 |
къ Чнта́телю
ꙗ҆̀же на́мъ сꙋ́ть ка́менемъ созида́нїѧ и҆ оу҆твержде́нїѧ,
томꙋ̀ бы́ша ка́менемъ претыка́нїѧ и҆ собла́зна и҆ поги́бели.
Раз̾смотрѝ и҆́же гл҃ю, и҆ ѹ҆́зриши и҆́стинꙋ. Словеса̀
сїѧ̀ Хрⷭ҇то́ва: Нѐ сходѧ́щее во оу҆ста̀ скве́рни́тъ чл҃ка,
но и҆сходѧ́щее и҆з̾ ѹ҆́стъ, томꙋ̀ бѧ́ше ка́менемъ преты́ка
нїѧ и҆ собла́зна, на не́мже преткнꙋ́всѧ ѿмета́етъ ѿ цр҃кве
ст҃ы́ѧ посты̀. Словеса̀ бж҃їѧ сїѧ̀. Не сотвори́ши себѣ̀
кꙋмі́ра, нижѐ всѧ́кагѡ подо́бїѧ, томꙋ̀ бѧ́хꙋ ка́менемъ
прстыканїѧ, тогѡ̀ ра́ди ѿмета́етъ ѿ цр҃кве ст҃ы́ѧ і҆кѡны.
Словеса̀ сїѧ̀ хрⷭ҇то́ва. То́ре ва́мъ, ꙗ҆́кѡ зи́ждете гро́бы
про́ркъ, томꙋ̀ бы́ша ка́менемъ претыка́нїѧ, тогѡ̀ ра́ди
ѿме́щетъ ѿ мо́щей ст҃ы́хъ че́сть. Словеса̀ сїѧ̀ хрⷭ҇то́ва,
Разори́сте за́повѣдь бж҃їю за преда́нїе ва́ше. Томꙋ̀ бы́ша
ка́менемъ претыка́нїѧ, тогѡ̀ ра́ди ѿмеще́тъ преда́нїѧ.
Словеса̀ сїѧ̀ хрⷭ҇то́ва на крⷭ҇тѣ провѣща́ннаѧ. Бж҃е бж҃е¬
мо́й, почто́ мѧ є҆сѝ ѡ҆ста́вилъ; Ка́менемъ бы́ша пре¬
тыка́нїѧ і҆ва́нꙋ калви́нꙋ, тогѡ̀ ра́ди нѐ ѹ҆боѧ́сѧ
ѡ҆каѧ́нныи, трепещꙋ̀ сїѧ̀ пи́шꙋщъ ѿчаѧ́нїе причита́ти
Хрⷭ҇тꙋ̀ на црⷭ҇тѣ̀ ѹ҆мира́ющꙋ. Сꙋ́ть и҆ и҆на́ѧ мно́жайшаѧ
претыка́нїѧ, ѡ҆ ни́хже въ кни́зѣ се́й ѹ҆разꙋмѣ́еши.
Ѿѻ҆́нꙋ́дꙋже ꙗ҆́снѡ мо́жетъ всѧ́къ ви́дѣти, ꙗ҆́кѡ
писа́нїѧ бжⷭ҇твеннаѧ, и҆ны́мъ быва́ютъ ка́менемъ сози¬
да́нїѧ и҆ вѣ́ры, и҆ны́мъ же ка́менемъ претыка́нїѧ и҆
собла́зна. Сегѡ̀ ра́ди хотѧ́ще загради́ти ѹ҆ста̀ гл҃ю¬
щихъ непра́вдꙋ, ѻ҆боѧ̀ сїѧ̀ здѣ̀ тщахо́мсѧ и҆зѧви́ти,
и҆ кни́сꙋ сїю̀ на мнѡ́гїѧ догма́ты ѡ҆предѣли́вше, во всѧ́ко¬
догма́тѣ двѣ̀ ча́сти положи́хомъ: Въ перво́й ѹ҆́бѡ ча́сти
писахомъ ѿ ка́мени вѣ́ры, и҆ созида́нїѧ дх҃о́внагѡ на
ѹ҆твержде́нїе правосла́внымъ. Во второ́й же ча́сти
и҆ви́хомъ ка́мень претыка́нїѧ, на не́мже претыка́етсѧ
ѕловѣ́рїе, на ѡ҆пасство̀ и҆ сохра́нное блюде́нїе правовѣ́рнымъ,
да не и҆ ті́и ѿ ка́мень собла́зна преткнꙋ́вшесѧ, па́дꙋтъ
въ ро́въ погн́белныи дꙋше́вреднагѡ ѕлоче́стїѧ.
Слꙋчай
з҃
|