 |
къ чита́телю
ѹ҆́бѡ в̾ него̀, и҆лѝ непра́вѡ вѣ́рꙋющымъ, є҆́сть ка́мень преты́¬
ка́нїѧ и҆ собла́зна. Ꙗ҆́коже гл҃етъ Па́елъ: Проповѣ́дꙋемъ
Хрⷭ҇та̀ распѧ́та, і҆ꙋде́ѡмъ ѹ҆́бѡ соблазнъ, є҆́ллинѡмъ же
безꙋ́мїе: Вѣ́рꙋющымъ же в̾ него̀ є҆́сть ка́мень созида́нїѧ,
и҆ ѹ҆твержде́нїѧ недви́жимагѡ. И҆зѧснѧ́етъ сїю̀ и҆́стинꙋ
верхо́вныи а҆пⷭ҇лѡмъ Пе́тръ, въ посла́нїи свое́мъ вы́ше
рече́нномъ гл҃ѧ: Поне́же вкꙋси́сте, ꙗ҆́кѡ бл҃гъ гдⷭ҇ь,
Къ немꙋ́ же прихо́дѧще, ка́меню жи́вꙋ, ѿ чл҃къ ѹ҆́бѡ
ѹ҆ничиженꙋ, ѿ бг҃а же и҆збра́ннꙋ, чⷭ҇тнꙋ̀. И҆ са́ми ꙗ҆́кѡ
ка́менїе живо зижди́тесѧ, в̾ хра́мъ дх҃о́венъ. Тѣ́мже
и҆ пи́сано є҆́сть: Сѐ полага́ю в̾ сїѡ́нѣ ка́мень краего́ленъ.
и҆збра́нъ, честе́нъ и҆ вѣ́рꙋѧи во́нь, не постыди́тсѧ.
Ва́мъ ѹ҆́бѡ че́сть вѣ́рꙋющымъ: а҆ проти́вѧщымсѧ ка́мень.
є҆го́же небрего́ша зи́ждꙋщїи, се́й бы́сть во̀ главꙋ̀ оу҆гла, и҆ ка́мень
претыка́нїѧ, и҆ ка́мень собла́зна: ѡ҆ не́мже и҆ претыка́ютсѧ,
сло́вꙋ противлѧ́ющїисѧ. Сїѧ̀ ѡ҆ і҆ꙋде́ахъ и҆ є҆́ллинахъ.
Что́ же рече́мъ ѡ҆ є҆ретіка́хъ и҆ дре́внихъ и҆ нн҃ѣшнихъ;
не и҆ тѣ́мъ ли хрⷭ҇то́съ и҆ бжⷭ҇твеннаѧ є҆́гѡ словеса̀, ка́менемъ
сꙋ́ть претыка́нїѧ; Є҆́й та́кѡ є҆́сть пои́стиннѣ . ті́и бо
киче́нїемъ ра́зꙋма дмѧ́щесѧ, и҆ пра́вомꙋ писа́нїи сщ҃е́нныхъ
толкова́нїю, ѿ сто́лпѡвъ и҆ свѣти́лъ цр҃ко́вныхъ ѻ҆ц҃є́въ
ст҃ы́хъ быва́емомꙋ, не покарѧ́ющесѧ, нижѐ плѣнѧ́юще ра́зꙋмъ
въ послꙋша́нїе вѣ́ры, ѿ самы́хъ слове́съ хрⷭ҇то́выхъ по¬
вреди́шасѧ и҆ до ны́нѣ вредѧ́тсѧ, и҆ ѡ҆ се́й ка́мень прет̾¬
кнꙋ́шасѧ, и҆ доселѣ̀ высокоꙋ́мїемъ помраче́ни претыкаютсѧ.
И҆ ꙗ҆́коже болѣ́зненни и҆ недꙋго́мъ холери́чныⷨ, и҆лѝ желчнымъ
ѡ҆держи́ми, сла́дкаѧ бра́шна гѡ́рька бы́ти вмѣнѧ́ютъ, и҆
ѿ са́мыѧ сла́дости за не́мощь свою̀ мно́жайшїи вре́дъ прїе́млю.
Та́кѡ и҆ ті́и, го́рдостїю и҆ непоко́рствомъ недꙋгꙋ́юще,
ѿ са́мыхъ слове́съ хрⷭ҇то́выхъ, па́че меда̀ и҆ со́та сла́дча́йши,
непра́вымъ толкова́нїемъ свои́мъ поврежда́ютсѧ. и҆
ꙗ҆́дъ є҆рети́чества, ѿ сладча́йшихъ сосє́цъ хрⷭ҇то́выхъ и҆ссы̀
са́ютъ. и҆ преты́ка́ютсѧ ѡ҆ ка́мень, и҆́же лежи́тъ на паде́нїе
ѕло¬
є҃
а҆ пеⷮр в҃,
г҃.
|