 |
979
ОКТЯБРЯ ЧЕТЫРНАДЦАТЫЙ ДЕНЬ
980
дабы обрѣлъ желаніе сердца своего. Вос¬
корѣ же сотвори Богъ волю боꙗщих̾ся
его. О красотѣ бо его и мудрости и при¬
лѣжнемъ ученіи, еже бѣ растворено в
[444 г.] немъ, || слышав̾ же царевъ строитель, иже
нарицается логофетъ, посла по нь, дабы
ся съ царемъ училъ. Отрокъ же, услы¬
шавъ се, с радостію пути ся ꙗтъ, и на
пути поклонься, молитву сътвори, глаголя:
Боже отець нашихъ и Господи милости,
иже еси всяческая сътворилъ словомъ, и
премудростію Твоею создавый человѣка, да
владѣеть сотвореными Тобою тварьми,
даждь ми, сущую въскрай Твоего пре¬
стола, премудрость, да разумѣвъ, что есть
удобно Тебѣ, спасуся. Азъ убо есмь рабъ
Твой, и сынъ рабы Твоея. И к сему про¬
чюю Соломоню премудрость изъглаголавъ,
въставъ, рече: аминь.
И егда же пріиде къ Царюграду, вдаша
и учителемъ, да ся учить, и въ три мѣ¬
сяца навыкъ всю грамотикію, по прочая
ся ꙗтъ ученія, и научися же Омиру и
геометріи о Лва ¹), и у Фотѣ диалексицѣ
и всѣмъ философьскимъ ученіемъ, к симь
же и риторикіи, и астрономіи, и мусикіи,
и всѣмъ прочимъ ел̾линьскимъ художе¬
ствомъ, тако же навыче вся, ꙗко же бы
[445 а.] моглъ кто едино || навыкнути отъ нихъ;
скорость бо ся с прилежаніемъ съключи,
и другъ другу преспѣющи, им̾ же ся
ученія и художества совершають. Боле
же и ученія тихій образъ на себѣ ꙗвляа,
с тѣми бесѣдоваше, с ними же бяше
полезнѣе, укланяꙗся отъ укланяющих̾ся
во строп̾ты,... ²) како бы земныими не¬
бесная премен̾шю, излетѣ ³) ис тѣлесе
его и съ Богомъ жити. Узрѣв̾ же и та¬
кова суща логофетъ, дасть ему волость ⁴)
на своемъ дому, и въ цареву полату съ
дер̾зновеніемь входити. И вопроси единою
глаголя: Философе! хотѣхъ увѣдѣти, что
есть философія? Он̾ же скорымъ умомъ
рече абіе: Божіамъ вещемъ... ⁵) человѣчь¬
скамь... ⁶), елико можеть человѣкъ при¬
ближитися Бозѣ, и ꙗко дѣтелію учить
человѣка по образу и по подобію быти
сътвор̾шему и. Отъ сего же и паче воз¬
люби и присно вопрошаше о всемъ, толикъ
мужь честенъ... ⁷) велій. Он̾ же ему съ¬
твори ученіе философьское, в малѣхъ
словесехъ велій умъ сказавъ. В чистотѣ
же пребываяй, ел̾ма угажаше Богу, тол̾¬
ми паче всѣмъ ⁸) любезнѣй бываше. И
логофетъ всякую честь || творяше ему [445 б.]
говѣйну, злата много даꙗше ему, он̾ же
не пріимаше. І единою рече к нему: твоя
красота и мудрость нудить мя излиха лю¬
бити тя, то дщерь имавѣ духовную, юже
отъ крестила изяхъ, красну и богату, и
рода добра и велика. Аще хощеши, под¬
ружію сію ти дамъ, отъ царя же нынѣ
велику честь и княженіе пріимъ, а болша
чай, въскорѣ бо стратигъ будеши. Отвѣща
же ему философъ: даръ убо велій требую¬
щимъ его, а мнѣ боле ученіа нѣсть ни¬
чтоже, им̾же разумъ собравъ, прадѣдняа
чти и богатьства хощю искати. Слышав̾
же логофетъ отвѣтъ его, шедъ къ царици,
рече: философъ уный не любитъ житіа
сего, то не отпустимъ его отъ об̾щины,
но постриг̾ше и на поповьство, вдадимъ
ему служ̾бу, да будеть вивлотикарь пат¬
ріарха въ святѣй Софіи, некли и поне
тако удержимъ. Еже и сътвориша ему.
Мало же с нимъ в семъ добывъ, на Уское
море шед̾, скрыся тай в монастыри. Ис¬
каша его шесть мѣсяць, и едва обрѣтоша,
и не мог̾ше его уну||дити на тою службу, [445 в.]
умолиша учителный столъ пріати, и учити
философіи и тогозем̾ца и странныя со
всякою мощію и служ̾бою, и по то ся
ꙗтъ.
И бѣ же Анни патріархъ ересь въз¬
двиглъ, глаголя: не творити чти святымъ
иконамъ. И собравшемъ снемъ, обличиша
¹) Вм. «о Льва» д. б. «отъ Льва». — ²) Здѣсь пропущено слово «и помышляше». — ³) Вм.
«излетѣ» д. б. «излетѣти»; въ Паниг. «изыти». — ⁴) Вм. «волость» д. б. «власть». — ⁵) Здѣсь про¬
пущено «и». — ⁶) Пропущено слово «разумъ». — ⁷) Здѣсь пропущено «и». — ⁸) Слова «угажаше....
всѣмъ» въ Ц. написаны въ выноскѣ, въ низу столбца.
|