Kirchenslavica: [Velikij minei čet’i, (10) Dekabrʹ, dni 1-5] Velikija minei četii, 10, Dekabrʹ : dni 1-5

The database of Church Slavonic (old) prints of the SBB-PK offers an overview of the prints and the approximately 1000 pages obtained and proofread with Transkribus in "Ground Truth" quality. The full text search in the text corpus of the GT data can be carried out via this widget.

Page-Nr	Page-Content [12]
15	КНИ́ГА Гл҃ЕМА МИНѢ́Ꙗ ЧеⷮꙖ Сказа́нїе і҆ страда́нїе ст҃ыⷯ а҆пⷭ҇лъ и҆ пррⷪ҇къ, і҆ ст҃ле̏, і҆ мнⷱ҇къ и҅ мнⷱ҇цъ, і҆ 1 прпⷣбныⷯ ѿц҃ъ, Бг҃ꙋ ѹ҆го́жⷣьшиⷯ, моѵⷤ и҆, жеⷩ, терпѣ́нїе 2, и҆ стрⷭ҇тї, и и҆справле́нїа, і҆ собра́нїѧ ст҃ыⷯ, ѿгдѣ̀ і҆ кожⷣѡ н҆зы́де, і҆ и҆ гдѣ родіⷭ҇, и҆ ки́ми, лѣты, і҆лѝ мнⷱ҇їѧ раⷣꙵ, и҆ли пощенїа 3 дѣлѧ ко́ижⷣо 2 конеⷰ 4 прїаⷧ е҆́сть, і҆лѝ трꙋда раⷣꙵ, и҆лѝ млⷭ҇тыни творе́нїемъ кі́иждо иⷯ Хаⷭ҇ ѹ҆млⷭ҇тивї себѣ̀ і҆ мѣ́стеⷯ ра́искиⷯ водворѧ́юⷮсѧ. Зача́ло сътвориⷯ ѡ҆́ Бз҃ѣ, і҆ ꙗⷤ с̾ Бг҃оⷨ почина́емъ. Мцⷭ҇а декаⷠрѧ̀ вꙸ а҃ дн҃ь па́мѧⷮ ст҃а́го пррⷪ҇ка Нау҆́ма. Блⷭ҇ви о҆ч҃е. А҆́ще ли е҆сть ст҃ль во цр́к҃вї, да гл҃еⷮ чтѧ́й в нача́лѣ: гдⷭ҇и бл҃гословѝ влⷣко. Вели́кїи, пррⷪ҇кь Нау́мъ бысть ѿ племеⷩи Симео́нѧ, ѡⷮ страны̀, І҆ю҆де́искїа. Бг҃обоѧⷥнив же сы̏, і҆ прїаⷮ ѿ Бг҃а даⷬ пррⷪ҇чества, і҆ прⷪ҇рчѐ на (Ни)невгї́ю 5, граⷣ веⷧїкїи, і҆ по пророⷱ҇ствѣ І҆о́нїнѣ. Си́цеⷠ ⷪ речѐ, ꙗ҆́ко, Ниневгї́и,поги́бноѵⷮи и҆́маⷮ водо́ю слано́ю, і҆ о҅гнеⷨ. єⷤ и҆ бысть повелѣнїемъ Бж҃їеⷨ за грѣхы̀ иⷯ: бѧⷲ ꙴ бо тꙋ҆ е҆́зерѡ, нарїца́емо Ниневгїѧ 6, трꙋсꙋⷤ бывшꙋ, погрꙋзѝ граⷣ, і҆ о҆́гнь, пришеⷣ ѡⷮ пꙋсты́нѧ, оста́вшꙋю чѧ́сть поⷤжѐ. Си҄ \| [JPG]
16	г҃ декабрѧ а҃ днь пррⷪ҇чьствовавⷨ і҆ и́на мнѡ́га, і҆ ѹ҆́мре, і҆ ѡⷮ бли́жниⷦ роⷣу своеⷢ погребены бы́ша мо́щи е҆го̀ чтⷭ҇но на свое́и е҆мꙋ̀ землѝ. Бѣⷤ, і҆ егда̀ оу҆́мрⷷ, лѣⷮ м҃е. И҆мѣ́аше брадꙋ̀ крꙋглоѵ̀,\|\| сꙋхиⷨ лицеⷨ про́сты и҆мѣ́ѧ власы̀: бѣⷤ и҆ взлы́съ гл҃вꙋ 1 і҆мѣ́а проⷣⷪлговатꙋ. Въ то́иⷤ дн҃ь ст҃а́го миⷱ҇ка А҆на́нїи. А҆на́нїа ст҃ы́й мнⷱ҇къ бѣ҄ ѡⷮ страны̀ Пе́рьскїа, ѡⷮ града, А҆ври́ла 2 нарица́емаго Бѣ́ же простеⷰ, не оу҆мѣⷶ книⷢ, но҄ хрⷭ҇тїаⷩ. И҆ того̀ паⷣꙵ е҆́мше и҆̀ Пе́рси, мꙋ́чиша и҆̀ крѣ́пко. И҆ ѿ мнѡ́га бїе́нїѧ бы́сть, ꙗ҆́ко меⷬ҇твъ, по ма́лꙋ дышⷶ. И҆ лежа̀ ѿве́рзе ѡ҆́чи своѝ, и҆ речѐ сꙋ́щыⷨ тꙋ҆: воста́нѣте, сътвори́те мл҃твꙋ к̾ Бг҃ꙋ: се́ бо ви́жю столпꙋ̀ досѧза́ющꙋ до нб҃се, і҆ о҆гнео҆бразны мꙋ́жа, гл҃ща ми. грѧдѝ с наⷨи, и҆ ведеⷨ тѧ҄ во́ градъ Гдⷭ҇нь и҆спо́лнеⷩ расⷣтⷪи и҆ весе́лїѧ и҆ свѣта. И҆ сѝ реⷦ, предастъ дш҃ѫ. Ст҃а́а же е҆го̀ дш҃а взыⷣ ⷷ в вы́шнїи граⷣ ꙗ҆́коⷤ 3, и҆ видѣ̀. Мо́щи же еⷢ лежа́тъ в̾ Пе́рсѣхъ, ча́юще коне́чнаго воскресе́нїѧ, е҆гда̀ и҆ всѝ̀ ѹ҆годиⷡ҇шїи Бг҃ꙋ насладѧ́тсѧ бесме́ртїа. В̾ то́и же дн҃ь па́мѧть прпⷣбнаго 4 Ѳиларе́та млⷭ҇ти́ваго. Въ црⷭ҇тво І҆ри́ны бл҃гочтⷭ҇и́выа бѣ́ѧⷲ ꙴ Ѳилареⷮ, ѿ страны̀ Пафлаго́ньскїѧ̀, селаⷤ Мниѧ́ни 5, сн҃ъ же Гео҆́ргїевъ, и҆ бѡгаⷮ сы̏ ѿ притѧжа́нїа своего̀ за́вистїю дїа̀волею о҆бнища̀, і҆ не о҆ста́ви млⷭ҇тьнѧ ю҆́же в̾ богаⷮствѣ творѧ́шє, ꙗ҆́ко велмѝ бѣ млⷭ҇тивъ. Ключи́ же сѧ е҆мꙋ̀ ѹ́ сꙋсѣ́да его̀ ѹ҆́мриⷮ ̏ волꙋ̀ і҆ прїи́де к Ѳиларе́тꙋ,— видѣ бо и҆̀ на ни́ве сѣ́юща и҆ спрѧжена волꙋ̀ е҆го̀,— і҆ тъ̏ видѣ̀ е҆го̀ печа́лна, і҆ вы́прѧгъ е҆ді́нъ во́лъ да̀стъ е҆мꙋ̀, а҆ саⷨ со е҆ді́немъ воло́мъ взе́мъ ꙗ҆ре́м̾ на ра́мꙋ, и҆́де в до́мъ сво́и. И҆ видѣ̀ Бг҃ъ до́брыи є҆го̀ нра́въ, сотворѝ цр҃ци поѧ́ти внꙋ́кꙋ е҆го̀ Мр҃їю невѣ́стꙋ сн҃ꙋ своемꙋ̀ Констѧнті́нꙋ, и҆ ѿто́лѣ разбѡгатѣ̀ саⷨ и҆ ве́сь рѡⷣ е҆го̀. Са́м же ми́ловаше ни́щаѧ, і҆ ѹ҆рѡ́кы даѧ̀ е҆мꙋ̀ по всѧ̀ дн҃и и҆ до ста́ро\|\| сти 6, і҆ ѹ҆́мре, и҆ погребеⷩ бы́сть в неѹ҆сыпа́ющихъ дв҃цъ монастыѝ. Въ то́и же дн҃ь сло́во о҆ чернори́зъцї І҆о́рѣ, е҆го́же и҆скꙋсѝ дїа(воⷧ) 7 і҆ посраⷨисѧ 8. Бѧ́ше в̾ пꙋсты́ни нѣ́кто чеⷬнорі́зеⷰ, гл҃еⷨ І҆о́ръ. Сі́и ѹ҆́бо за́ і҆ лѣ́тъ не вкꙋсѝ земнаго бра́шна, нѡ҄ а҆́гг҃елъ е҆́мꙋ̀ по треⷯ дн҃е́хъ нбⷭ҇ное бра́шно приноша́ше и҆ влага́ше е҆мꙋ во ѹ҆ста̀, і҆ сѐ в̾ бра́шна мѣсто и҆ питїа̀ быва́ше 9. Є҆ді́ноюⷤ при̏до́ша к немꙋ̀ бѣ́си, а҆н̾гельскїѧ вѡ́ѧ показа́юще, и҆ колесни́цꙋ о҆́гненꙋ, і҆ ѡ҆рѹ́жїено́сци мнѡ́гы ѕело̀, ꙗ҆́ко се҄ царю̀ вели́комꙋ грѧдꙋ́щꙋ, і҆ к нему̀ глаго́лахꙋ: ѹ҆́же и҆спра́вилъ є҆сѝ все҄: про́чее воста́въ поклони́сѧ, и҆ ꙗ҆ко И҆лїю̀, вознесꙋ̀ тѧ҄. Речеⷤ мниⷯ, во ѹ҆мѣ́ свое́мъ помы́шль: а҆́зъ по всѧ̀ дн҃и кла́нѧюсѧ моемꙋ̀ цр҃ю Сп҃сꙋ Хⷭ҇ꙋ: то҄ а҆́ще бы Х҇с бы́лъ (не бы и҆стѧза́лъ покланѧнїа) 10. И҆ сѐ помы́сли, речѐ е҆мꙋ̀: а҆́зъ и҆́мамъ моего̀ цр҃ѧ Хаⷭ҇ е҆мꙋ́же всегда̀ кла́нѧюсѧ, ты̀ же нѣ́си мо́и царь. А҆́бїе неви́диⷨ бы́сть. И҆ та́ко побѣдѝ дїа́волю си́лꙋ и҆ непреⷧщен̾ бы́сть ко́зными є҆гѡ. д҃ \| [JPG]
17	є҃ декабрѧ а҃ дн҃ь В̾ то́и же дн҃ь сло́во о҆ поклѧ́нїи 1. Ѿ всего̀ срцⷣа о҆браща́ѧсѧ 2 стона́нїемъ и҆ пла́чеⷨ срчⷣнымъ, терза́нїеⷨ смирѧ́ѧсѧ 2, и҆ ми́лꙋѧ 2 ни́щаѧ і҆ ѹ҆бо́гїѧ, и҆ бли́жнѧго ѿпꙋщаѧ 2 прегрѣше́нїѧ. «Нн҃ѣ бо гл҃е Гдⷭ҇ь иш҃ь: о҆браті́тесѧ ко Мнѣ ѿ всеⷢ срⷣⷣца ва́ше посто́мъ, и҆ рыда́нїеⷨ, и҆ пла́чеⷨ, і҆ растергните срⷣцѧ̀ ва́шѧ, а҆ не ри́зы ваⷲ ⷶ, о҆брати́тесѧ къ Гдⷭ҇ꙋ Бг҃ꙋ на́шемꙋ, ꙗ҆ко м́лⷭ҇тивъ и҆ ще́дръ е҆́сть, и҆ до́лготерпелиⷡ, і҆ мнѡ́гомлⷭ҇тивъ». «Мі́лꙋли҆̀, речѐ, поми́лованъ бꙋ҆деⷮ», и҆ ѿпꙋстіте, ѿпꙋстѧ́тсѧ ваⷨ». «Млⷭ҇тни мꙋ́жеви а҆ки печѧⷮ с ни́мъ», и҆ да́ръ бл҃гъ е҆́сть творѧ́щиⷨ преⷣ Вы́шнимъ. И҆ та́кѡ \|\| грѣсѝ потираю҆тсѧ 3. (Имаши) 4 Ниневгиⷮско покаꙗ́нїе. И҆́маши Дв҃да, покаѧ́нїемъ о҆чища́юща грѣхы̀, і҆ тоⷧк̏ꙋ покаѧ́нїю си́лꙋ ꙗ҆влѧ́ющꙋ, ꙗ҆ко тѣⷨ пррⷪ҇ческомꙋ да́рꙋ сподобѧщесѧ 5, Бг҃ꙋ і҆ о҆ц҃ꙋ 6 познава́ема. И҆́маши (Петра) 7, и҆́же, рабѣ вопраша́ющи о҆ Ѹ҆чи́тели, и҆ ѿве́ржеⷭ҇ со клѧ́твою, незна́ема Є҆го̀ сотвориⷡ, и҆ ло́жною рѡ́тою о҆бѧⷮ, то́л̾ми же скве́рнꙋ же ѿверже́нїѧ о҆чт҃и, ꙗ҆ко і҆ верхо́вникꙋ е҆мꙋ бы́ти, і҆ а҆пⷭ҇льскаго ликостоѧ́нїѧ не и҆спа̀дѐ, и҆ цр҃кви о҆снова́нїе, нбⷭ҇ного црⷭ҇твиа ключа́рь ѿ и҆́стины нарече́сѧ. И҆́маши мытарѧ̀ 8, и҆ блꙋднаго сн҃а, и҆ 9 блꙋдни́цꙋ, и҆ разбо́иника, во е҆ді́ноⷨ часѣ̀ і҆ е҆ді́ноⷨ бл҃горазꙋ́мныⷨ гл҃соⷨ грѣхы̀ раⷥсыпаюⷳ ⷷ 10, і҆ поро́де гра́жанина впи́шема. Дер̾за́и покаѧ́нїеⷨ, совлецѝ скве́рнꙋ, не боиⷭ҇. Прⷪ҇ркоⷨ Гдⷭ҇ь речѐ: дерза́ите, с̾творі́те, і҆ е҆гда̀ пока́ешисѧ, постене́ши, тогда̀ сп҃се́шисѧ, ꙗ҆́ко вели́ка е҆́сть мі́лость Хⷭ҇а Бг҃а і҆ о҆цыще́нїе о҆браща́ющиⷨсѧ к̾ Немꙋ̀ поⷣбⷪне. То́кмо о҆братимсѧ, покаиⷨсѧ: тогда́ бо Гн҃ѧ млⷭ҇ть, ꙗ҆́ко доⷤдь на троскоⷮ, в на́ша дш҃ѧ о҆дождиⷮ, і҆ непрїа̀знїна бра́нь разⷣрꙋшіⷮсѧ. В̾ то́иⷤ дн҃ь пррⷪ҇чество Наѹ҆́мле 11 . Внѧ́тїе Ниневі́ины 12, кни́гы вїдѣнїе 13 Наѹ҆́млѧ Є҆лкесе́ева. Бг҃ъ рев̾ни́въ, і҆ м̾стѧй Гдⷭ҇ь, съ ꙗ҆́ростїю м̾стѧй Гдⷭ҇ь сꙋпоста́ты Єⷢ, и҆ ѿм̾щаеⷮ врагы̀ Е҆го. Гдⷭ҇ь терпели́въ, і҆ велі́ка крѣпость Е҆го̀, і҆ о҆чищаѧ і҆ не о҆чи́сти Гдⷭ҇ь: с конча́нїеⷨ и҆ со трꙋсомъ пꙋ́ть Е҆го̀, і҆ о҆́блацы праⷯ но́гꙋ Е҆го̀: запрѣща́ѧ мо́рю, и҆ пос[л]ꙋ́шаѧй 14 Е҆̀, и҆ всѧ̀ рѣкы̀ и҆скаⷤѧи҆̀, ѹ҆малѧаи҆̀ Васани́тьскаѧ и҆ Карми́льскаѧ: процвѣта́ющаѧ дꙋбра́вы о҆скꙋдѣ́ша. Гѡ҄ры потрѧсо́шасѧ ѿ Него̀, и҆ хѡ҄лми поколѣба́шасѧ: і҆ и҆съсꙋмнѣ́сѧ зеⷨлѧ̀ всѧ҄ ѿ лица̀ є҆мꙋ̀, \|\| і҆ всѝ живꙋ́щїи на ней. Ѿ лица̀ гнѣва Е҆го̀ кт҄о стерпиⷮ; и҆лѝ ктоⷭ҇ сꙋпроті́виⷮ в̾ гнѣвъ ꙗ҆́рости Е҆го̀; ꙗ҆́рость Е҆го̀ растаеⷮ вла́сти, і҆ ка́менїе сотресѧ 15 ѿ Неⷢ. Блг҃остивъ Гдⷭ҇ь терпѧ́щїиⷨ Е҆мꙋ̀ в̾ дн҃ь скорбѣ́нїа, и҆ зна́ѧ боѧ́щаꙗсѧ Е҆го̀. І҆ в̾ пото́пе пꙋтѝ сконча́нїе сотвориⷮ: воста́ющаѧ й врагы̀ Е҆го̀ прожене́тъ тм҃а. чт҄о помышлѧ́ете к̾ Гвⷭ҇и; скоⷩча́нїе сотвориⷮ, не сⷨтиⷮ два́ш̾ди и҆ногдоⷻ въ ско́рби. Ꙗ҆́ко ѕ҃ \| [JPG]
