Портал славістики

[root][corphub]

Church Slavonic Old Prints

The database of Church Slavonic (old) prints of the SBB-PK offers an overview of the prints and the approximately 1000 pages obtained and proofread with Transkribus in "Ground Truth" quality. The full text search in the text corpus of the GT data can be carried out via this widget.

ID1679220373
Title

[Paterik Pečerskij] Paterik Pečerskij

Jahr[Kiev] - Pečatnyj dvor Kievo-Pečerskoj lavry - 1762 - [2], 10, 11, 209, [1], 15 Bl. 2°
NoteEdition Po ispr. tisneniem 2; +/-
Autopsie nach Exemplar der SBB
Vorlageform des Erscheinungsvermerks: vo Svjatoj Kievopečerskoj Lavrě
Zapasko, Pamʺjatky knyžkovoho mystectva, Nr. 2244
In kyrill. Schr., kirchenslaw.
SubjectsPaterik Pečerskij
Cat-URLhttps://stabikat.de/DB=1/XMLPRS=N/PPN?PPN=1679220373
URLhttp://resolver.staatsbibliothek-berlin.de/SBB0002A28600000000
PURLCitation link
Page-NrPage-Content [3]
23Премно́гими ѿ Ва́шегѡ Цр҃кагѡ Пресвѣ́тлагѡ Вели́чества прест҃ыѧ Бцⷣы Кїевопече́рскаѧ ѻ҆би́тель всемлⷭ҇тивнѡ ѹ҆щедрѧ́емаѧ бл҃агодѣѧ́нїи, ꙗ҆́кѡ пред̾ всѣ́хъ щедро́тъ Да́телемъ Бг҃омъ, и҆ пред̾ бл҃года́тною пребл҃гослове́нною Дв҃ою Бцⷣею, бл҃года́рнꙋ себѐ бы́ти се́рдцемъ и҆ ѹ҆сты̀ и҆сповѣдꙋетъ: та́кѡ к̾ воꙁдаѧ́нїю тѣ́хжде бл҃годѣѧ́нїй, во сво́ей хꙋ́дости ни въ чесо́мже дово́лна сꙋ́щи, но по Бз҃ѣ и҆ пребл҃гослове́нныѧ Дв҃ы Бцⷣы, ст҃ы́хъ ѹ҆го́дникѡвъ Бж҃їихъ въ Пеще́рахъ ст҃ы́хъ нетлѣ́нными моща́ми почива́ющихъ, а҆ неꙋсы́пными мл҃твами всегда̀ къ прⷭ҇то́лꙋ Бж҃їю бо́дрствꙋющихъ, приꙁыва́ющи на бл҃гополꙋ́чнꙋю, а҆ Ва́шегѡ Црⷭ҇кагѡ Пресвѣ́тлагѡ Вели́чества Держа́вы правле́нїе ѹ҆твержда́ющꙋю по́мощь, Бг҃оꙋго́днаѧ и҆́хъ житїѧ҄ тѵ́помъ ѡ҆бновле́ннаѧ въ да́ръ, а҆́ще ве́лїимъ Ва́шегѡ Црⷭ҇кагѡ Пресвѣ́тлагѡ Вели́чества бл҃годѣѧ́нїѧмъ не соравне́нъ, ѻ҆ба́че любвѐ Ва́шегѡ Црⷭ҇кагѡ Пресвѣ́тлагѡ Вели́чества, къ тѣ́мжде ѹ҆го́дникѡмъ Бж҃їимъ ст҃ы́мъ Пече́рскимъ ꙗ҆влѧ́емой ча́емъ прїѧ́тенъ, со всесми́реннымъ до лица̀ землѝ на́шимъ поклоне́нїемъ приноси́ти, и҆ пред̾ Мона́ршимъ Ва́шегѡ Црⷭ҇кагѡ Пресвѣ́тлагѡ Вели́чества, Бж҃їею бл҃года́тїю и҆ сла́вою ѡ҆бновлѧ́емымъ а | [JPG]
