 |
и҆ Самоде́ржецъ всерѡссі́йскїй ПЕ́ТРЪ ВЕЛИ́КЇЙ, восхотѣ̀
сотвори́ти чⷭ҇тно́е погребе́нїе, на кото́роⷨ бы и҆ сло́во наⷣгро́бное
бы́ло, таково́мꙋ дѣ́йствїю прили́чное. Тре́бꙋющꙋсѧ же
проповѣ́дникꙋ, воⷥвѣстѝ нѣ́кто Вели́комꙋ Гдⷭ҇рю ѡ҆ Стефа́нѣ
и҆гꙋ́менѣ̀ кі́евскомъ, прибы́вшеⷨ тогда̀ в̾ Москвꙋ̀, а҆́бїе взыскаⷩ҇,
и҆ при́званъ, прїѧ̀ повелѣ́нїе, и҆ по повелѣ́нїю дѣ́ло. а҆́ще
и҆ нѐ и҆мѣ́ѧше вре́мене и҆ мѣ́ста к̾ прнꙋгото́вленїю сло́ва: и҆
та́кѡ и҆зрѧ́днѡ сказа̀, ꙗ҆́кѡ Бл҃гочести́вый Мона́рхъ ѕѣлѡ̀
ѹ҆слади́сѧ, и҆ похвалѝ є҆го̀ и҆ возлюбѝ, и҆ повелѣ̀ є҆мꙋ̀ не воз¬
враща́тисѧ въ Кі́евъ, но пребыва́ти въ црⷭ҇твꙋющемъ гра́дѣ
Москвѣ̀. Не и҆мꙋ́щей же тогда̀ па́стырѧ є҆па́рхи рѧза́нской,
ѡ҆предѣле́нъ бы́сть на митропо́лїю рѧза́нскꙋю и҆ мꙋ́ромскꙋю,
а҆́ще и҆ ѕѣлѡ̀ ѿрица́шесѧ ѿ тогѡ̀ чи́на, и҆ со слеза́ми молѧ́шесѧ,
є҆́же бы є҆мꙋ̀ свободи́тисѧ ѿ негѡ̀: но ѹ҆бѣжде́нъ ѹ҆ка́зомъ
Црⷭ҇кагѡ Вели́чества, поста́вленъ бы́сть Ст҃ѣ́йшимъ Патрїа́рхоⷨ
А҆дрїа́номъ, в̾ лѣ́то ҂аѱ҃. Не по мно́гомъ же вре́мени, пре¬
ста́влшꙋсѧ Ст҃ѣйшемꙋ Патрїа́рхꙋ А҆дрїа́нꙋ, врꙋчи́сѧ Стефа́нꙋ
Митрополі́тꙋ, и҆ всеѧ̀ рѡссі́йскїѧ цр҃кве правле́нїе, и҆ Патрїа́рша
престо́ла блюсти́телство. На таковы́й превысо́кїй степе́нь
воⷥше́дъ ѻ҆́нъ преѡсщ҃е́нный Стефа́нъ Митрополи́тъ, коли́кѡ
воⷥнесе́нъ, толи́кѡ трꙋда́ми ѡ҆тѧгоще́нъ, приложѝ по степе́ни
трꙋдолю́бїе, пре́жднихъ ѻ҆бы́чныхъ трꙋдѡ́въ не ѡ҆ставлѧ́ѧ,
къ дрꙋги́мъ прави́телскимъ неѡбы̑чнымъ простира́ѧсѧ,
и҆ та́кѡ во ѻ҆бы́чныⷯ пребыва́ѧ, а҆́ки бы сїѧ̀ є҆ди́ны и҆мѣ́лъ,
та́кѡ прави́телски и҆сполнѧ́ѧ, а҆́ки бы ѹ҆чи́телскїѧ ѡ҆ста́вилъ,
со ѻ҆бои́хъ соверше́нъ, въ цр҃кви слꙋжа́ше бг҃ови, и҆ сло́во
бж҃їе проповѣ́даше, а҆́ки бы̀ въ то́мъ є҆ди́номъ ѹ҆праж¬
днѧ́лсѧ. Въ сꙋди́лищи же разсꙋжда́ше, и҆ рѣша́ше дх҃ѡ́в¬
наѧ дѣла̀, а҆́ки бы ѡ҆ слꙋже́нїѧхъ и҆ поꙋче́нїѧхъ и҆ не¬
помышлѧ́лъ, ѡ҆брѣ́те всѧ́комꙋ дѣ́лꙋ вре́мѧ, поне́же ни є҆ди́но,
пра́зденъ препроводи. Малѡ̀ когда̀ не слꙋжи́лъ въ собо́рной
цр҃кви во днѝ воскрⷭ҇ныѧ, и҆ пра́здннчныѧ беⷥ про́повѣди,
є҆ще́ же и҆ веⷥ моле́ства во днѝ рожде́нїй, и҆ тезоимени́тствъ
црⷭ҇кихъ
|