18	з҃ декабрѧ а҃ дн҃ь до коре́нїѧ посхнеⷮ, і҆ а́ки согре́бꙋⷮ 1 о҆плита́ющїа по́ꙗ҆́стьсⷽ, ꙗ҆́ко 2 трѡ́сти сꙋхоты̀ плъна̀. І҆с тебѐ и҆зи́деⷮ, что҄ помышлѧ́ете до Гдⷭ҇а ѕлѣ҄ 3, совѣщева́юще сꙋпроти́вныѧ. Се҄ гл҃тъ Гдⷭ҇ь: владѧ́й вода́ми мно́гаⷨ ꙵ, і҆ си́це растꙋ́пѧⷮсѧ, и҆ слꙋⷯ тво́и не ѹ҆слы́шитсѧ к семꙋ̀. И҆ ин҃е сокрꙋшꙋ 4 же́злъ Е҆го̀ ѡⷮ тебѐ, и҆ съвꙋ́зы твоѧ̀ раⷥсы́плю: и҆ заповѣ́сть о҆ тебѣ̀ Гдⷭ҇ь, не раⷥсѣ́етсѧ ѡⷮ і҆́мени твоего̀ к семꙋ̀: ѡⷮ домꙋ Бога[сⷮ]твое҆го̀ 5 потреблю̀ иⷥваꙗ́ныѧ и҆ сълїѧ́ныѧ, положꙋ̀ гро́б̾ тво́и, ꙗ҆ко бы́стрѣ 6. Се҄ к̾ гѡраⷨ мно́зѣⷨ бл҃говѣствꙋющемꙋ ми́ръ 7: пра́знⷣꙋи, І҆ю҆́до, праⷥдникы твоѧ̀, ѡⷮда́жⷣь мл҃твы твоѧ, иⷨже не прїложѧⷮ ꙗ҆́ко проитѝ во ѡ҆бѣтша́нїе: скоⷩчѧ́сѧ, і҆ и҆зве́ржесѧ. Вз̾и́де въдꙋха́ѧ в лицѐ твоѐ, ѡⷮе҆́млѧй ѡⷮ о҆скоⷬбѣнїѧ: ѹ҆смотрѝ пꙋⷮ, ѹ҆крѣпѝ чреслⷶ, возмꙋжа́и крѣпостїю ѕело̀: понеⷤ ѡⷮвратѝ Гдⷭ҇ь оу҆кориⷥнꙋ І҆ꙗ́ковлю, ꙗ҆́коже і҆ 8 оу҆кори́знꙋ І҆и҃лю: и҆мыже 9 и҆стрѧса́юще і҆стрѧсо́шасѧ, і҆ ло́зы иⷯ расы́пашѧ. Щиты̀ сі́лныиⷯ ѡⷮ чл҃къ, мꙋжѧ си́лны и҆гра́ющаѧ во ѡ҆гнѝ: браⷥды̀ 10 о҆рꙋжїѧ иⷯ в̾ дн҃ь ѹ҆готованїѧ и҆́хъ, і҆ кѡнⷩїцы вз̾мѧтꙋⷮсѧ на пꙋтеⷯ, і҆ смѧтꙋⷮсѧ ѡ҆рꙋжїѧ, і҆ соплетꙋⷮсѧ на стегнаⷯ: ви́дъ иⷯ а҆́ки свѣща о҆́гненї, і҆ а́ки моⷧнїѧ мыіка́ющасѧ. И҆ по́мѧнꙋⷮ 11 старїишины иⷯ, и҆ пробѣ́\|\|гнꙋтъ дн҃їи, и҆ ѡⷮнемо́гꙋⷮсѧ пꙋтїе и҆́хъ, и҆ поⷮщаⷮсѧ на забрала, і҆ ѹ҆гото́вѧтъ преⷣнѧа стражбы̀ иⷯ. Врата градна́а ѡⷮве́рзꙋⷮсѧ, и҆ цаⷬства ѡⷮпадо́ша, і҆ и҆мѣ́нїе ѡⷮве́рзесѧ. Сиⷤ восхождаа́ше, и҆ рабы́нѧ є҆ѧ̀ вѣдѣа́хꙋсѧ, а҆́ки голꙋбїе грька́юще в̾ срцыⷯ свои́х̾: и҆ Ниневїины 12, а҆кы кꙋпѣ́ль водна́ѧ, во́ды є҆а̀: и҆ сїиⷤ бѣжа́ще не ста́ша, і҆ не бѣѧⷲ ⷷ ставлѧющааго. Расхытаа́хꙋ сребро̀, расхытаа́хꙋ зла́то, и҆ не бѣашє конца̀ и҆мѣ́нїѧ е҆ѧ̀: ѡ҆тѧгчѧша паⷱ҇ всѣ́хъ сосꙋди и҆зволе́нїи є҆а. И҆стрѧсе́нїе, и҆ потрѧсе́нїе, и҆ воскипѣ́нїе, і҆ срⷣца сокрꙋше́нїе, и҆ раслабле́нїе голѣ́нїю 13, болѣ́знь 14 по всѣ́мъ чреслоⷨ, и҆ лицѐ всѣ а҆кы о҆полѣнїе ла́точное 15. Кдѣ є҆́сть стаѧ ле́вьскаѧ, и҆ па́жиⷮ сꙋ́щїѧ лви́чищеⷨ; ка́мо и҆́деⷮ ле́въ, ꙗ҆́ко влѣ́сти та́мо л̾ви́чищь, и҆ не бѣ́ѧⷲ ⷷ 16 постраша́ющаго. Ле́въ восхытѝ до́влѣющее лви́чїщеⷨ є҆го̀, и҆ ѹ҆да́ви ловоⷨ 17 є҆го̀, и҆ наполни лови́твы гнѣздо̀ своѐ, и҆ стаю свою̀ въсхыта́нїѧ. Се҆ А҆́зъ на́ тѧ, гл҃еⷮ Гдⷭ҇ь всемꙋ̀ Содръжи́теⷧ, и҆ поⷤгꙋ̀ ды́момъ мнѡⷤства твоѧ̀, и҆ лвы̀ твоѧ̀ поꙗⷵ ѡ҆рꙋ́жїе, и҆ потреблю̀ с землѧ̀ лови́твꙋ 18 твою̀, і҆ не ѹ҆слы́шѧⷮсѧ к семꙋ̀ дѣ́ла твоѧ̀. Ѽ, гра́де кро́вный, и҆ веⷭ҇ лжи́въ, по́лнъ непра́вды, не поі҆́щетсѧ лови́тва. [Въ] 19 гла́съ ра́тныи, і҆ гла́съ трꙋса колнааго, і҆ конѧ̀ текꙋ́ща, і҆ ѡ҆рѹ́жїѧ шꙋмѧ́ща, і҆ ко́нника ꙗ҆зьдꙋща, и҆ блиска́юща мечⷽ, и҆ свита́ющьсѧ щи́тъ, и҆ мнѡ́жьства ꙗ҆́звинъ, и҆ тѧ́жка паде́нїѧ, и҆ не бѣ́аше конца̀ странаⷨ є҆а̀: и҆ ѡⷮнемогꙋтсѧ в тѣлесеⷯ и҆́хъ ѡⷮ мнѡ́жьства блꙋжде́нїѧ еа̀. Блꙋдни́ца добра̀ і҆ о҆бра́дована, старѣ́ишїна волхвѡⷨ, продаю́щїа страны̀ в̾ блꙋжде́нїе еа̀. Се҆ А҆́зъ на тѧ, гл҃тъ Гдⷭ҇ь Бг҃ъ всемꙋ̀ Съдержа́тель, і҆ ѡⷮкр꙼ыю \|\| за́ждь тво́й к лицꙋ̀ твоемѹ̀, і҆ о҆бличю̀ странаⷨ стыдѣ́нїе и҃ \| [JPG]
19	ѳ҃ декабрѧ а҃ дн҃ь твоѐ, и҆ цареⷨ беⷥче́стїе твоѐ: и҆ возве́ргꙋ на́ тѧ о҆гнꙋше́нїе по нѐчистота́м̾ 1 твоиⷨ, і҆ положю тѧ҄ в при́тчю: и҆ бꙋ́детъ, ве́сь видѧ́й тѧ҄ сни́деⷮ с тебѐ, и҆ речеⷮ: грѣшнаа Нинеѹ҆́ни, кт҄ѡ постенеⷮ по не́и; ѡⷮкꙋ́дꙋ и҆спрошѹ̀ ѹ҆тѣше́нїе е҆́и; ѹ҆тⷢⷪо́вити ча́сть, ѹ҆стро́ити странꙋ̀, ѹ҆гото́вїтї ча́сть А҆ммонꙋ, живꙋ́щаѧ в рѣкаⷯ: вѡда̀ о҆кре́стъ е҆ѧ̀, є҆́иже нача́ток̾ мѡ́ре, и҆ вѡда̀ забла́та 2 е҆ѧ̀: і҆ Є҆ѳїо́пїа крѣ́пость є҆ѧ̀, і҆ Є҆гѷпеⷮ, и҆ нѣ́сть конца бѣⷢствꙋ твоемꙋ̀: і҆ Лоі҆вїесь 3 бы́шѧ помо́щницы е҆а̀: і҆ сѝ в̾ прѣселе́нїе по́идеⷮ плѣн̾ницѧ, і҆ младе́нцѧ е҆ѧ̀ разбїюⷮ в зача́тцѣⷯ всѣⷯ пꙋтѝ е҆ѧ̀, і҆ о҆ всѣ́хъ сла́вныⷯ е҆ѧ̀ воз̾ве́ргꙋтъ жре́бїѧ, и҆ всѧ̀ вое҆вѡды̀ е҆ѧ̀ свѧ́жꙋⷮсѧ пꙋ́ты. И҆ ты̀ ѹ҆пїе́шисѧ, и҆ бꙋ́деши о҆биⷣна, тыⷤ самⷶ себѐ взи́щеши ѹ҆ставле́нїѧ ѡⷮ враⷢ. Вс҄ѧ тврьдѣли твоѧ̀ а҆́ки смоⷦвинїе стража̀ и҆мꙋ́щее: а҆́ще покѡле́блютсѧ 4, и҆ впадꙋтъ во ѹ҆ста̀ ꙗ҅дꙋщааго. Се҄ лю́дїе твоѝ, а҅кї жены̀ тебѣ̀: врагѡⷨ твоиⷨ ѡ҆тварѧ́е҆ма ѡ҆творѧ́тсѧ врата̀ землѧ̀ твоеѧ̀, поꙗ́сть о҆́гнь вѣреа̀ твоⷶ. Во́дꙋ дръжа́нїѧ восхитѝ себѣ̀ самы 5, ѹ҆твердѝ тве́рди твоеѧ̀: влѣзи в̾ бе́рнїе, поперѝ в плѣвахъ, ѹ҆твердѝ па́че лаины 6: та́мо поꙗ́сть (тѧ҄) 7 о҆́гнь, потребиⷮ 8 тѧ҄ ѡ҆рꙋжїе, поꙗ҆дѧ́тъ тѧ҄ а҆́ки прꙋ́зи, і҆ о҆тѧжчаетъ а҆́ки м̾ши́цѧ. Ѹ҆мно́жи кꙋ́плѧ твоѧ̀ па́че звѣ́здъ нбⷭ҇ныⷯ: мшицѧ ѹстреми́шѧсѧ, и҆ возлетѣ́шѧ: въслепе 9 а҆ки прꙋⷢ помо́щникъ тво́и, сѣдѧ̀ на плетинѣ в̾ дн҃ь стꙋ́денъ: сл҃нце взи́детъ, и҆ ѡⷮлетѣ, и҆ не позна́сѧ мѣ́сто его̀: \|\| лю́тѣ е҆́и. Воⷥзрѣма́шасѧ пастꙋси твоѝ, ца́рь А҆сирїискъ ѹ҆спѣ 10 сиⷧныⷶ 11 твоѧ̀, воздвиго́шасѧ лю́дїе твоѝ к̾ гѡра҄мъ, и҆ не бѣ́ѧше ждꙋщагѡ 12. Не бꙋ́деⷮ цѣлбы̀ съкрꙋше́нїю твоему̀, разгорѣ́сѧ ꙗ҆́зва твоѧ̀: вс҄и слы́шавшей вѣ́сть твою̀ воспле́щꙋ рꙋка́ма по тебѣ̀: и҆́мже до кого̀ не до́иде злоⷡ твоѧ̀ всегда̀; Бѣ же 13 Наѹ҆́мъ ѡⷮ Є҆лкесїа 14 ѡ҆б о́нъ по́лъ землѧ̀ Витава́рьскы, колѣ́на Симео҆нѧ. Сь̏ по и҆́стинѣ Ниневгїи чюⷣⷪ вда̀, ꙗ҆́ко вѡда́ми слаⷣками і҆ о҆гнеⷨ поⷣземле́ныⷨ поги́бнеⷮ. Є҆́же и҆ бы́сть: сꙋ́щее бо е҆́зеро о҆кре́стъ є҆го̀ потоⷫи (и) 15 и҆ бꙋрею 16 погꙋбѝ, і҆ о҅гнь, и҆с пꙋстыⷩи пришеⷣ бы́вшꙋю странꙋ̀ 17 є҆го̀ пожⷤе. Ѹ҆мреⷮ же саⷨ мі́роⷨ і҆ погребеⷩ быⷭ҇ во свое̏ землѝ 18. Въ тоиⷤ дн҃ь по́вѣсть ѡⷮнѫⷣ потребна о҆ житїѝ и҆ пребыва́нїи бл҃женаⷢ и҆ прⷣвнаго Ѳиларе́та млⷭ҇тиваго, ка́ко сь̏ млⷭ҇тнѧ дѣлѧ̀ бы́сть пра́тесть вели́комꙋ цр҃ю Кон̾стѧнти́нꙋ, сн҃ꙋ прїи́мникѹ 19. і҃ \| [JPG]
20	декабрѧ а҃ дн҃ь а҃ Сеⷤ сло́во похвала̀ млⷭ҇тивыⷨ, а҆ немі́лостивыⷨ поу҆че́нїе на ѡⷠра́щеⷩе̏ млⷭ҇тнѧ. Житїѐ бг҃оѹ҆гоⷣно и҆ пребыва́нїе непоро́чно мꙋ́жа прⷣвна хощꙋ̀ и҆сповѣ́даⷮ̏ и ва́шеи любвѝ, ꙗ҆ко ѹ҆гоⷣно 1 бы́сть Бв҃и бл҃готворе́нїеⷨ, и҆ стра́ннолю́бїеⷨ о҆пра́вдиⷭ҇, и҆ жи́въ со бл҃годаренїеⷨ в напа́стехъ и҆ печа́леⷯ 2, ꙗⷤ в житїѝ напа́дающииⷯ, і҆ ѿ неи҆мѣнїа 3 в̾ велі́кое пресловꙋ́щее, в себѐ ѹ҆пова́въ, прїи́де. Но҄ простретеⷨи 5, молю̀, слꙋ́хы, нема́лы по́лза творѧ́щꙋ воспомина́нїе: е҆́сть бо притчѧ хо́тѧ́щиⷨ сѧ спⷭ҇ти́[сѧ] в житїѝ се́м̾, и҆ внима́ющїиⷨ лꙋ́чша і҆ спⷭ҇нїе і҆мꙋ́ще. Въ Фефлаго́стѣй странѣ̀ 4 ве́сь нѣ́каа е҆́сть, и҆́менеⷨ А҆мнїа 5, потꙋⷤна и҆ прилежа́щи къ Га́грѣ митропо́лїи 6. В то́и ве́си бѣ҄ нѣкто мꙋⷤ, \|\| і҆́менеⷨ Ѳилареⷮ, бл҃горо́деⷩ сы̏, ѡⷮ По́н̾та и҆ Галатї́искїѧ 7 страны̀, сн҃ъ бы́въ дѣлателѧ̀ нѣ́коего̀ Геи҆по́на 8, і҆ по мѣ́стеⷯ старѣиша 9, и҆ ѡⷮ рꙋ́къ ра́б̾ своиⷯ имѣ́нїе и҆мꙋ́ща. Сь̏ ѹ҆́бо Ѳиларетъ ѡⷮ мла́да во́зраста бл҃говѣ́рьствїе цѣловаа́ше и҆ добро́тѹ лобыза́ше, млⷭ҇тыниⷤ па́че прилежа̀. Бы́стьⷤ е҆мꙋ̀ и҆мѣнїе и҆ бѡга́тьство дово́лное: скѡ́тиⷤ 10 мнѡ́зи, ѡ҆́вцы 11 и҆ волѡ́ве, кѡ́ни пасо́мїи, ѡ҆́сл̏, ни́вы мнѡ́гы и҆ гоби́нны, в҃і мꙋⷤска и҆ же́н̾ска по́лꙋ ра́бъ мнѡⷤство, добрѣишь и҆ разли́чнѣишь. Сь̏ бг҃олюбі́выѝ мꙋ́жь поꙗⷮ женꙋ̀, е҆́иже и҆́мѧ Фео́са 12, ро́да сꙋ́щи бл҃горо́дна и҆ бога́та, та́ же принесѐ е҆мꙋ̀ с собо́ю и҆мѣ́нїе мнѡ́го. Роⷣꙵста же трѝ ча́да тоⷦмо: І҆о҆а́ннъ, сн҃ъ первенеⷰ, и҆ дще́ри двѣ̀: Ꙋ҆па́тїа і҆ Є҆ванѳїа 13, Бы́стьⷤ чтⷭ҇ы̏ 14 сь̏ мꙋⷤ ми́лостивъ по премнѡ́гꙋ, ниⷳєлю́бецъ, страннолю́беⷰ, а҆́лчющаѧ пїта́ѧ, жа́дныѧ напаѧ́ѧ, болѧ́щыⷶ 15 посѣща́ѧ, нагыⷨ ѡ҆дѣѧ́нїе 16 да́рꙋѧ и҆ дале́че и҅дꙋ́щиⷨ придава́ѧ требованїе 17, и҆ к семꙋ̀ а҆́ще кт҄о любо что проша́ше ѹ҆ него̀ когда̀, то҄ даа́шⷷ с ра́достїю, пе́рвѣе насыща́ѧ трапе́зами, и҆ та́ко провожа́аше, о҆блобыза́ѧ и҆ цѣлꙋѧ. И҆ бѣ̀ видѣⷮⷮ̏ и, ѡ҆ возлю́бленїи, ѡⷮ бл҃же́ннаго сего̀ мꙋ́жа и҆сполнѧ́емꙋ а҆пⷭ҇льскꙋю за́пѡвѣдь, е҆́же речѐ: «сподаваѧ во щедрости, преⷣстоѧ́й во тща́нїи, ми́лꙋѧй в ти́хости». Подража́ашє бо прⷣпбныи сь̏ бл҃же́наго А҆враа́мⷶ, и҆ 18 І҆ꙗ́кова прⷣвнаго, і҆ до́блѧго І҆о҆ва: та́ко ѹ҆́бо творѧ́ше и҆ та́ко пребыва́ше в лѣ́техъ мнѡ́зѣ, ꙗ҆́коⷤ бы́ти слы́шанꙋ и҆ проꙗ҆́вленꙋ и҆мѣⷩⷩню 19 є҆го̀ по все́и восто́чней стра́нѣ то̏ за премнѡ́гꙋю млⷭ҇ть є҆го̀: невозмо́жно бо е҆́сть храні́ти свѣти́\|\|лника 20 поⷣ спꙋ́доⷨ и҆ гра́да превы́шє гѡ҄ръ стоѧ́ща. Тогда̀ ѹ҆бѡ́зїи и҆ ни́щїи ꙗ҆́ко нѣ҄ ѡⷮ кото́рыѧ со́вѣсти к немꙋ̀ теча́хꙋ, \| [JPG]
