмѧноу̀. ˟ Всѧ́комꙋ достои́тъ вѣ́дати, коли́кѡ ѡ҆се́мъ тща́нїе пока́звати подоба́етъ, є҆́же позна́ти и҆́стиннꙋю правсла́внꙋю вѣ́рꙋ, ꙗ҆́же є҆́сть позлатоꙋ́стꙋ всѣ́хъ бл҃ги́хъ мт҃и, и҆ всѣ́хъ дободѣ́телей красота̀. ˟ вѣ́рою пра́вою кто̀ сїѧ́етъ; вои́стиннꙋ се́й сла́венъ є҆́сть. и҆ что̀ кое́ждо кто̀ на ѡ҆снова́нїи вѣ́ры созида́етъ, вѣ́чнѡ ѿ трꙋдѡ́въ свои́хъ ѹ҆тѣша́тисѧ боꙋ́детъ. зна́ти бг҃а, є҆́сть вѣ́ровати в̾ бг҃а, а҆ ѿвѣ́ры сн҃омь бж҃їимь бы́въ, на слѣ́дникомъ црⷭ҇тва небе́снагѡ бы́ти: нѣ́сть бо мо́щнѡ кромѣ̀ пра́выѧ вѣ́ры сплсти́сѧ .] По а҆́ще вѣ́ра сїѧ̀ живо̀ю є҆́сть, а҆ не ме́ртвою, ѿ дѣ́лъ и҆ плодѡ́въ познава́етсѧ. ка́ѧ по́лза є҆́сть сло́вомъ в̾ бг҃а вѣ̀ровати, дѣ́лы же ѿ мета́тисѧ є҆гѡ̀, и҆ бг҃ꙋ и҆ ми́рꙋ хотѣ́ти оу҆годи́ти. и҆ послѣ́дꙋетъ семꙋ̀ оу҆̀бѡ стра́шныи ѻ҆́ныи ѿвѣ́тъ бж҃їи. г҃ црⷭ҇твъ глⷡ҇а г҃ зри ˟ ри́млѧⷩ҇ нраꙋ҇ⷱ в҃ зл꙯а ри́млѧⷩ҇ коне бесѣ́да и҃ д҃ \| [JPG]
14	Ни те́плъ ни стꙋде́нъ є҆сѝ, и҆зблева́ти тѧ̀ и҆́мамъ ѿ оу́стъ мои́хъ. не привлачи́мъ оу҆́бѡ насебѐ такова́гѡ ѿ вѣ́та, оу҆бѣжи́мъ же є҆гѡ̀ па́че, всѧ́ко тща́нїе съ прилѣ́жными мл҃твами и҆ оу҆се́рдїемъ пока́зовати потщи́мсѧ. Но да не оу҆мно́¬ жю в̾ малоꙋ́мїи мо́емъ словє́съ, поне́же предисло́вное сказа́нїе не ѻ҆бы́че до́лгихъ и҆звожде́нїй в̾ мѣща́ти, сегѡ̀ ра́ди в̾ кра́тцѣ съ жа́лостїю предложи́сѧ, ꙗ҆́кѡ в̾ настоѧ́щаѧ сїѧ времена̀ послѣ́днѧа, погрѣхо́мъ не радѣ́нїѧ на́шегѡ, вели́къ пла́мень ѕлохи́треныхъ, и҆ многогла́вныхъ є҆ресе́й разгорѣ́сѧ. Ѿ сего́же мно́зи ѿ правовѣ́рїѧ въ ѕловѣ́рїе оу҆клонѧ́ютсѧ, ви́дѧще толи́кꙋю боу́рю ѡ҆блежа́щꙋю на на́съ, рꙋга́телей разли́чныхъ, многохꙋ́лныхъ сꙋпоста́товъ. и҆ сїѐ и҆́мъ дерзнове́нїе ѿ не и҆скоу́с̾ства на́шегѡ и҆ не оу҆тверже́нїѧ, ꙗ҆́кѡ негото́въ и҆́мамы ме́чь дх҃овныи [по а҆пⷭ҇тлꙋ] є҆́же є҆́сть гл҃ъ бж҃їи. и҆ не поꙋча́емсѧ ни тщи́мсѧ по верхо́вномꙋ гото́вы бы́ти приснѡ къ ѿвѣ́тꙋ вопраша́ющемꙋ на́съ. и҆ не то́кмѡ ко ѿвѣ́тꙋ, но и҆ нѣ́цїи не свѣ́дѧтъ в̾ че́мъ правосла́внїи ѿ ѿ па́дшихъ ра́зньствꙋемъ. Си́хъ ра́ди ви҄нъ а҆́зъ мні́и, ꙗ҆́же воз̾мнѣ́хъ нꙋжнѣйшаѧ ѡ҆вѣ́рѣ правосла́вной, ѡ҆ цр҃кви восто́чной, и҆ ѡ҆ и҆зрѧ́днѣйшихъ веще́хъ правовѣ́рїѧ на́шегѡ, е҆феⷭ҇ сл҃г а҃ пеⷮ ѯ҃ а҃ \| [JPG]
