Портал славістики

[root][corphub]

Church Slavonic Old Prints

The database of Church Slavonic (old) prints of the SBB-PK offers an overview of the prints and the approximately 1000 pages obtained and proofread with Transkribus in "Ground Truth" quality. The full text search in the text corpus of the GT data can be carried out via this widget.

ID1039872964
Title

[Praščica duchovnaja] Praščica duchovnaja

JahrSanktpeterburg - Tip. Aleksandro-Nevskogo Monastyrja - 1721 - 410, 31 Bl. 2°
NoteTitel- und Veröffentlichungsangaben aus der Bibliographie (Zernova) übernommen; +/-
Autopsie nach Exemplar der SBB
Paginierung des Exemplares: Bl. 1 (Titelbl.), 1-410, 1-3, 1-31
Zernova, A. S. Svodnyj katalog russkoj knigi kirillovskoj pečati XVIII veka, 1968, Nr. 1341
In kyrill. Schr., kirchenslaw.
SubjectsPraščica duchovnaja
Cat-URLhttps://stabikat.de/DB=1/XMLPRS=N/PPN?PPN=1039872964
URLhttp://resolver.staatsbibliothek-berlin.de/SBB00024F9800000000
PURLCitation link
Page-NrPage-Content [2]
25Предисло́вїе на кни́гꙋ, сїю̀ наименова́ннꙋю ПРА́ЩИЦА Дх҃О́ВНАѦ, къ вопроси́телємъ раско́лническагѡ мꙋдрова́нїѧ лжедїа́конꙋ А҆леѯа́ндрꙋ со всѣ́ми є҆мꙋ̀ послѣ́дꙋющими, и҆ къ прѡ́чїимъ раско́лщикамъ всѣ́хъ толкѡ́въ ра́зныхъ: къ Попо́вщинѣ и҆ къ Без̾попо́вщинѣ, и҆́же без̾стꙋ́днѣ многораⷥли́чными хꙋла́ми ратобо́рственнѣ наска́кꙋютъ на ст҃ꙋ́ю восто́чнꙋю и҆ великорѡссі́йскꙋю цр҃квь. Возгремѣ̀ въ под̾со́лнечной громогла́снѡ, сн҃ъ ромо́въ, просвѣще́нный наи́тїемъ прест҃а́гѡ и҆ животворѧ́щагѡ Дх҃а, в̾ бг҃осло́вїи горѣпа́рнѣйшїй ѻ҆ре́лъ, гл҃ю, ст҃ы́й а҆пⷭ҇лъ І҆ѡа́ннъ є҆ѵⷢ҇лі́стъ, гл҃ѧ си́це: всѧ́къ престꙋпа́ѧй и҆ не пребыва́ѧй во ѹ҆че́нїи Хрⷭ҇то́вѣ, Бг҃а не и҆́мать: пребыва́ѧй же во ѹ҆че́нїи Хрⷭ҇то́вѣ, се́й и҆ Ѻ҆ц҃а̀ и҆ Сн҃а и҆́мать. а҆́ще кто̀ прихо́дитъ къ ва́мъ и҆ сего̀ ѹ҆че́нїѧ не прино́ситъ, не прїе́млите є҆го̀ въ до́мъ, и҆ ра́доватисѧ є҆́мꙋ не гл҃ите: глаго́лѧй бо є҆мꙋ̀ ра́доватисѧ, соѻбща́етсѧ дѣлѡ́мъ є҆гѡ̀ ѕлы҄мъ . Всѝ ѹ҆́бо є҆ретїцы̀, ѿлꙋча́ющыисѧ ѿ ст҃ы́ѧ восто́чныѧ цр҃кве раско́лами, и҆ є҆ресьмѝ, и҆ но́вшествы, пребыва́юще во ѹ҆че́нїи