21	г҃і декабрѧ а҃ дн҃ь д҃ і҆ а҆́ще кт҄о ѡⷮ ниⷯ волꙋ̀, и҆лѝ конѧ̀, и҆лѝ ѡ҆сла̀, и҆лѝ кото́раго ѡⷮ четверонѡ́гыⷯ требовааше, и҆дѧ́ше ко бл҃же́нномꙋ и҆ взимааⷲє ѡⷮ него̀, и҆ кожⷣо ѹ҆́бо ꙗ҆коⷤ 1 потре́бы хотѧ̀, томꙋ̀ повелѣва́ющꙋ, гото́во бꙋдѧаше в рꙋ́кꙋ просѧ́щемꙋ. Є҆ли́ко раздаѧше, двокра́тицею ѹ҆мнѡжа́шесѧ. Видѣ́в же пронырливый и҆ ди́вїи бѣ́съ мꙋ́жа сего̀ щедрѡ́ты и҆ млⷭ҇ти, возревнова́въ е҆мꙋ ре́вностїю ѕло́ю, ꙗ҆коже дре́вле првⷣномꙋ І҆о́вꙋ, и҆спросѝ о҆ѹ҆бо́жити є҆го̀. И҆ попꙋстѝ чл҃колю́беⷰ Бг҃ъ, не проныриваго проше́нїе и҆споⷧнѧ́а, но҄ своего̀ ѹ҆го́дника дѡблѣиша 2 поставлѧ́а, хотѧ̀ е҆мꙋ̀ все́и добро́тѣ проꙗ́вленꙋ бы́ти. Ни е҆ді́но бо ди́вно и҆ ве́лїе, реⷱ҇ преѕлы̏ бѣ́съ, твори́ти бл҃го́мꙋ мꙋ́жѫ, ѡⷮ и҆збы́тка даю́ща 3 просѧ́щїиⷨ, но҄ хотѧ́ще 4 ви́дѣти ни́ща во и҆мѣнїи, неклѝ ѹ҆́зриⷮ ни́ща во и҆зволе́нїи. И҆ прїаⷮ, ꙗ҆́коⷤ просѝ. (Ч)тоⷤ 5 ны́не; Видѣ̀ є҆го̀ ни́ща і҆ ѹ҆бо́га, видѣⷤ 6 ти́ха, и҆ блг҃а, і҆ млⷭ҇тива: Гдⷭ҇ь бо бѣ не о҆ставлѧ́а и҆̀ 7. Ѹ҆дивиⷭ҇ бѣ́съ и҆ ѡⷮи́де посра́мленъ. «Гдⷭ҇ь бо ѹ҆бо́житъ и҆ бѡга́тиⷮ, смїрѧеⷮ 8 и҆ воⷥвысиⷮ». «Возвⷣизаеⷮ ѡⷮ землѧ̀ ниⷳа, и҆ ѿ гно́ища возⷣвигнетъ ѹ҆бо́га». Мꙋ́жѫ ѹ҆́бо непреста́нно млⷭ҇тню творѧ́щю і҆ не о҆ставлѧ́ющѫ, но҄ подаю́щѫ требꙋющиⷨ скѡ́тї же и҆ сꙋ́щаѧ є҆го̀ всѧ҄, чл҃колю́бцꙋ Бг҃ꙋ ѡⷮи́мшю млⷭ҇ть ѡⷮ него̀, и҆ прело́ж̾шю, и҆ не подаю́щꙋ, ꙗ҆́коⷤ и҆ пе́рвѣе, двоі҆цї и҆лѝ̀ троичи, ѡⷮнѫⷤ во о҆бнищанїи быⷭ҇ млⷭ҇тивый мꙋⷤ. Про́чееⷤ раздаа́нїѧ 9 рад̏, плѣне́нїѧ же 10 пад̏ и҆ наше́ствїа И҆зма́лтѧнъ до́и҆де в̾ послѣⷣнюю̀ \|\| нищетꙋ̀, ꙗ҆́коⷤ и҆збы́тисѧ ѹ҆ неⷢ волѡ́въ сꙋпрꙋ́гъ е҆ді́нъ, и҆ доил̏цы е҆ді́ной съ телѧ́теⷨ, та́коⷤ и҆ коню̀ е҆ді́номꙋ, і҆ рабꙋ̀ е҆ді́номꙋ, і҆ е҆ді́нои рабы́ни. Вс҄ѧ бо, ѡ҆́ва ѹ҆́бо в̾ плѣне́нїе в̾падо́ша, а҆ дрꙋга́а в милостыню раздаꙗ́на быша, сꙋщаꙗⷤ є҆го̀ нивы под рꙋка́ми бы́ша о҆наси́лѧщиⷯ дѣ́латель и҆ съсѣд̾: ꙗ҆́коже бо ви́дѣша є҆го̀ ѡ҆бнищавша, и҆ немогꙋ́ща содержаⷮ̏ зелⷨѧ и҆ дѣ́лати, ѡ҆́ви наси́лїемъ, сїи жⷷ молбо́ю, и҆спро́с̾ше ѹ҆ него̀, раздѣл̏ша зе́млю, и҆ не о҆ста̀ 11 е҆мꙋ̀ ничесоⷤ, то́кмо ѡ҆тень до́мъ, в не́м̾же живѧ́ше до́блїи сь̏ мꙋ́жь. В тѣⷯ напа́стеⷯ сы̏ и҆ во злы̀ прикла́ды впаⷣ, терпѣли́вый не поскорбѝ, ни соблазни́сѧ, не пороⷫта̀, ни пострада̀ чт҄о чл҃ческы: но҄ е҆гда̀ внеза́пꙋ разбѡгатѣеⷮ чл҃къ, ра́дости бываеⷮ и҆спо́лнеⷩ: та́ко же сїи ѡ҆бнища́въ радⷪвашесѧ, ꙗ҆́ко ве́лїе чт҄о сокро́вище о҆брѣⷮ. И҆́мѧ́ше же на ѹ҆мѣ̀ свое́мъ Спⷭ҇во ѹ҆че́нїе, «ꙗ҆́ко неѹ҆до́бь бога́тый вни́деⷮ во црⷭ҇тво нбⷭ҇ное». О҆ се́м̾ бо нестра́стно и҆ неповинное бога́тьство сїаеⷮ 12, а҆́ще, пришеⷣшю е҆мꙋ̀, растраѧ́емъ є҆̀ 13 до́брѣ, і҆ а҆́ще, ѡⷮшеⷣшѫ е҆мꙋ̀, бес печа́ли претерпиⷨ по пи́санномꙋ: добро̀ богаⷮствⷪ добрѣ̀ в неⷨ пребыва́ющїиⷨ, и҆ добра̀ нищета̀ терпѧ́щїиⷨ в неѝ 14 бл҃годаⷬствено. Во е҆ді́нъ ѹ҆́бо ѡⷮ дн҃їи, поиⷨ сꙋпрꙋ́гъ волѡ́въ 15, и҆де ко о҆стаⷡ҇шїиⷭ҇ е҆мꙋ̀ ни́вѣ о҆ра́ть. Дѣ́лающꙋ 16 е҆мѹ̀ и҆ дѣ́лателю бл҃гомꙋ хвалꙋ̀ воⷥдающꙋ Бг҃ꙋ, е҆́же сподо́бисѧ первааго запрѣще́нїѧ сохрани́ти за́пѡвѣдь: е҆́же в̾ потѣ̀ лица̀ ꙗ҆́сти хлѣⷠ, і҆ апⷭ҇льское ꙗ҆ко трꙋжа́ющїиⷨ подобаеⷮ воспрїима́ти немощныиⷨ, а҆ и҆́же не дѣ́лаеⷮ, да не ꙗ́стъ: «поне́же бѡ всемꙋ̀ ѕлꙋ̀ наѹ҆чѝ пра́здньство» «дѣ\|\|лаѧи же свою̀ зе́млю насы́титсѧ хлѣ́ба», ѹ҆сраⷨв̏сѧ и҆ постыдѣ́въ Бж҃їа за́пѡвѣди, тща́шесѧ ѡⷮ рꙋкодѣ́ланїѧ 17 раздѣлѧ́ти 18 пи́щѹ и҆ тре́бꙋющиⷨ подаѧ́ти. И҆ по годі́не помѧнꙋ́въ писа́нїѧ ѹ҆че́нїе, ꙗ҆́ко «бл҃же́нъ ми́лꙋѧй дꙋшѧ̀ скѡⷮ свои́хъ», о҆ста́вивъ вѡлы̀ своѧ̀ и҆ возрѣ́въ ѡ҆чи́ма к живꙋ́щемꙋ на нб҃сѣⷯ \| [JPG]
