[root][corphub]

Church Slavonic Old Prints

The database of Church Slavonic (old) prints of the SBB-PK offers an overview of the prints and the approximately 1000 pages obtained and proofread with Transkribus in "Ground Truth" quality. The full text search in the text corpus of the GT data can be carried out via this widget.

• Back
• Overview

Page-Nr. 8 [URL der Seite]

Page-Content

ПРЕДОСЛО́ВІЕ НА̀ КНИ́ГꙊ БЕ́СѢДЪ сⷮ ІꙌАННА ХРІСОСТОМА А҆РХІ҆Епⷭ҇ПА КꙌНСТАНТІНОПОЛСКОГО. Речѐ Гд҃ъ: Всѧ́къ кни́жникъ наꙋчи́выйсѧ Црⷭ҇твїю нбⷭ҇номꙋ, подо́бенъ є҆́сть чл҃кꙋ домови́тꙋ, и҆́же и҆зно́ситъ ѿ съкро́вища сво́егѡ но́ваѧ и҆ ве́тхаѧ. ПРебл҃гі́й, Всеси́лный, и҆ Премⷣрый Бъ҃, ви́димых꙽ и҆ неви́димыхъ ᲄво́рецъ и҆ Съдѣ́тель, Прмⷣрости наста́вникъ, мрⷣыхъ и҆справи́тель, и҆ всѧ́комꙋ смы́слꙋ и҆ дѣ́лꙋ хитре́цъ ( превъжⷣелѣ́нный Правовѣ́рный Рꙍссі́й¬ скїй рѡ́де ) бл҃говолѝ, по̀ свое́й неиꙁрече́нной блгⷭ҇ти, нарочи́то въꙁсїа́ти свое́ю Блгⷣтїю в꙽ ро́дѣ на́шемъ рꙍссі́йкомъ свое́мꙋ Ѹ҆го́дникꙋ, Ст҃о́мꙋ Іꙍа́ннꙋ хрѵсосто́мꙋ, просла¬ влѧ́ѧ є҆го̀, и҆ Ѹ҆ч҃нїѧ є҆гѡ̀ свѣ́тꙋ, дѣ́ломъ прехꙋдожнѣ́йшиⷨ, преподава́ѧ: ᲃе́й жѐ, жела́ѧ всѧ́комꙋ ро́дꙋ члчⷭ҇комꙋ, ѹ҆раꙁꙋмлѧ́тисѧ во́лѧⷨ є҆гѡ̀ ᲃт҃ыⷨ, и҆ на̀ пꙋ́ти и҆́стннныѧ наставлѧ́ти сѧ. И въи́стнинꙋ а҆́ше пресладча́йшїй Іᲃ҃ хᲃ҃, Гд҃ь и҆ Бъ҃ на́шъ, да́вый сво́й по̀ на́съ живо́тъ, нѣ́когда ѻ҆браⷳсѧ къ сво́имъ Ѹ҆ч҃нкѡмъ є҆ди́нъ, речѐ: Ва́шѧ жѐ бл҃же́ннаѧ ѻ҆чеса̀, ꙗ҆́кѡ ви́дѧⷮ, и҆ ѹ҆шеса̀ ва́шѧ ꙗ҆́кѡ слы́шатъ: ами́нь бо гл҃ю̀ ва́мъ, ꙗ҆́кѡ мно́зи Пррⷪ҇ци, и҆ Пра́ведници, и҆ ца́рїе въжделѣ́ша ви́дѣти ꙗ҆́же ви́дите, и҆ неви́дѣша, и҆ слы́шати ꙗ҆́же слы́шите, и҆ не слы́шашѧ: Влѣпотꙋ̀ ин҃ѣ и҆ мы́ рещѝ въз꙽¬ мо́жемъ, ꙗ҆́кѡ бл҃же́ннаѧ на́ша ѻ҆чеса̀ ꙗ҆҇же ви́дѧтъ, и҆ ѹ҆шеса̀ ꙗ҆҇жѐ слы́шаⷮ, Пресла́внагѡ Ѹ҆ч҃тлѧ Вселе́нскагѡ, Ст҃гѡ Іꙍа́нна Златоꙋ́стагѡ, Архі¬ епⷭ҇па Кꙍнсᲄантінопо́лскагѡ Кни́гꙋ сі́ю ᲄолкова́нїѧ на̀ Ст҃ы́ѧ Ст҃го Апⷭ҇ла Па́ѵла Посла́нїѧ Бе́сѣды рече́ннꙋю, діале́ктомъ Іллері́ческимъ, ᲃи́рѣчъ, Славе́нскимъ, хꙋдо́жествомъ ᲄѵпоґра́фїи, и҆ꙁда́ннꙋю. Бл҃же́нна ѹ҆бѡ, гл҃ю̀, ѻ҆чеса̀ и҆ ѹ҆шеса̀ на́шѧ, и҆ ᲄребл҃же́нна: на́йпаче жѐ, ꙗ҆́кѡ мно́ꙁи ѿ мно́гиⷯ вре́менъ въ всѣ́хъ стра́нахъ бл҃гочⷭ҇тїа и҆ ꙗ҆ꙁы́ка Славе́нскагѡ на́мъ є҆дино¬ мⷣръныхъ и҆ съгла́сныхъ, въжделе́нїемъ въжделѣ́шѧ Кни́гꙋ сі́ю ри́ꙁою Бе́сѣды Славе́нскїѧ ѻ҆блече́ннꙋ и҆ преꙋкраше́ннꙋ, а҆ є҆́же и҆́мъ превᲆжделеннѣ́й¬ шее бѣ̀ хꙋдо́жествомъ ᲄѵпоґра́фїи, и҆ꙁѡбраже́ннꙋ ви́дѣти и҆ и҆мѣ́ти, и҆ не въꙁмого́шѧ: є҆́же ин҃ѣ на́ми блгⷣтїю Бж҃їею, зри́тъсѧ, прие́млетъсѧ, и҆ чте́т꙽сѧ. лѣ҄тьмѝ є҆́сть на покаꙁа́нїе сегѡ̀, въ пе́рвыхъ (добродѣ́тели бо̀ тща́нїѧ, и҆ ѹ҆се́рдїѧ бл҃га́ѧ прⷭ҇нѡ въспѣва́ема сꙋ҄ть) въспомѧнꙋ́ти пресвѣ́тлагѡ ѻ҆́нагѡ и҆ держа́внагѡ Васі́лїа Кꙍнстанті́новича Кнѧжа́ти Ѻ҆строⷥ¬ мⷴ҇ г҃і н҃ѕ мⷴ҇ г҃і