slavistik-portal
Портал славістики
The database of Church Slavonic (old) prints of the SBB-PK offers an overview of the prints and the approximately 1000 pages obtained and proofread with Transkribus in "Ground Truth" quality. The full text search in the text corpus of the GT data can be carried out via this widget.
ID | 1039863647 |
Author(s) | Stratemann, Wilhelm |
Title | [Featron ili Pozor istoričeskij] Featron ili Pozor istoričeskij, izjavljajuščij povsjudnuju istoriju Svjaščennogo Pisanija i graždanskuju, črez desjat' ischodov, i věki vsěch carej, imperatov, pap Rimskich i mužej slavnych, i pročaja ... črez Vilgema Stratemana nasobrannyj. Nyně že na Rossiiskij jazyk s Latinskago prevedennyj ... Ieromonach Gavriil s potrudivšimisja |
Jahr | Sanktpeterburg - Tip. Aleksandro-Nevskogo monastyrja - 1724 - 6, 449, 20, [2] Bl 2° |
Note | Titel- und Veröffentlichungsangaben vom hs. Titelbl. übernommen; +/- Autopsie nach Exemplar der SBB Vorlageform des Erscheinungsvermerks: napečatasja pri Sanktpiterburchě v Troickom Aleksandronevskom monastyrě Zernova, A. S. Svodnyj katalog russkoj knigi kirillovskoj pečati XVIII veka, 1968, Nr. 1359 In kyrill. Schr., kirchenslaw. |
Subjects | Featron |
Cat-URL | https://stabikat.de/DB=1/XMLPRS=N/PPN?PPN=1039863647 |
URL | http://resolver.staatsbibliothek-berlin.de/SBB00024F8500000000 |
PURL | Citation link |
Page-Nr | Page-Content [1] |
11 | Добро́хотномꙋ і҆сто́рїи Люби́телю. Е҆гда̀ ѿверза́етсѧ тебѣ̀ і҆сторїе чита́телю Позо́ръ се́й і҆сторі́ческїй, забл҃госотвори́ши, а҆́ще въ преддве́рїи є҆гѡ̀ ста́въ, пред̾ꙋвѣ́си, ка҄ѧ и҆́мꙋтъ бы́ти ꙗ҆влє́нїѧ, и҆ ка҄ѧ дѣ҄йствїѧ, кто̀ творе́цъ, и҆ ка́кѡ разсꙋжде́нїе своѐ ѹ҆правлѧ́ти въ чте́нїи предложе́нныхъ; и҆́бо та́кѡ и҆скꙋси́выйсѧ, и҆зрѧ́днѣе въ тече́нїи всегѡ̀ сегѡ̀ позо́рнагѡ по́двига воз̾ѡбꙋчи́шисѧ. Пе́рвѣе ѹ҆́бѡ да ѹ҆́вѣ́си, ꙗ҆́кѡ позо́ръ се́й и҆з̾ѧваѧ́етъ тебѣ̀ повсю́днꙋю і҆сто́рїю: є҆ѧже кі҄ѧ сꙋ́ть похвалы҄, и҆ что̀ ѻ҆на̀ є҆́сть, за премно́жеством свидѣ́телствъ ст҃ы́хъ ѻ҆ц҃є́въ, и҆ полїті́ческихъ писа́телей, є҆два̀ и҆зрещѝ возмо́жно: ѻ҆ба́че понѐ нѣ҄каѧ и҆зрѧ҄днѣйшаѧ, є҆гда̀ всѧ̑ неꙋдо́бнѡ, тебѐ ра́ди і҆сто́рїелюби́телю предложа́тсѧ. Хо́щеши ли вѣ́дати похвалы҄ є҆ѧ̀; слы́ши ст҃а́го Григо́рїа бг҃осло́ва, въ стїха́хъ до Нїковꙋ́ла си́лꙋ і҆сто́рїи и҆з̾ꙗвлѧ́ющаго и҆ гл҃го́лющаго: Си́ла є҆ѧ̀ (і҆сто́рїи) и҆стиннѡ є҆́сть ѹ҆диви́телнаѧ, є҆́юже быва́етъ, ꙗ҆́кѡ є҆ди́нагѡ чл҃вѣ́ка мы́сль, и҆з̾ всѣ́хъ мы́слей и҆ вѣкѡ́въ соверше́нїѧ, въ є҆ди́но совокꙋпле́нїе сра́стшаѧсѧ бы́ти мни́тсѧ. Ра́внаѧ є҆ѧ̀ є҆́сть похвала̀ ст҃а́гѡ І҆ѡа́нна Златоꙋ́стагѡ, въ бесѣдѣ в҃ на І҆са́їю: Ꙗ҆́коже на полѧ́хъ, речѐ, предѣ́лы и҆ столпѝ, рꙋбежє́мъ без̾ всѧ́кагѡ смѣше́нїѧ творѧ́тъ пребыва́ти, та́кѡ ве́щы содѣ҄ѧнныѧ време́нъ смѣше́нїе возбранѧ́ютъ: и҆́бо є҆гда̀ дѣ́йствїе є҆ди́но ѿ дрꙋга́гѡ ѿдѣлѧ́ютъ, и҆ чи́номъ подоба́ющимъ располага́ютъ, ѿ мно́гихъ трꙋдѡ́въ на́съ творѧ́тъ свобо́дныхъ. То́ежде ѡ҆ се́мже вели́кїй во ст҃и́телѣхъ Васі́лїй повѣствꙋ́етъ, и҆ подо́бїемъ, сицева́гѡ мꙋ́жа досто́йнымъ ве́лїю по́лзꙋ и҆з̾ѧвлѧ́етъ, въ сло́вѣ похва́льномъ на Горді́а мꙋ́ченика Кесарі́йскаго: Ꙗ҆́коже, речѐ, ѿ ѻ҆гнѧ̀ є҆сте́ственнѡ сїѧ́нїе ѡ҆зарѧ́етъ, ѿ бл҃агоꙋха́нныхъ а҆рома́тѡвъ разлива́етсѧ бл҃агово́нїе, та́кѡ ѿ воспомина́нїѧ дѣ́йствїй мꙋже́й ст҃ы́хъ ве́лїѧ ко всѣ́мъ пронсхо́дитъ по́лза. Ѿ похва́лъ про́йдемъ ко є҆стествꙋ̀ є҆ѧ̀, и҆ внима́имъ Цїцеро́нꙋ, Ри́мскагѡ краснорѣ́чїѧ ѻ҆ц҃ꙋ, та́кѡ вѣща́ющꙋ д҃ | [JPG] |