22	є҃і декабрѧ а҃ дн҃ь ѕ҃і Бг҃ꙋ, хвалꙋ̀ воздаѧ́ше Є҆мꙋ̀ в тоⷨ ѹ҆боⷤствѣ и҆ в послѣ́дней нищетѣ. Мꙋ́жѫⷤ нѣ́которомꙋ ѡ҆рющѫ свою̀ ни́вѹ, в то́и же дн҃ь, напра́сно вострепетаⷡ҇, е҆ді́нъ ѡⷮ волѡ́въ є҆го̀ паⷣ скончѧ́сѧ. Дѣ́лательⷤ, в неча́ѧнꙋю впа́дъ печаⷧ, і҆ ѹ҆вы̀ мн҃ѣ ча́сто вопїѧ̀, и҆ веⷧк̏ꙋⷻ напа́сть бы́ти помышлѧ́ше ве́щї, воздыха́а рыдаа́ше, в потѣ мнѡз̏ рѣ́ѧсѧ, и҆ па́че помышлѧа тщетїе своѐ, и҆ заимода́веⷰ неѹ҆кроті́мое немилосе́рдїе, е҆́же и҆́мꙋтъ, і҆ о҆ презрѣ́нїиⷯ и҆ мꙋжде́нїихъ 1, и҆ скорбѧ̀ иⷥ глꙋбины̀ срцⷣа, воздыха́ѧ, со мнѡ́гыми слеза́ми гл҃ше: Влⷣко і҆ Бж҃е, и҆но́го ничесоⷤ нѣ́сть ми, то́кмо волѡ́въ сꙋпрꙋ́гъ, и҆ за премнѡ́жьство мнѡ́гѡ моиⷯ лютыⷯ грѣхѡ́въ і҆ сего̀ лише́нъ бы́сть 2, о҆каꙗ́нныи: чт҄о ѹ҆́бо рекꙋ̀ и҆лѝ что̀ сотворю̀, нището́ю всю́дꙋ ѡ҆бдержиⷨ; Та́че 3 малⷪ помолча́въ и҆ па́ки востенаⷡ҇ го́рко, реⷱ҇: Гдⷭ҇и, ви́ждь печа́ль мою̀ и҆ дажⷣь ми҄ ше́ствїе пꙋтѝ блг҃а, да не ка́знїⷻ лю́тою сд҆ѣ ѹ҆мрꙋ. Ка́ко ѹ҆́бо и҆ ѡⷮкꙋдꙋ пита́ю женꙋ̀ и҆ дѣⷮ̏; ѡⷮкꙋ́дѹⷤ да́нь цр҃ви да́мъ; ѡⷮкꙋ́дꙋ ѡ҆брѣⷮ заи҆́мное, воздаⷨ тре́бꙋющыⷨ дѡ́лгъ; Ты҄ свѣ́си, Влⷣко, созда́выи е҆ди́нъ чл҃чьскаѧ срⷣцѧ, ꙗ҆ко заиⷨ сїѧ̀ пребыва́хъ, и҆ сѐ и҆згыбѐ. Ѹ҆вы̀ мн҄ѣ грѣшномꙋ, ꙗ҆ко не довѣ́дѣ 4, чт҄о сотвори́ти. О҆ста́влю ѹ҆́бо хꙋды́и ми҄ домо́къ і҆ о҆тидꙋ̀ на странꙋ̀ далечѐ, \|\| пре́жде да́жьⷣ не бꙋ́деⷮ моиⷨ заимода́вцеⷨ проꙗ҆влено: и҆бо̀, а҆́ще бꙋ́деⷮ се҄ ѹ҆вѣ́дѣно, пришеⷣше нападꙋⷮ на́ мѧ 5, ꙗ҆́ко звѣрїе сверѣпїи. Гдⷭ҇и Бж҃е, а҆ще не бы̀ о҆ѹ҆бо́жаⷧ нищелю́беⷰ Ѳиларе́тъ, и҆́же по и҆́стиннѣ Бж҃їи чл҃вкъ, то҄ аⷥ, шеⷣ к немꙋ, прїаⷧ быхъ ѡⷮ него̀ 6 дрꙋ́гїи во́лъ и҆ ѡⷮри́нꙋⷧ си быⷯ печа́ль. Нн҃е же і҆ о҆́нъ, в такꙋюⷤ нищетꙋ̀ впаⷣ, и҆нѣмъ проси́тель бываеⷮ. Си́ же е҆мꙋ в себѣ помышлѧ́ющю, речѐ к себѣ̀ са́мъ: поидꙋ̀ к мꙋ́жю, дре́внемꙋ пита́телю стра́нныⷨ, и҆ возвѣщꙋ̀ 7 е҆мꙋ̀ ꙗ҆́же ѡ҆ напа́сти мое́и, да понѐ поскорбиⷮ со мно́ю і҆ о҆ста́виⷮ 8 ма́ло ꙗ҆́же ѡⷮ ско́рби и҆ печа́ли: вѣ́м̾ бо, вѣⷨ, ꙗ҆́ко а҆́ще и҆ не и҆мы́й чт҄о вда́ти, но҄ дово́лном̏ бꙋ́деⷮ ко ѹ҆тѣше́нїю сло́во е҆го̀ сла́дкое по писа́нїю, гл҃ющемꙋ: «лꙋ́че е҆сть сло́во, не́же даѧ́нїе». О҆бы́ча̏ бо е҆́сть чл҃вкоⷨ, е҆гда̀ ви́дѧⷮ дрꙋ́гы своѧ̀ в напа́сти и҆ печѧл̏, поскорбѣва́юⷮ с ни́ми, і҆ ѹ҆тѣше́нїе комꙋⷤдо прї̏ма́ти, и҆ па́ки до́брѣ пребывающеⷨ 9 и҆́мъ, раⷣуютсѧ с ни́ми, и҆ боⷧшꙋю радость и҆́мꙋⷮ, и҆ бо́лша любы̀ в ни́хъ ꙗ҆влѧ́еⷮсѧ. Сего̀ паⷣꙵ а҆пⷭ҇лъ поѹ҆ча́ѧ гл҃еⷮ: «ра́доватисѧ с ра́дꙋющимиⷭ҇, и҆ пла́кати с пла́чющими. Се́ же в себѣ̀ мрⷣъствꙋюще, и҆ не высо́кое 10 мрⷣъствꙋите, но҄ съ смире́ными сходѧ́щесѧ», е҆́же е҆́сть ѹ҆божа́щїимсѧ соѹ҆бо́жити, плачющиⷨсѧ съпла́кати, немощныⷨ по́мощи, болѧ́щаѧ воспомина́ти и҆ ненадѣѧтиⷭ҇ на богаⷮство беⷥвѣ́стное. Чт҄о ѹбⷪ ин҃е дѣ́латель о҆́нъ; Взеⷨ же́злъ, в не́мже о҆стень, при̏де к Ѳиларе́тꙋ, і҆ о҆брѣте є҆го̀ ѡ҆рѫ́ща, и҆ поклони́сѧ е҆мꙋ̀, и҆ цѣлова́въ и҆ лобза́нїеⷨ, начѧⷮ повѣ́дати со слеза́ми о҆ напа́сти є҆го̀. А҆́бїе же внꙋши́въ печа́лныиⷯ гл҃ъ, и҆́же во и́стинꙋ Ѳилареⷮ, м́лⷭ҇ти\|\|вый 11 о҆́нъ мꙋ́жь, пото́мъ со тща́нїеⷨ ѡⷮрѣши́въ е҆ді́нъ во҄, речѐ к дѣ́лателю: поймѝ, бра́те, ма́лаго сего̀ волⷶ и҆ печа́ль ѡⷮи҆мѝ ѡⷮ себѐ. Поми́лованыиⷤ мꙋ́жь, видѣ́въ веледш҃їе и҆ бл҃гопода́тїе бл҃же́ннаго, и҆ к зеⷨлѝ прекло́ньсѧ, речѐ: ѓдⷭ҇и мо́и, и҆бо иⷥволе́нїе твоѐ вели́ко, и҆ дивно, і҆ Бг҃ꙋ бл҃гопрїа́тно, а҆ е҆́же разлꙋчи́ти во́лъ ѿ дрꙋга є҆го̀, и҆но́го не и҆мꙋщю ти҄, все́ же невозмо́жно е҆́сть. Прпⷣбныи же речѐ: бра́те, поне́же вѣщахъ рекъ 12, сь̏ сотвори: \| [JPG]
