 |
981
ПАМЯТЬ И ЖИТІЕ КОНСТАНТИНА ФИЛОСОФА.
982
и, ꙗко неправа глаголють, и согнаша и
съ стола. Онъ же рече: насиліемь мя
согнаша, не препрѣв̾ше мене; не можеть
бо никтоже противитися словесемъ моимъ.
Царевъ же патрикій, устроивъ философа,
посла на нь, рекъ тако: аще можеши
уношю сего препрѣти, то паки столъ свой
пріимеши. Он̾ же, узрѣвъ философа уна
тѣломъ, не вѣдый стара ума в немъ, и
иже бѣꙗху посланіи с нимъ, и рече к
нимъ: вы подножія моего нѣсте достойни;
то како азъ с вами хощю ся прѣти?
Философъ же къ нему рече: не люд̾ска
обычая дер̾жи, но Божіа заповѣди зри.
Ꙗкоже еси и ты отъ земля, и душа Бо¬
гомъ составлена, тако и мы вси: то на
землю зря, человѣче, не гордися. Паки
[445 г.] же Аній отвѣща: непо||добно есть в осень
искати цвѣтьца, ни старца на войну
гнати, ꙗко уношу етера нестера. Фило¬
софъ же отвѣща ему: самъ на ся вины
ищеши. Рци: в кою вер̾сту есть силнѣиши
душа тѣлесе? Он̾ же рече: на старость.
Философь рече: то на кою тя брань гонимъ,
на телесную ли, или на духовную? Он
же рече: на духовную. Философь же
отвѣща: ты же не силній хощи быти, да
не глаголи намъ такихъ приточь. Не без̾¬
временѣ бо ни цвѣт̾ца ищемъ, ни на
войну тебе гонимъ. Усрамль же ся тако
старець, инамо обрати бесѣду, и рече:
рци ми, уноше, како, кресту разорену
сущю, не кланяем̾ся ему, ни лобызаемъ
его, абы аще лице до персій будеть токмо,
иконную ему честь творяще, не стыдится?
Философь отвѣща: четыри бо части крестъ
имать, и аще едина его частъ убудеть,
то уже своего образа не ꙗвляеть, а икона
токмо отъ лица образъ ꙗвляеть, и подо¬
біе того, егоже ради будеть написано.
Ни лвова бо лица, ни рысіа зрить, иже
[446 а.] видитъ. Па||ки же старець рече: како ся
убо кланяемъ кресту без̾ написаніа, а
быв̾шемъ инѣмъ крестомъ, икона же аще
не будуть написана имене, егоже будеть
образъ, то не творите ей чести? Фило¬
софъ же отвѣща: всякъ крестъ подобенъ
образъ ¹) имать Христову кресту, а иконы
не имуть вся образы единого. Старець
рече: Богу, рек̾шю к Моѵсею: не сътво¬
риши всякого подобія, како вы творяще,
не кланяетеся? Философь же противу ему
отвѣща: аще бы реклъ: не створиши ни¬
како же ²) подобія, то право приши; но
есть реклъ: не всякого, сирѣчь, достой¬
ное. Противу же сему не могъ отпрѣти
старець, умол̾ча, посрамлься.
По них̾же ³) Агаряни, нарицаеміи Сра¬
чини, воздвигоша хулу на едино Боже¬
ство Святыя Троица, глаголюще: како вы,
христіани, единъ Богъ мѣняюще ⁴) раз̾¬
мѣшаете и паки на три, глаголюще,
ꙗко... ⁵) Сынъ и Духъ есть. Аще можете
сказати ꙗвѣ, то послете мужа, иже мо¬
гуть глаголати о всемъ и препрѣти ны.
Бѣ же тогда философъ двѣмадесятъма и
четыремъ || лѣтомъ. Соборъ же сотвори [446 б.]
царь, призвавъ и, рече ему: слышиши ли,
философе, что глаголють скверніи Ага¬
ряни на нашю вѣру? То ꙗко же сый
Святыя Троица слуга и ученикъ, шедъ,
противися имъ, и Богъ, совершитель вся¬
кой вещи, славословимой ⁶) въ Троици
Отець и Сынъ и Святый Духъ, Той по¬
дастъ ти благодать и силу въ словесѣхъ,
и ꙗко другаго Давида новаго ꙗвитъ на
Голіада, с треми камен̾ми и побѣждь,
воз̾вратишися к намъ, сподобленъ небес¬
ному царьству. Слашав̾ же се, отвѣща:
радъ иду за христіаньскую вѣру. Что бо
есть мнѣ слаже на семъ свѣтѣ, но за
Святую Троицю живу быти и умрети?
Приставльше же ему ассикрата ⁷) Георгія,
послаша. Дошедъшемъ же имъ тамо... ⁸)
¹) Слово «образъ» въ Ц. повторено. — ²) Вм. «никако же» д. б. «никакого же»; въ Паниг.
«вьсакого». — ³) Вм. «По них̾же» д. б. «По сихъ же». — ⁴) Вм. «мѣняюще» д. б. «мѣняще». —
⁵) Здѣсь пропущено «Отецъ и». — ⁶) Вм. «славословимой» д. б. «славословимый». — ⁷) Вм. «асси¬
крата» д. б. «ассикрита» ἀσηκρήτης. См. Du Cange, Gloss. med. Graec. — ⁸) За симъ пропущено слѣд.
мѣсто: «...узрѣше странные и гнусные вещи, сьдѣавшее се отъ нихъ тамо, еже сьтворили бяху на поруга¬
ніе и посміаніе сущіимь христіаном вьсѣмь, иже вь мѣстѣ ономь живущіимь, оскрьблꙗюще сихъ немало».
|