Хрⷭ҇то́вѣ, но всѧ́чески престꙋпа́юще Хрⷭ҇то́во ѹ҆че́нїе, ѿчꙋжда́ютсѧ ѿ Бг҃а, ꙗ҆́коже ѿ ни́хъ ви́дѣти є҆́сть при́кладъ ѿ дре́внѧгѡ є҆ретїка̀ А҆́рїа, и҆́же не пребы̀ во ѹ҆че́нїи Хрⷭ҇то́вѣ. Ѹ҆ча́ше хрⷭ҇то́съ гл҃ѧ си́це: а҆́зъ во ѻ҆ц҃ѣ и҆ Ѻ҆ц҃ъ во мнѣ̀, и҆ па́ки: А҆́зъ и҆ Ѻ҆ц҃ъ є҆ди́но є҆сма̀: а҆́ще кто̀ лю́битъ мѧ, сло́во моѐ соблюде́тъ, и҆ Ѻ҆ц҃ъ мо́й возлю́битъ є҆го̀, и҆ к̾ немꙋ̀ прїи́дема, и҆ ѻ҆би́тель ѹ҆ негѡ̀ і҃ глⷡ҇а а҃ сті́хъ д҃ і҆ѡаⷩ҇ глⷡ҇а ді҃ заⷱ҇ м҃и сті́хъ | [JPG]
26ѹ҆ негѡ̀ сотво́рима, и҆ прѡ́чаѧ си҄мъ подо҄бнаѧ ѹ҆чѧ̀, гл҃аше, ꙗ҆влѧ́ѧ Хрⷭ҇то́съ ко Ѻ҆ц҃ꙋ своѐ є҆диносꙋ́щїе безнача́лное, и҆ безконе́чное, но престꙋпа́ше то́й ѡ҆каѧ́нный, и҆менꙋ́ѧ Хрⷭ҇та̀ Сн҃а Бж҃їѧ Ѻ҆ц҃ꙋ̀ не є҆диносꙋ́щна, но и҆носꙋ́щна, не безнача́лна но нача́ло и҆мꙋ́ща, и҆ тва́рь а҆ не творца̀ гл҃аше є҆го̀ бы́ти проклѧ́тый. Подо́бнѣ и҆ бг҃оме́рзскїй є҆реті́къ Македо́нїй не пребыва́ше же во ѹ҆че́нїи хрⷭ҇то́вѣ, рече́ бо хрⷭ҇то́съ ко ст҃ы́мъ свои҄мъ ѹ҆чи҃кѡ́мъ и҆ а҆пⷭ҇лѡмъ: Ше́дше наꙋчи́те всѧ̀ ꙗ҆зы́ки, крестѧ́ще и҆̀хъ во и҆́мѧ Ѻ҆ц҃а̀, и҆ Сн҃а, и҆ ст҃а́гѡ Дх҃а, и҆ прѡ́чаѧ. И҆ си́ми словесы̀ Хрⷭ҇то́съ Сп҃си́тель наꙋча́етъ всѣ́хъ вѣ́ровати Ѻ҆ц҃а̀ и҆ Сн҃а и҆ ст҃а́гѡ Дх҃а є҆диносꙋ́щна, безнача́лна, и҆ безконе́чна, и҆ ни кꙋ́юже ѵ҆поста́сь ко́еѧ бо́лши и҆лѝ ме́нши, но сꙋ́ть соприсносꙋ́щни: Македо́нїй же є҆реті́къ в̾ таково́мъ Хрⷭ҇то́воⷨ ѹ҆че́нїи не пребы́сть, но престꙋпа́ше то́е ѡ҆каѧ́нный: ѹ҆ча́ше бо вѣ́ровати Дх҃а ст҃а́гѡ Ѻ҆ц҃ꙋ̀ и҆ Сн҃ꙋ бы́ти не є҆диносꙋ́щна, но и҆носꙋ́щна, и҆ не Бг҃а и҆́стинна, но тва́рь и҆ созда́нїе бы́ти гл҃аше ѡ҆каѧ́нный. Та́кѡ ѹ҆́бо є҆ретїцы̀: Несто́рїй, А҆полїна́рїй, Саве́лїй, Дїѻско́ръ, и҆ прѡ́чїи всѝ дре́внїи є҆ретїкѝ, раско́лщики, во ѹ҆че́нїи Хрⷭ҇то́вѣ не пребы́ша, но престꙋпи́вше весма̀, ст҃ꙋ́ю восто́чнꙋю цр҃ковь и҆ всѧ̑ є҆ѧ̀ ст҃а҄ѧ та҄инства, и҆ догма́ты, и҆ єѧ̀ па́стырей мно́гими хꙋла́ми рꙋга́юще и҆ разли́чными ѹ҆кори́знами ненасы́тнѡ гажда́ша, и҆ ꙗ҆́кѡ псѝ бѣснова́тїи безстꙋ́днѡ на всѐ бл҃агоче́стїе наска́чꙋще, и҆ ꙗ҆́кѡ ѕмі́еве и҆ а҆́спидове дꙋшеꙋбі́йственный ꙗ҆́дъ своегѡ̀ є҆реті́ческагѡ мꙋдрова́нї маⷴ глⷡ҇а к҃и заⷱ҇ рѕ҃і | [JPG]