85	декабрѧ д҃ дн҃ь рм҃а м҃ѕ. О҆ чистотѣ̀. м҃з. О҆́ а҆нти́хри́стѣ. м҃и. О҆ въскр҃с́енїи мр҃твыⷯ. м҃ѳ. О҆ вѣрѣ. н҃. О҆ въста́нїи ѹ҆чѧщꙋ. н҃а. Ꙗ҆коже нѣ́сть вне подо҆бы воста́нїе. н҃в. Ꙗ҆коже мощно е въ всѧ̀ съставы. н҃г. Невѣрнаго вопро́сь. н҃д. Приклади ѡ҆ воста́нїи. \|\| В̾ т́оиⷤ д́н҃ь кні́га¹ ст҃ѓо І҆ѡꙵ҇а́нⷶ Дамаски́на. Слѡ́во пе́рвѡє̀. Ѡ҆́ Бѕѣ҃. І҆ѡ҆а́ннъ е҆ѯа́рхъ². «Б́г҃а никтѡ́же не видѣ николи́же. И҆ноча́дыѝ³ Сн҃ъ, сы́и в на́дрѣⷯ Ѡ҆ч҃иⷯ, То́и и҆сповѣда о҆ Не́мъ». И҆ неи҆зъгл҃анно ѹ҆бо Бжⷭ҇тво и҆ недовѣ́домо. «Не с̾вѣ́сть бо никто́же О҆ц҃а, ра́звѣ Сн҃а, ни Сн҃а вѣсть ктѡ, ра́звѣ О҆ц҃а». И҆ Ст҃ы́иⷤ Дх҃ъ та́ко вѣ́сть Бж҃їе все̏, ꙗ҆коже и҆ дш҃а чл҃ча вѣ́сть е҆же въ чл҃цѣ. По пе́рвѣм̾ же и҆ блаже́нѣмь е҆стествѣ не ѹ҆вѣдѣ никто́же николи́же Бг҃а, развѣ е҆мѹ́же То́и Са́мъ ꙗ҆ви, не ѡⷮ чл҃къ то́кмо, но҆ и҆ ѡⷮ тѣхъ сам́ѣхъ а҆гг҃лъ. О҆ба́че не ѡ҆ста́ви насъ Бг҃ъ в невѣдѣнїи всѧ́комъ бъх̾ма, но творѧ чл҃ка, въ єⷭ҇ствѣ е҆мѹ̀ даѧ̀ ра́зѹмъ вѣдѣти, ꙗ҆ко є҆сть Бгъ҃. И҆ си́ же всѧ̏ тва́рь, и҆ строе҆нїе є҆ѧ̀, и҆справле́нїе⁴ ꙗ҆влѧ́етъ вели́чьство єⷭ҇ства гл҃а⁵. Зако́ном же пре́же и҆ прⷪ҇ркы, пото́м̾ же Сн҃ѡⷨ е҆диноча́дымъ, Ѓм҃҃ь же І҆ѵ҃ Хм҃ъ и Бг҃омъ на́шимъ проти́вѹ мощи⁶ на́шеи да́сть ны ра́зꙋмъ, Все̏ ѹ҆бо, е҆же є҆сть предано на́мъ зарм҃в ко́номъ и҆ прⷪ҇ркы, и҆ а҆пⷭ҇лы, і҆ е҆ѵⷢ҇алисты, прїе́млемъ, и҆ вѣ́мъ, и҆ чте́мъ, и҆ лю́бимъ, ничто́же не и҆щѹще ми́мо се҄. Доброда́вець бо Бгъ҃ сыи, всемѹ̀ добрѹ датель єⷭ҇, не завис́т[и], ни⁷ зли̏ никое҆ѧже пови́ненъ сыи: далече бо [есть Бж҃иꙗ]⁸ еⷭ҇ства всѧ́ка ѕо́ль, то́и бо е҆ди́но е҆стество Бж҃їе бе́з̾ вреда и҆ беⷥ зависти. Да ꙗ҆коже всевѣ́дыи, е҆же ком́ѹжⷣо на строи е҆сть, та́ко же є҆̀ ѹ҆строи, е҆же ны и҆ быⷭ҇ и҆но вѣ́дѣти, томѹ́ же ны и҆ ра́зѹмъ да́сть, е҆го҆же ли на́шъ ѹ҆мъ не можа́шесѧ домы́слити, \|\| ѡ҆ то́м же и҆ помолча̀. Да си́ мы преда́нїꙗ любиⷨ и҆ пребываемъ в ниⷯ, не прелага́ю҆ще ѹ҆ставы вѣ́чныѧ, ни престꙋпа́юще Бж҃їа преданїа. Сло́во в҃⁹ ѡ҆ гл҃анѣмъ и҆ негл҃анѣмъ, и҆ вѣ́домѣмъ и҆ невѣдомѣмъ. И҆́же мы́слить ѡ҆ Бѕ҃ѣ гл҃ати что҄ и҆ли слыша́ти, то требѣ¹⁰ єⷭ҇ е҆мꙋ во и҆стинꙋ вѣ́дѣти, ꙗ҆коже ни҆ всѐ є҆же¹¹ гл҃ано, ни па́кы все негл҃ано, и҆ ѡ҆ бг҃ослове́сїи, и҆ ѡ҆ чл҃костро́и҆ствѣ, ни єⷭ҇ па́кы [не]¹² всѐ недовѣ́домо, ни все вѣдомо. И҆но же е҆сть вѣ́домо, и҆но же гл҃ано: ꙗ҆коже е҆сть и҆но гл҃ати, и҆но же вѣ́дѣти. Мноⷢ҇ бо ѹ҆бо ѡ҆ Бѕ҃ѣ хѹдоразѹ́мно, не ѕѣло же сѧ можеть сказа́ти: но е҆же в наⷭ҇, тѣ́м же нѹ́димъ, єⷤ е҆сть вы́ше наⷭ҇ ѡ҆ то́м же гл҃ати¹³: ꙗ҆коже се҄ при Бѕ҃ѣ гл҃емъ со́нъ, и҆ гн́ѣвъ, и҆ лѣ́ность, рѹ́цѣ же, и҆ ноѕѣ, и҆ дрѹга́а подо́бнаа словеса̀. А҆ ꙗ҆коже єⷭ҇ Бгъ҃ без начаⷮка, без конца̀, вѣ́ченъ, прⷭ҇но сыѝ, несъзда́нъ, неи҆з̾вра́тенъ, неи҆змѣ́ненъ, про́стъ, несло́женꙸ, ¹ В̾ то́иⷤ дн҃ь кнї́га.... въ У. нѣтъ. ² Греч. текстъ, съ которымъ произведено сличеніе, въ Патрологіи Миня, греч. серіи т. XCIV, столб. 789 и сл. Для исправленія текста употребл. также рукоп. Моск. син. б. ХII—ХIII в. № 108. ³ Въ У. позднѣйш. р. исправл. е҆ди҄ночѧ́дыѝ. ⁴ Д. ч. (съ № 1О8): и правлениѥ. ⁵ Гр. ϑείας — Би҃ꙗ (съ № 108). ⁶ У. мощеи. ⁷ Ц. и У. не зави́стни, испр. соотв. № 1О8. ⁸ Доп. изъ № 108. ⁹ в҃.... въ Ц. на полѣ, въ У— нѣтъ. ¹⁰ то требѣ.... такъ въ У., въ Ц. потребѣ, а надъ строк. доб. то. ¹¹ № 108: ѥсть. ¹² не нѣтъ въ № 1О8. ¹³ но е҆же — гл҃ати.... гр. ἀλλὰ τὰ ϰαϑ᾿ ἡμᾶς ἀναγκαζόμεϑα ἐπὶ τῶν ὑπὲρ ἡμᾶς λέγειν, т. е. «но по нашему (человѣкообразно) вынуждаемся говоритъ о томъ, что выше насъ». \| [JPG]
