[root][corphub]

Kirchenslawische Drucke (SBB-PK)

Die Datenbank der kirchenslawischen Drucke der SBB-PK bietet eine Übersicht über die Drucke und die ca. 2400 mit Transkribus erschlossenen und geprüften Seiten in "Ground Truth"-Qualität. Die Volltextsuche im Textkorpus der GT-Daten kann über dieses Widget durchgeführt werden.

• Zurück
• Übersicht

Page-Nr. 20 [URL der Seite]

Page-Content | Status: DONE

Предисло́вїе Слꙋ́чай же и҆ поѻ҆щре́нїе мнѣ̀ бы́сть къ семꙋ̀ писа́нїю, развраще́нїе нѣ́кїихъ ѿ на́шегѡ правосла́вїѧ лише́нникѡвъ, ѡ҆ ни́х̾же вы́ше писа́хомъ и҆́хже, сатана̀ всѧ́кихъ раско́лѡвъ, нача́лникъ, хоботомъ вра́жїихъ свои́хъ навѣ́тѡвъ, а҆́ки ѕвѣ́зды нбⷭ҇ныѧ ѿ нб҃а цр҃ко́внагѡ си́ли вре́мены ѿто́рже, въ пꙋ́ть заблꙋжде́нїѧ погн́белный. Ѿ на́съ и҆зыдо́ша, гл҃етъ напе́рсникъ хрⷭ҇то́въ , но не бѣ́ша ѿ на́съ. а҆́ще бы ѿ на́съ бы́ли, пребы́ли оу҆́бѡ бы́ша съ на́ми. Ве́щь пои́стиннѣ сожжалѣ́нїѧ сле́зъ и҆ воздыха́нїѧ досто́й¬ наѧ. чл҃цы равнодꙋ́шнїи, є҆диноꙋтрѡ́бнаѧ бра́тїѧ на́шѧ, тоѧ́жде мт҃ре цр҃кве ст҃ы́ѧ сн҃ове, в̾ кꙋпѣ́ли кр҃ще́нїѧ ст҃а́гѡ роди́вшїисѧ, и҆ млеко́мъ є҆ѧ̀ сла́дча́ншимъ, догматѡвъ правосла́вныхъ воспита́ни, тѣ́ломъ и҆ кро́вїю хрⷭ҇то́вою под̾¬ ви́домъ хлѣ́ба и҆ вна̀ ѹ҆тае́нною насыщени, ка́кѡ ин҃ѣ на мт҃рь свою̀ разсвирѣ́пѣша; Ка́кѡ мт҃рнюю є҆ѧ̀ ѹ҆тро́бꙋ, порожде́нїѧ є҆хі́днова, пе́сїими челюстми свои́ми терза́ти, не ѹ҆стыдѣ́шасѧ. ѽле неблагода́рствїѧ. ѽлѐ нечꙋ́вствїа и҆ ѡ҆камене́нїѧ дꙋшепа́гꙋбнагѡ. пла́каше дре́вле І҆еремі́а прⷪ҇ро́къ, над̾ запꙋстѣ́нїемъ ерли́ма: Ка́кѡ, речѐ, потемнѣ̀ зла́то, и҆ и҆змѣни́сѧ сребро̀ до́брое, раз̾сы́пашасѧ ка́мыцы сты́ни. Соѻ҆бра́знѣ семꙋ̀, и҆ на̀ си́ми подоба́етъ и҆зливати слє́зы, ви́дѧще и҆́хъ пла́чевнꙋю и҆змѣ́нꙋ: Ка́кѡ потемнѣ̀ злато¬ блиста́ющеесѧ пре́жде правосла́вїемъ; ка́кѡ ны́нѣ тмо́ю ѿстꙋпле́нїѧ помрачи́сѧ; А҆́ще же и҆ всѧ́комꙋ правосла́вномꙋ, печа́ль ѿ сицевыхъ ѿстꙋ́пникахъ ѹ҆азвлѧ́етъ срⷣце: Но мнѣ̀ наипа́че недосто́йнꙋ па́стырю сꙋ́щꙋ печа́ль, кꙋ́пнѡ же и҆ стра́хъ дꙋ́шꙋ произа́етъ: Печа́ль ѹ҆́бѡ ѡ҆ и҆́хъ неча́ѧнной и҆змѣ́нѣ, стра́хъ же неи҆збѣжи́магѡ сꙋда̀ бж҃їѧ, на не́мже за и҆́хъ развраще́нїе ѿвѣ́тъ и҆́мамъ возда́ти, ꙗ҆́кѡ пастꙋ́хъ за ѻ҆́вцы поги́бшыѧ. Ѹ҆́жасъ слы́шати стра́шное преще́нїе бж҃їе, на пастыре́ю гремѧщее, а҆ і҆ѡаⷩ҇ в҃ ѳ҃і паⷧ҇ і҆среⷨ глⷡ҇а а҃ и҃