[root][corphub]

Kirchenslawische Drucke (SBB-PK)

Die Datenbank der kirchenslawischen Drucke der SBB-PK bietet eine Übersicht über die Drucke und die ca. 2400 mit Transkribus erschlossenen und geprüften Seiten in "Ground Truth"-Qualität. Die Volltextsuche im Textkorpus der GT-Daten kann über dieses Widget durchgeführt werden.

• Zurück
• Übersicht

Page-Nr. 18 [URL der Seite]

Page-Content | Status: DONE

Предисло́вїе ѕлочести́вымъ, на̀ воста́нїе же правовѣ́рнымъ. хо́щеши ли ви́дѣти и҆́стинꙋ, зри Катало́гъ є҆ресе́й, ѿ є҆пифа́нїа ст҃а́гѡ, ѿ дамаскина̀, ѿ лѵгꙋ́стна, и҆ про́чїиⷯ простра́ннѡ напи́саныи. Но кра́ткости ра́ди, ѿста́вивше ѻ҆́наѧ тмочи́сленнаѧ є҆реті́ческаѧ блѧдослѡ́вїѧ, нѣ́которы то́чїю здѣ̀ воспомѧнꙋ̀, и҆́же ѡ҆ ка́мень се́й преткнꙋ́шасѧ. Нѐ а҆́рїю ли ѻ҆́номꙋ бг҃оме́рзскомꙋ, ка́мень претыка́нїѧ бѧ́хꙋ словеса̀ хрⷭ҇то́ва сїѧ̀, ѻ҆ц҃ъ мо́й бо́лїи менѐ є҆́сть. И҆ па́ки: Что́ мѧ гл҃еши бл҃га; никто́же бл҃гъ то́кми є҆ди́нъ бг҃ъ. Ѿ ко́ихъ слове́съ хрⷭ҇то́выхъ, а҆́ки ѿ ме́да ꙗ҆́дъ є҆реті́ческъ воспрїи́мъ а҆́рїи, Сн҃а бж҃їѧ тва́рїю бы́ти. а҆ не Бг҃омъ блѧдосло́вѧше. Нѐ македо́нїю ли дх҃обо́рцꙋ, бѧ́хꙋ ка́менемъ претыка́нїѧ сїѧ̀ словеса̀; Са́мъ дх҃ъ хода́таиствꙋетъ ѡ҆ на́съ воздыха́нїи неи҆зглаго́ланными. Тако́жде гл҃ати лѣ́ть є҆́сть, и҆ ѡ҆ про́чїихъ дре́внихъ є҆ретіка́хъ: и҆́же ꙗ҆́кѡ а҆да́мъ наготꙋ̀ свою̀ ли́ствїемъ, та́кѡ и҆ ті́и писа́нїемъ ст҃ы́мъ, по своемꙋ̀ сѝ ѕлоразꙋ́мїю толко́ваннымъ, пра́вомꙋ ѻ҆ц҃ъ ст҃ы́хъ толкова́нїю нѐ покарѧ́ю, щесѧ, дш҃епа́гꙋбнꙋю свою̀ є҆́ресь покрыва́хꙋ. Тѣ́мже и҆ преткнꙋ́шасѧ ѡ҆ ка́мень претыка́нїѧ, и҆ погибо́ша за¬ беⷥзако́нїе своѐ, ꙗ҆́кѡ со́нїе воста́ющагѡ. Минꙋ́вше дрє́внѧѧ времена̀, пристꙋпа́ю къ сꙋпоста́тѡмъ цр҃кве ст҃ы́ѧ восто́чныѧ, и҆ы́нѣшнихъ вѣкѡ́въ прозѧ́бшымъ. Въ лѣ́то хрⷭ҇то́во, ты́сѧщное пѧтьсо́тое седмьнаде¬ сѧ́тое, воста̀ голїа́дъ но́выи, на цр҃ковь ст҃ꙋ́ю, марті́нъ лю́теръ, поно́шаѧ полкꙋ̀ бг҃а жи́ва, и҆ разли́чныѧ досады и҆ ѹ҆кори́зны, на̀ невѣ́стꙋ хрⷭ҇то́вꙋ цр҃ковь ст҃ꙋю ѿрысаѧ. Вѣ́мъ, ꙗ҆́кѡ сꙋпоста́тъ ѻ҆́нъ на̀ па́пꙋ и҆ на цр҃ковь ри́мскꙋю напрѧжѐ лꙋ́къ сво́й: ѻ҆ба́че стрѣ́лы є҆гѡ̀ ꙗ҆́домъ напо́єнныѧ, и҆ на́съ досѧза́ютъ. Но ꙗ҆́коже дре́внемꙋ голїа́дꙋ ка́мень дв҃довъ, та́кѡ и҆ семꙋ̀ но́вомꙋ, ка́мень пре¬ тыка́нїѧ, вина̀ бы́сть погн́бели: И҆́бо писа́нїѧ бжⷭ҇твеннаѧ , ꙗ҆́же ѕ҃