47А҆нто́нїй подвиза́етсѧ в꙽ пеще́рѣ, Прї́де А҆нто́нїй ѿ сⷮ: горы̀ в꙽ кїе́в꙽, Прпⷣбный А҆нто́нїй Пече́рскїй, А҆нто́нїк пострига́етсѧ во сⷮ: Горѣ̀. Ѳеѡ҆до́сїѧ поста́ви І҆гꙋ́меном꙽, Преставле́нїе преподо́бнагѡ ѿц҃а на́шего АНТО́НЇѦ пече́рскагѡ кїе́вскагѡ, ЖИТЇЀ ПРпⷣБНАГѠ И҆ Бг҃ОНО́СНАГѠ Ѻ҆ц҃А҆ НА́ШЕГѠ А҆НТѠ́НЇА, первонача́льника и҆́нокѡвъ Рѡссі́йскихъ наче́ншихъ подвиꙁа́тисѧ въ Пеще́рахъ. И҆́же и҆ꙁвѣще́нїемъ Бж҃їимъ по́сланъ ѿ ст҃ы́ѧ А҆ѳѡ́нскїѧ горы̀, въ Рѡссію бл҃гослове́нїе принесѐ, и҆ въ не́й житїѐ и҆́ноческое соверше́нное насадѝ, и҆ ст҃ꙋ́ю Пече́рскꙋю ла́ѵрꙋ ѡ҆снова̀ ди́вными чꙋдесы̀. Въ кнѧже́нїе бл҃говѣ́рнагѡ вели́кагѡ кн҃ꙁѧ Влади́мїра Свѧтосла́вича, самоде́ржца Рѡссійскїѧ землѝ, бл҃говолѝ Бг҃ъ ꙗ҆ви́ти свѣти́лника цр҃кви свое́й, и҆ наста́вника А и҆́ночествꙋюа҃ мц҃а І҆ꙋ́лїа, і҃ днѧ̀. скаꙁа́нїе ѡ҆ рожде́нїи ст҃а́гѡ и҆ ѡ҆ постриже́нїю. | [JPG]
48Жи́тїѐ прпⷣбнагѡ ѻ҆ц҃а̀ на́шегѡ и҆́ночествꙋющымъ, приснопа́мѧтнаго мꙋ́жа, прпⷣбнаго и҆ Бг҃оно́снаго ѻ҆ц҃а на́шего А҆нтѡ́нїа. Се́й во гра́дѣ Лю́бечѣ роди́сѧ, и҆ꙁ̾ мла́да же и҆мѣ̀ стра́хъ Бж҃їй, и҆ жела́ше во и҆́ноческїй ѡ҆блещи́сѧ ѻ҆́браꙁъ. Чл҃вѣколюби́вый же Гдⷭ҇ь воꙁложѝ є҆мꙋ̀ на се́рдце, въ странꙋ̀ Гре́ческꙋю и҆тѝ, и҆ та́мѡ пострищи́сѧ: ѻ҆́нъ же а҆́бїе къ пꙋ́тномꙋ ше́ствїю ѹ҆стреми́сѧ, стра́нствꙋѧ за стра́нствовавшаго Гдⷭ҇а, и҆ трꙋди́вшагосѧ на́шегѡ ра́ди спасе́нїѧ, дости́же Кѡнстанті́нѧ гра́да, и҆ до ст҃ы́ѧ горы̀ А҆ѳѡ́нскїѧ до́йде: и҆дѣ́же ѡ҆бше́дъ ст҃ы́ѧ монастырѝ ви́дѣ пребыва́нїе ст҃ы́хъ ѻ҆ц҃ъ, вы́ше чл҃вѣ́ческагѡ є҆стества̀ во пло́ти а҆́гг҃лскомꙋ житїю̀ подража́ющихъ. И҆ па́че любо́вїю Хрⷭ҇то́вою раꙁже́гсѧ жела́ѧ тѣ́хъ ѻ҆ц҃ъ житїю̀ поревнова́ти, прїи́де во є҆ди́нъ ѿ сꙋ́щихъ та́мѡ монастыре́й, и҆ молѝ и҆гꙋ́мена, да воꙁло́житъ на него̀ а҆́гг҃лскїй ѻ҆́браꙁъ и҆́ноческагѡ чи́на: и҆гꙋ́менъ же проꙁрѧ̀ хотѧ́щыѧ въ не́мъ бы́ти добродѣ́тєли, послꙋ́шавъ пострижѐ, и҆ накаꙁа́въ наꙋчѝ є҆го̀ и҆́ноческомꙋ соверше́нномꙋ житїю̀. А҆нтѡ́нїй же во все́мъ Бг҃ꙋ ѹ҆гожда́ѧ, на прѡ́чаѧ подвиꙁа́шесѧ, въ покоре́нїи же и҆ послꙋша́нїи преꙋспѣва́ѧ, ꙗ҆́кѡ всѣ҄мъ ра́доватисѧ ѡ҆ не́мъ. Е҆гда́ же пребы́сть во ст҃о́й горѣ̀ вре́мѧ не ма́ло, прпⷣбенъ во всѣ́хъ дѣ́лѣхъ свои́хъ, по́льꙁꙋющымсѧ ѿ негѡ̀ мнѡ́гимъ: бы́сть и҆ꙁвѣще́нїе и҆гꙋ́менꙋ ѿ Бг҃а, да ѿпꙋ́ститъ прпⷣбнаго сего̀ въ Рѡссі́ю. И҆гꙋ́менъ же пригласи́въ, речѐ є҆мꙋ̀: А҆нтѡ́нїе, и҆дѝ вспѧ́ть в̾ Рѡссі́ю, да и҆ та́мѡ про́чїимъ на ѹ҆спѣ́хъ, и҆ ѹ҆твержде́нїе бꙋ́деши: и҆ бꙋ́ди тебѣ̀ бл҃гослове́нїе ѿ ст҃ы́ѧ горы. Прпⷣбный же А҆нтѡ́нїй, а҆́ки ѿ Бж҃їихъ ѹ҆́стъ, прїе́мь бл҃гослове́нїе, ѿи́де въ Рѡссі́ю ѻ҆те́чество є҆гѡ̀ в꙽ гра́дѣ Любечѣ. ѿи́де в꙽ ст҃ꙋ́ю А҆ѳѡ́нскꙋю го́рꙋ. в꙽ ст҃о́й горѣ̀ постриже́сѧ. ѡ҆ прише́ствїи ст҃а́гѡ въ Кі́евъ, и҆ ѡ҆ нача́лѣ пеще́ръ. и҆ꙁвѣще́нїемъ Бж҃їимъ въ Рѡссі́ю по́сланъ. въ лѣ́то ѿ соꙁда́нїѧ мі́ра ҂ѕфк҃а. ѿ Ржⷭ҇тва̀ Хрⷭ҇то́ва ҂аг҃і. | [JPG]