| Всѣⷨ Бл҃гочⷭ҇ти́вымъ, и҆ Слꙋжи́телѧ менѐ бл҃говолѝ ᲃебѣ̀ сътвори́ти. ѿте́лѣжебо̀ хꙋ́дость мою̀ съᲄворѝ себѣ̀ раба̀, и҆ се́й Ст҃ы́й До́мъ, Ски́нї: Прⷭ҇ты́а Бц҃а Дв҃ы Мр҃їа Ла́врꙋ Пече́рскꙋ́ю, жи́лище Ст҃о́е Прпⷣбных̾ и҆ Чꙋдо¬ тво́рныхъ Ꙍ҆ц҃ъ Пече́рскихъ, и҆ Събо́ръ Иночествꙋ́ющыхъ аще и҆ па́че си́лы и҆ достоѧ́нїа мое́гѡ врꙋчѝ блюстѝ и҆ па́сти: Въжⷣелѣ́нїм꙽ въжделѣ́хъ ѡ҆ Гдⷭ҇ѣ трꙋдолю́бнымъ ꙗ҆влѧ́тисѧ въ всѣ́хъ бл҃ги́хъ ꙗ҆҇же ѿвнꙋ́тръ дх҃о́вныхъ, и҆ ꙗ҆҇же ѿвнѣ̀ ключи́мыхъ и҆справле́нїих꙽ и҆ дѣла́нїихъ и҆ зда́нїихъ. Пресладча́йшїй жѐ Іᲃ҃ Хᲃ҃ Гь҃ и҆ Бъ҃ мо́й видѧ́й Срⷣца мое́го расположе́нїе, и҆ в꙽ бо́лшаѧ сътвори́ мѧ де́сна Си́рѣчъ, и҆ꙁволѝ дарова́ти поꙋче́нїе ѹ҆́мꙋ мое́мꙋ Сщ҃е́нными Кни́гами и҆сполнѧ́ти Цр҃квы, въдх҃о́вное дш҃а́мъ вѣ́рных̾ весе́лїе и҆ ра́дость, и҆ въсъꙁида́нїе и҆́хъ въ мно́гїѧ и҆ раꙁли́чныѧ добро¬ дѣ́тели, и҆ по̀ прежⷣе ѹ҆́бо по́мощїю Бж҃їею и҆ꙁда́нныхъ Кни́гахъ, нн҃ѣ на́йпаче неиꙁрече́ннаѧ Блгⷣре́нїѧ въꙁсыла́ю, ꙗ҆́кѡ в꙽ ве́черъ мо́еа жи́ꙁни и҆ конча́нїа, рабꙋ̀ свое́мꙋ бл҃говолѝ ꙗ҆ви́ти сі́ю блгⷣть: Си́рѣⷱ҇ Ст҃го Іꙍа́нна Хрѵсосто́ма Ст҃ыа Аплⷭ҇кїа Кꙍнстантіно¬ по́лскїа Цр҃кве Архіепⷭ҇па и҆ Вселе́нскаго Ѹ҆чт҃лѧ и҆ Патріа́рха Кни́гꙋ БЕ́СѢДЪ и҆ Толкова́нїй на̀ Ст҃ы́ѧ Ст҃го Апⷭ҇ла Па́вла д҃і Посла́нїѧ, ви́дѣти и҆ и҆ꙁда́ти: ѡ҆ є҆ѧ́же и҆справле́нїи и҆ съвер¬ ше́нїи мно́гое въ Блгⷣти Бж҃їей промышле́нїе, попече́нїе и҆ и҆жди¬ ве́нїе твори́хомъ: Любо мꙋ́дрцєвъ ѹ҆́бо и҆ Ѹ҆чи́телей раꙁꙋми́чных꙽ в꙽ сѐ и҆́стое дѣ҄ло в꙽ Еллиногре́ческомъ и҆ Иллірі́ческомъ ѧ҆ꙁы́цѣхъ хꙋдо́жнѣ и҆скꙋ́сныхъ, въ Бг҃осло́вїи просвѣще́нїе и҆мꙋ́щыхъ, и҆ въ Правосла́вїи неꙁаꙁо́рнѡ и҆ непоро́чнѡ бл҃гочествꙋ́ющыхъ, ᲄа́кожⷣе и҆ Маїстерѡвъ в꙽ хꙋдо́жествѣ ᲄѵпогра́фїи бл҃гоискꙋ́сныхъ ᲃъбра́вше кое́гождо в꙽ сво́й є҆мꙋ̀ и҆скꙋ́съ ра́ꙁꙋма и҆ дѣ́йства въчини́хомъ, и҆ дѣ҄ло ᲃі́е ꙗ҆́коже зритѐ бл҃гохꙋдо́жно Гд҃ꙋ на́мъ поспѣшествꙋ́ющꙋ, Прⷭ҇то́й жѐ Влⷣчцы Бц҃и наставлѧ́ющей, и҆ Прпⷣбныⷨ Ꙍ҆ц҃є́м꙽ нш҃ым꙽ Антѡꙍ́нїю, и҆ Ѳеѻдо́сїю Пече́рскиⷨ Мл҃твами Ст҃ы́ми посовствꙋ́ющымъ съверши́хѡмъ. Иматъ жѐ БЕСѢДЫ Кни́ги се́а, ꙗ҆́кѡ да̀ въ краткосло́вїи рече́мъ сꙋ́щее и҆ и҆ꙁрѧ́дное є҆ѧ̀, началнѣ́йшее ѹ҆бѡ є҆́же Истолко¬ ва́нїе Аплⷭ҇каго ᲄаинстве́ннаго ра́ꙁꙋма, и҆ си́ды въ Посла́нїих꙽ є҆го̀: ᲄа́же кра́йнее Бг҃осло́вїа: ꙗ҆́кѡ ѡ҆ Прⷭ҇тѣ́й ᲄрⷪ҇ци въ є҆диноⷨ Бжⷭ҇твѣ, ᲃи́рѣчъ, ѡ҆ трі́ехъ ѵ҆поста́сехъ въє҆дино́мъ ᲃꙋ́ществѣ Ѻ҆́ц҃а и҆ Сн҃а и҆ Ст҃го Дх҃а пра́вѡ Бг҃осло́вѧтъ: къ си́м꙽, ѡ҆ Смотре́нїи Ба҃ Сло́ва (ѡ҆ Въплоще́нїи гл҃ю̀, Стрⷭ҇ти, Крⷭ҇тѣ, же́ртвѣ, Смр҃ти, и҆ Сла́вноⷨ Въскрⷭ҇нїи є҆гѡ̀, ѡ҆ Въꙁнесе́нїи на̀ Нб҃са, ѡ҆ Вто́ромъ Прише́ствїи, и҆ ѡ҆ Въꙁдаа́нїи по̀ Въскр҃се́нїи на̀ ѻ҆́номъ Сꙋ́дищи комꙋ́ждо по дѣ́лѡм꙽) ѻ҆па́снѡ и҆ и҆ꙁвѣ́стнѡ бе́сѣдꙋютъ: при си́хъ ѡ҆ Ве́тхоⷨ и҆ Но́выа блгⷣти Завѣ́тѣхъ бл҃гораꙁсꙋди́телнѣ преⷣлага́ютъ, и҆ ѡ҆ Прⷭ҇тых꙽, |