 |
797
СВЯТАГО МУЧЕНИКА ФЕОТЕКНА.
798
бо пострадати, а въ вѣкы в’ вѣчнѣй жизни
пребывати. Посем̾же очютив̾ся отъ сна
раз̾мышляаше, ꙗко пер̾вое ꙗденіе гор̾кое
образуетъ терпѣніе свѣта сего, послѣд¬
нее же слад̾кое наслаженіе вѣчныя жизни.
Потом̾же держав̾ше 4 мѣсяци пустиша
и, и нача ристати по улицамъ, похабом̾ ся
творя, да во дне творяшеся аки урод̾, а
в нощи без̾ престани молитву творяше
и тако вселися во нь благодать отъ Го¬
спода Бога и Спаса нашего, емуже... ¹).
См, выше, столб. 87—88 ²).
[350 а.]
В ТОЙ ЖЕ ДЕНЬ мученіе свя¬
таго мученика Фотекна, мучена
быв̾ша въ Ан̾тиохіи преже 4 дней
октября ³).
Максиміянъ самодер̾жець повелѣ
всѣхъ не хотящихъ пожрети
богомъ, оставльшемъ санъ и
честь, отъити бошию ⁴). Многом̾ же убо
повергъшимъ поꙗсы, узрѣ же Максимь¬
ꙗнъ Феотекна со многою радостію отрѣ¬
зав̾шаго поꙗсъ свой и на земли по¬
вергъша, к немуже рече: Феотекне! почто
повер̾же свой санъ? Раз̾гнѣвався повелѣ
совлещи ризы его и облещи въ срачицю
жен̾скую на ругъ зрящимъ. И рече Ма¬
ксиміань; цар̾ство мое крѣп̾ко есть и все
елико велю бываетъ и творить; сила вла¬
дыки нашего Дия велика бо есть и все
можетъ, еꙗже и трепещетъ вся земля и
все всюду бозѣ прозрять, но и велику и
чюдну власть имуть о вѣрующихъ в ня.
Что убо глаголеши, Фотекне? Феотекнъ
рече: кія богы чтеши, не вѣмъ. Макси¬
міанъ рече: тако ми Дия ⁵) единого бога!
аще хощеши познати моа богы, то жер̾ца
тя сътворю надо всѣми, еже есть в по¬
350 б.] латѣ моей и въ || царствіи моемъ, поста¬
вивъ всего мира и требища подъ твоею
властию сътворю; аще ли не хощещи, то
предамъ тя въ прядѣйство женамъ лана¬
ріи въ срамоту. Не послушавъ царя, пре¬
данъ бысть въ прядѣйство. И многомъ
же днемъ мимошед̾шимъ, роптааху вси
граждане Ан̾тиохіистѣи его дѣл̾ма, и при¬
звавъ его царь Максиміанъ, рече ему:
почто не хощеши, Феотекне, моего пове¬
лѣніа послушати? Феотекнъ рече: Макси¬
міяне, виждю зракъ твой измѣненъ и очи
твои не зрящи, все же тѣло свое раз̾сла¬
блено имаши, ꙗкоже оловяно чистаго олова,
стоиши мертвъ, связанъ имаши ꙗзыкъ и
гнѣваешися, слѣпъ сы и глухъ. Макси¬
міан̾ же царь со гнѣвомъ рече: что суть
словеса, ꙗже глаголаше, бѣсъ ли имаши?
Феотекнъ рече: азъ бѣса не имамъ, но зна¬
меніе Христа моего въ умѣ моемъ и въ
мысли моей присно; но ты мертвы богы
чтеши. Максиміанъ рече: поищю рода ва¬
шего и по малу погублю. Феотекнъ рече:
множества лишенаго ищеши, въ прядѣй¬
ствѣ женьстѣмъ есть. || Максиміанъ рече, [350 в.]
повелѣ пакы к̾ тѣм̾же женамъ вести.
Въз̾мутив̾ же ся весь народъ глаголюще
на царя. Повелѣ же Максиміанъ пріити
ему і ꙗко ⁶) претя въпраша его: почто о
нашей работѣ небрежеши со христіаны?
Феотекнъ рече: занеже бози твои ничтоже
могуть, убози бо суть и слаби и никомуже
отвѣта не дають, ꙗкоже ⁷) стѣнь стоꙗтъ,
медяни и камени и древяни, не могуще,
не имуще в себѣ ни разума, ни мудро¬
сти. Максимьꙗнъ рече царь: послушай,
еже ти глаголю, и весь миръ подъ тя дамъ
и вел̾ми тя одарю и будеши любимъ цар¬
ствіемъ моимъ; аще ли не послушаеши
мене, то попекуся тебе ⁸) дѣл̾ма чесому
быти. Феотекнъ рече: да убо огнемъ ли
ми претиши, небоюся тебе, еже хощеши,
твори. Максиміанъ рече: огню ли хощеши,
но готови нынѣ надеждю. Феотекнъ рече;
кто не хощешь сож̾женъ быти по бес¬
мертьнѣ Бозѣ и видѣти царствіе небесное?
Кая бо есть печаль твоя, ꙗже о мнѣ? Ма¬
¹) Въ С. кончается «ему же слава»; въ У. дописаны слова: «ему же слава со Отцемъ и со пре¬
святымъ Духомъ, и ныне и присно и в̾ вѣки вѣкомъ». — ²) Этотъ отрывокъ занесенъ подъ 4 октября
перифразически. — ³) Въ У. прибавлено «Господи благослови». — ⁴) Въ У. «бошію». — ⁵) Въ У.
«Діа». — ⁶) Въ У. «і ако». — ⁷) Въ У. и С «ꙗкоже бо». — ⁸) Въ У. нѣтъ «тебе».
|