86	декабрѧ д҃ дн҃ь рм҃г беспло́тенъ, неви́димъ, нео҆сѧжиⷨ, неѡ҆пи́санъ, безмѣреⷩ҇, непостижиⷨ, и҆ безъ ѡ҆бѧтїѧ, недоразꙋменъ, бл҃гъ, пра́вдивꙸ, всемо́щенъ, всемꙋ̀ зда́нїю творецъ, всемѹ̀ съдержа́тель, всевѣдець, всемѹ̀ проразѹ́мникꙸ, влⷣка, сѹⷣѧ, и҆ вѣмь, и҆сповѣ́дае҆мъ: а҆ ꙗ҆́ко е҆динъ єⷭ҇ Бъ҃, ре́кши сѹ́щїа е҆ди́но, ꙗ҆ко [є҆сть]¹ въ треⷯ ѹ҆пост́асеⷯ познава́етсѧ і҆ е҆сть, О҆ц҃а рекѹ̀, и҆ Сн҃а, и҆ Ст҃го Дх҃а, і҆ а́ко Ѿц҃ь, и҆ Сн҃ъ, и҆ Ст҃ыѝ Дх҃ъ всѧ́ческы̏ е҆дино сꙋ́ть, ра́звѣ нерожьства, и҆ рожества, и҆схода̀, и҆ ꙗ҆ко и҆ночѧ́дыи² Сн҃ъ, Сло́во Бж҃їе и҆ Бо́гъ, млⷭ҇рдїемъ Свои҆мъ, на́шего дѣлмⷶ сп҃сенїа, и҆зволенїемъ О҆ч҃имъ \|\| и҆ дѣиствоⷨ Ст҃го Дх҃а без сѣ́мене Сѧ прїи́мъ, бес тлѧ̀ ѡⷮ ст҃ыѧ̀ двⷣца и҆ бц҃а Мр҃їа роди́сѧ Ст҃ы́мъ Дх҃омъ, и҆ чл҃къ соверш́енъ ѡⷮ неѧ̀ быⷭ҇, и҆ ꙗ҆ко Тоⷤ Бъ҃ соверше́нъ єⷭ҇ кѹ́пно и҆ чл҃къ соверше́нъ, ѡⷮ двою̀ єⷭ҇ствѹ, Бжⷭ҇тва и҆ чл҃чьства, и҆ въ двою̀ єⷭ҇ствѹ̀ разѹ́мнꙋ, хотѧ́щѹ же, и҆ дѣи҆ствꙋю҆щѹ, и҆ самовла́стнома, и҆ с̾прѡ́ста рещѝ, до конца̀ и҆мꙋ́щема, ꙗ҆коже комѹ́жⷣо лѣ́по єⷭ҇, ѹ҆ста́вѹ и҆ словесѝ, Бжⷭ҇твꙋ рекѹ̀ и чл҃чьствѹ, въ е҆ди́нѹ же сложе́нꙋ ѹ҆поста́сь, а҆ ꙗ҆коже жа́денъ єⷭ҇ бы́лъ, а҆́лченъ, и҆ трѹ́денъ, и҆ ра́спѧтъ, и҆ смр҃ти и҆ гробныѝ и҆скꙋ́съ приѧⷮ, и҆ въста̀ тр́етїи дн҃ь, и҆ на нб҃о вѕи́де, ѡⷮнѹдꙋже и҆ к на́мъ прїиде, и҆ прїити и҆мать па́кы послѣ́ же, и҆ ст҃аѧ̀ писа́нїѧ и҆ ве́сь ли́къ ст҃ыѝ послѹшьствꙋю҆ть. А҆ что е҆сть Бж҃їе сѹ́щїе, и҆ли ка́ко єⷭ҇ въ всѣⷯ, и҆ли ка́ко ѡⷮ Бга҃ Бгъ҃ роди́сѧ и҆ли и҆ѕи́де, и҆ли ка́ко Сѧ понови́въ³ и҆ночѧдыѝ⁴ Сн҃ъ и҆ Бгъ҃, и҆ чл҃къ быⷭ҇ ѡⷮ дв҃чьскихъ кро́вїи, и҆нѣмъ чрезъ е҆стественыѝ о҆бы́чаи сътворивсѧ, и҆ли ка́ко неѡ҆моче́нама нога́ма по вода́мъ⁵ хожа́ше, и҆ недовѣ́доⷨ, и҆ гл҃ати не мо́жеⷨ. рм҃д Не́мощно ѹ҆бо что ра́звѣ сего҄, е҆же ѡⷮ Бга҃ дано бжⷭ҇твеными словесы̀, и҆ ѡⷮ ве́тхаⷢ҇ и҆ ѡⷮ новаго завѣ́та намъ є҆сть и҆з̾гл҃ано и҆ ꙗ҆веⷧно, рещи чтѡ̀ ѡ҆ Бѕ҃ѣ и҆ли помы́слити. Сло́во г҃. Сказа́нїе⁶, ꙗ҆ко є҆сть Бгъ҃. Ꙗ҆́ко єⷭ҇ Бгъ҃, и҆же ст҃аа̀ писа́нїа прїе҆млюⷮ, ве́тхїи и҆ но́выѝ завѣⷮ рекѹ́же,— ве́тхїи и҆ но́выѝ завѣтъ єⷭ҇, и҆же Моѷси Жидоⷨ преда́сть, и҆ пот́омъ а҆пⷭ҇ли на́мъ преда́ша, — да и҆же та о҆ба завѣ́та дръжи́мъ⁷, то непръно е҆мѹ̀ єⷭ҇, ꙗ҆коже єⷭ҇ Бгъ҃, и҆ Е҆линъ мно̑ѕѣⷨ: ꙗ҆коже гл҃ахомъ, въ єⷭ҇ствѣ всѣ́а҆но на́шеⷨ вѣдѣ́нїе, \|\| ꙗ҆ко єⷭ҇ Бгъ҃. Но и҆мже толи́ко воⷥможе непрїа́знина ѕло́ба на члч҃е єⷭ҇ство и҆ в толи́кѹꙗ҆̀ поги́бель в̾ведѐ, ꙗ҆коже гл҃ати е҆теромъ: нѣⷭ҇ Бга҃, — и҆х̾же безѹмїе ꙗ҆влѧ́а̀, Дв҃дъ реⷱ҇: «рече безѹ́мныи въ срⷣцы своемъ: нѣⷭ҇ Бга҃», — Гн҃и же ѹ҆чн҃цы и҆ а҆пⷭ҇ли, ѡⷮ Ст҃го Дх҃а премрⷣѡсть прїи́мше, и҆ Того̑ си́лою и҆ дароⷨ вели́ка чюдеса̀ творѧ́ще, вели́кою тою̀ ѡ҆метїю на свѣтъ ѹ҆вѣде́нїю Бга҃ ѡⷮ глѹбины невѣденїа ѹ҆лавлѧ́юще и҆зв̾лачахꙋ. Та́коже и҆же тѣⷯ намѣстнїцы сѹⷮ и҆ прїи҆мцы да́рꙋ и҆ силѣ, пастѹси́ же и҆ ѹ҆чи́тели, о҆свѣщаю҆ще да́ръ Ст҃го Дх҃а прїимше, и҆ чюдотворными силами, и҆ до́брыми же ѹ҆че́нїи о҆свѣща́хꙋ [тьмьнꙑꙗ]⁸ и҆ заблѹди́вшаго⁹ о҆браща́хѹ. Мы же, и҆же ни чюде́съ, ни ѹченїю да́ра прїахомъ, — недост́оини бо сѧ сътвор́ихомъ, жизни сеѧ̀ сла́сть любѧ́ще,— ѡ҆баче се̏ да поне ма́ло, е҆же є҆смь прїѧли ѡⷮ ѹчи́тель ст҃ы́хъ, ѡ҆ тоⷨ же побесѣ́дꙋемъ, О҆ца҃ и҆ Сн҃а, и҆ Ст҃го Дх҃а нарекше¹⁰. Все сꙋщїе и҆ли здан̾ное¹¹, и҆ли незда́н̾но. А҆ще ѹ҆бо єⷭ҇ зда́нно, то и҆з̾вра́тно: е҆го̑же бо бы́тїе ѡⷮ и҆з̾вра́та начѧ́сѧ, то то и҆з̾вра́тѹ ¹ Нѣтъ въ № 1О8 и гр. ² У. потомъ попр. е҆ди҆ночѧдыѝ. ³ Очев. переводч. читалъ въ оригиналѣ: καινώσας, совр. гр. κενώσας — истощивъ (Филип. II, 7). ⁴ У. потомъ попр.: едїночѧдыѝ. ⁵ У. по вода́хъ. ⁶ Гр. ἀπόδειξις. ⁷ ве́тхїи и҆ но́выѝ завѣтъ єⷭ҇ — дръжи́мъ.... въ гр. нѣтъ. ⁸ Доп. изъ № 1О8. ⁹ Д. ч. (съ № 1О8): заблѹдивъшаѧ. ¹⁰ Гр. ἐπικαλεσάμενοι — «призвавши себѣ (на помощь)». ¹¹ Д. ч. (съ № 1О8): зъдано есть. \| [JPG]

ID	1040360688
Title	[Velikij minei čet’i, (10) Dekabrʹ, dni 1-5] Velikija minei četii, 10, Dekabrʹ : dni 1-5
Jahr	Moskva - Archeografičeskaja Kommissija - 1901 - X Seiten, 590 Spalten
Subjects	VMČ Dekabr’ 1-5
Cat-URL	https://stabikat.de/DB=1/XMLPRS=N/PPN?PPN=1040360688
URL	http://resolver.staatsbibliothek-berlin.de/SBB00025146000F0000
PURL	Citation link

Church Slavonic Old Prints

[Velikij minei čet’i, (10) Dekabrʹ, dni 1-5] Velikija minei četii, 10, Dekabrʹ : dni 1-5