15	къ си́мже и҆ ѿ ѿстꙋпле́нїи проти́вныхъ въ три́десѧти глави́знахъ въ кра́тцѣ и҆зъ ѡбрази́ти, не ѿ своегѡ̀ ꙋ҆мышленїѧ, но ѿ бжⷭ҇твеныхъ писа́нїи. воспомѧноу́въ ст҃а́го петра̀ дамаскина̀ гл҃ющаго, Ꙗ҆́кѡ ве́лїе безоу́мїе є҆́сть ѡ҆ста́вити глаго́лы гото́вы, и҆ гл҃ати моѧ̀. ☼про́чеє и҆ ѿ бл҃же́нныѧ па́мѧти заха́рїи кописте́нскогѡ, а҆рхи́мандрита кїевопече́рскагѡ : ревни́телѧ и҆ побо́рника по бл҃агоче́стїи, глави́знъ с̾ де́сѧть с̾ писа́хъ : и҆́х̾же сꙋди́хъ поле́знѣйшихъ къ наказа́нїю ꙗ҆́же въ пра́вдꙋ. и҆ въ нѣ́коихъ мѣ́стѣхъ ꙗ҆́кѡ въ нача́тцѣхъ ма́лѡ ѡ҆блегчи́хъ, да не ковраждѣ̀ нижѐ къ сва́ромъ с̾ кланѧ́емсѧ, но ко и҆справле́нїю. а҆́пⷭ҇лꙋ наказоу́ющꙋ. Ꙗ҆́кѡ рабоу̀ гдⷭ҇ню не подоба́етъ свари́тисѧ, но ти́хꙋ и҆ не ѕло́бивꙋ бы́ти, съ кро́тостїю наказоу́ющꙋ проти́вныѧ . блюсти́жесѧ досто́итъ ѿтворѧ́щихъ распрѝ и҆ раздо́ры, и҆ бесѣ́дъ ѕлы́хъ во все́мъ храни́тисѧ досто́итъ, поне́же тлѧ́тъ ѻ҆бы́чаи бл҃аги . боѧ́щесѧ пи́саннагѡ, проклѧти оу҆клонѧ́ющїисѧ ѿ заповѣдє́й гдⷭ҇нихъ. про́чеє возлю́бленнїи, Е҆ли́ка по а҆́пⷭ҇лꙋ соу҄ть и҆́стинна и҆ че́стна и҆ пра́ведна, сїѧ̀ помышлѧ́йте и҆́мже наꙋчи́стесѧ, и҆ прїѧ́сте и҆ слы́шасте, и҆ ви́дѣсте во мнѣ̀, сїѧ̀ твори́те и҆ бг҃ъ ми́ра да боу́детъ свами, а҆ми́нь; зри☼ в҃ тиⷨ сч҃д риⷨ рк҃а ѱлориі филиⷫ см҃з б є \| [JPG]
16	Ѡ҆проще́нїи въ погрѣше́нїихъ приконцѣ̀ кни́ги сеѧ̀ и҆́мамъ моли́ти гдⷭ҇нихъ и҆́стинныхъ рабо́въ, не досто́йнагѡ не́бꙋ и҆ землѝ и҆́мѧ не поле́знѡ писа́ти, то́чїю многогрѣ́шныи ѡ҆каѧ́нныи и҆ страстны́и \| [JPG]

Church Slavonic Old Prints

[Kniga o věrě edinoj istinnoj pravoslavnoj] Kniga o věrě edinoj istinnoj pravoslavnoj i o svjatěj cerkvi vostočnoj