 |
977
ПАМЯТЬ И ЖИТІЕ КОНСТАНТИНА ФИЛОСОФА.
978
отъ них̾же бѣ мѣзинець сед̾мый Костян¬
тинъ философъ, наставникъ нашь и учи¬
тель. Егда же и роди мати, вдаша и
доилици, дабы и доила; отроча же не
рачися ꙗти по чюждь сосець никакоже,
развѣ по матеренъ, дондеже и отдоенъ
бысть. Еже бысть по Божію смотренію,
дабы добра корене добра лѣторасль не¬
сквернымъ млекомъ воздоена была. По¬
семь добрая та родителя свѣщав̾шася, не
сходистася, говяща себѣ, тако жиста, ꙗко
братъ и сестра за 14 лѣтъ, дон̾деже я
смерть разлучи, никакоже не преступльша
того совѣта. На судъ же ему хотящу
ити, плакашеся мати отрочати сего, гла¬
[444 а.] голюще: небрегу || о всемъ, развѣ о
младен̾ци семъ единомъ, како имать быти
устроенъ. Он̾ же рече ей: вѣру ими ми,
жено, надѣюся Бозѣ, ꙗко дати ему имать
отца и строителя такого, иже строить вся
христіаны. Еже ся и сбысть.
Сед̾ми же лѣтъ отрокъ сый, видѣ сонъ,
и повѣда отцю и матере, рече: ꙗко стра¬
тигъ, собравъ вся дѣвица нашего града,
и рече ко мнѣ: исбери себе отъ нихъ,
юже хощеши подружію на помощь и
сверсть себѣ. Азъ же, глядавъ и смотривъ
всѣхъ, видѣхъ едину краснѣйшю всѣхъ,
лицемъ свѣтящюся, и украшену вел̾ми
монисты златыми и бисеромъ и всею кра¬
сотою, ей же имя Софиа, сирѣчь мудро¬
сть, ту изобрахъ. Слышав̾ша же родителя
его словеса си, рѣста к нему: сыну, хра¬
ни законъ отца твоего, и не отверзи на¬
казаніа матере твоея; свѣтильникъ бо
заповѣдь закону и свѣтъ. Р̾ци премудро¬
сти: сестра ми буди, а мудростъ знаему
себѣ сотвори. Сіяеть бо премудрость паче
солнца, и аше приведеши ю себѣ имѣти
подружие, то отъ многа зла избавишися
[444 б.] ею. Егда же вдаста и || на ученіе, спѣꙗше
паче всѣхъ ученикъ въ книгахъ памятію
скорою вел̾ми, ꙗко и диву быти. Единою
же отъ дній, ꙗкоже обычай есть богати¬
чищемъ глумленіе творити ловитвою, изиде
с ними на поле, крагуилъ свой вземъ, и
ꙗко пусти и, вѣтръ ся обрѣтъ, по смо¬
трѣнію, Божію, взятъ и, занесе. Отрокъ
же отъ того во уныніе и в̾ печаль впадъ,
два дни не ꙗдя хлѣба. Человѣколюбіемь
бо своимъ милостивый Богъ, не веля ему
привыкнути человѣчьскихъ вещехъ, удобь
и уловити, ꙗкоже древле улови Плакиду
в ловѣ еленемъ, тако и сего крагуиломъ.
В себѣ же помышль житія сего утѣху,
окааше, глаголя: таково ли естъ житіе се,
да, в радости мѣсто, печаль пребываеть?
Отъ сего дне по инъ ся путь иму, еже
есть сего луч̾ши, а в̾ малѣ житія сего
своихъ дній не иждиву. И поученіе ся
имъ, сѣдяше в дому своемъ, учяся кни¬
гамъ изусть святаго Григорія Феолога ¹),
и знаменіе крестное сътворивъ на стѣнѣ;
ибо и похвалу написавъ святому Григо¬
рію сицеву: о Григоріе, тѣломъ человѣче,
а душею ангеле! Ты, тѣломъ человѣкъ [444 в.]
сый, ангелъ ꙗвися. Уста бо твоя, ꙗко
единъ отъ серафимъ Бога прославляють,
и всю вселенную просвѣщають правыя
вѣры казаніемъ. Тѣм̾же и мене, припа¬
дающа к тебѣ вѣрою и любовію, пріими,
и буди ми просвѣтитель и учитель. И
тако го ²) возвѣщаше. Вшедъ же во
многы бесѣды и умъ велій, не могій разу¬
мѣти глубины, въ ученіе ³) веліе впаде.
Страненъ же бѣ етеръ ту, имѣя грамоти¬
кію, и к нему шедъ, моляше и на ногу его,
глаголя, вдаꙗся ему:... ⁴) Он̾ же талан̾тъ
свой погребе, рече к нему: отроче, не
тружайся, отреклъ ся есмь отинуд̾ никого
же не научити сему в моя дни. И паки
же отрокъ со слезами кланяꙗся ему,
глаголаше: возми всю мою частъ отъ дому
отца моего, еже мене достоить, а научи
мя. Нехотѣв̾шю же послушати его, и
шедъ домовъ, в молитвахъ пребываше,
¹) Вм. «Феолога» въ рукописномъ Панигирикъ 1497 г. м—ря св. Іоанна Рильскаго «Богослова».—
²) Вм. «го» д. б. «его». — ³) Вм. «ученіе» д. б. «уныніе». — ⁴) 3а симъ пропускъ. Въ Пониг. это
мѣсто читается такъ: «и кь нему шедъ, моляше и, на ногу его падае и вдаеся ему: добрѣ научи ху¬
дожьству граматичьскому».
|